Barua ya Timoteo ya kavili 1:8 - MMA SHIYYA

⁸ Kyasia manya kutaire sonu ya irambua Nndumi weru ana manya kutashiirie sonu niń nkee mfinge kiimba kyamwi. Kake sisiria mavavio andu emwi nań kiimba kya nrumi shisha kwa kiṛengo kya finya ya Iṛuva.

Barua ya Timoteo ya kavili 1:8 Iomraidhean Croise

Mariko 8:38

Amu nndu woose ashiiriaa sonu na firero fi fakwa kari ka kishuku ki kya waaisi na mareko, na Mwana wa nndu amwiriaa sonu, ili ashaa na unini lwa Ndee andu emwi na vamalaika vasongori.

Luka 9:26

Amu nndu woose airaa sonu kiimba kyakwa niń na kya firero fakwa, na Mwana wa nndu airaa sonu kiimba kyamwi, ili ashaa akee na unini lwamwi na lwa Ndee na lwa vamalaika vasongori ifo iṛuvewu.

Yohane 15:27

Neeni da muvaa varambua vakwa, amu kuuka mbooko mwikee nań.

Yohane 19:35

Na uu andelolia kava murambua. Na irambua lyamwi llya dede. Nae eeshi nkya dede arera, amu neeni muutie-wo ikusura.

Mitanie ya varumi 5:41

Nawo vakasomuka kikweniń kilya na ifura, fulya vallolika sheeli vandesisiria isutwa kiimba kya irina lyo.

Barua ya Varome 1:16

Amu noore sonu ya nrumi yo ya Kristo ndi, fulya ikee finya ya Iṛuva ya ikiṛa valya woose vaikusuraa, lya mbele Vayuda na akwaa vVagiriki nawo.

Barua ya Varome 16:25

Iṛuva yye awore finya ya imukaarisa ikusureń lyanu ili lisumani na nrumi ya ifura ya ikwanisa Yesu Kristo, sheeli niń nkee iikwanisa, likasumana na irambulwa lya kiṛisi kilya kiikee kifise kuuka kala.

Barua ya Varome 8:36

Nsheeli kyatisiṛwa: ”Kwa kiimba kyafo tikee iwalwa nkonu tiṛi, tivakie maanri akee isikywa tubu“.

Barua ya Varome 9:33

sṅeeli kyatisiṛwa: ”Lla te nanrwaa iwe libaayaa ifo Sion na mbamba utuulaa. Na ulya alikusuraa asukaa ndi“.

Barua ya Vakorinto ya mbele 1:6

kwakooya irambuka lya Kristo lyankukaarisia kwanu.

Barua ya Vakorinto ya kavili 6:7

Na fa firero fa dede na fa finya ya Iṛuva andu emwi na fiya fa usumani fa ikabana na ikuringa uko usha na uko umuso.

Barua ya Vaefeso 3:1

Kiimba kya ikyo niń Paulo nkee mfinge wa Kristo Yesu kiimba kyanu ini vayavaṛumu.

Barua ya Vaefeso 3:13

Nkyo namutereva manya mutaleleke kiimba kya ngatara takwa tishiwore. Tishiwore kiimba kyanu, amu mukooye nsendo nnuru.

Barua ya Vaefeso 4:1

Kyasia niń nkee mfinge kiimba kya Nndumi namwikimba ini muware weendo lusumani na ivaangwa li mwavaangwa nalyo.

Barua ya Vaefeso 4:17

Kyasia na alli nkee irera kirero iki niimwikimbaa nkuvavie na Nndumi sheeli: Manya mutakiende mwisoṛaa mikae ya vayavaṛumu vakee ilatia findo fikee fa ruu.

Barua ya Vafilipi 1:7

Kwa ikyo kishisumani mmukusaṛie ifi ini mu woose, fulya mukee ngooń yakwa. Amu mukee itaṅaṛia andu emwi nań uwoo ilo nndeavio̱ ni Iṛuva, kwakooya nkee kifingioń ana kwakooya nkee mashoṛeń a ikabania nrumi shisha na iirambua.

Barua ya Vafilipi 3:10

Nań nimmanye ye na imanya imakii lya iṛuka lyamwi na ilungana na mavaviso amwi, amu wakaniswa nae, na akwaa ni ufu lwakwa luvakane na lwamwi,

Barua ya Vafilipi 4:13

Nkee imakii findo foose nkee na ito ashiniingie finya, yye Kristo.

Barua ya Vakolosai 1:11

Na yavio̱ mwavio̱ yye finya toose kwa kiṛengo kya unini lwamwi, amu muve na isisiria lya mikae yoose na utele,

Barua ya Vakolosai 1:24

Alli noore ifura kiimba kya matuṛulo nndeakooya kiimba kyanu. Na lingi nkee yawutia alya aseere a matuṛulo a Kristo na wili wakwa kiimba kya wili wamwi, nto siṛi yamwi.

Barua ya Vatesalonike ya mbele 3:4

Amu lia tikee kwanu tabooka imuia sheeli tikooyaa mavaviso. Nkuro kindeva sheeli mwishi.

Barua ya Timoteo ya mbele 2:6

kakuniingia ye muni ave ntaua wa itaua vandu woose. Ii yyo mirambuye ikwaniswaa koose kyeeri kyayo kikamfika.

Barua ya Timoteo ya kavili 1:10

Lukamanyika alli, ifi nkiṛa weru Yesu Kristo andelolika uu andefukya finya ta ufu kannde muu na mikae itakisiaa kwa shia ya nrumi shisha.

Barua ya Timoteo ya kavili 1:12

Nkyo kiteveto naliswa ngyukiva ti. Kake nta niilashaa ndi, fulya niishi ulya ninkusurie na imanya sheeli awore finya ya iringa kilya nndeavio̱ kumande nkonu ulya ufikaa.

Barua ya Timoteo ya kavili 1:16

Nndumi alilie va numba ya Onesiforo, amu keengi eekee ishiwiiṛia muu ana nta andeiria mise yakwa sonu ndi.

Barua ya Timoteo ya kavili 2:3

Sisiria ngatara andu emwi nań sha nseṛo nsha wa Yesu Kristo.

Barua ya Timoteo ya kavili 2:8

Kumbua Yesu Kristo ulya andeṛutwa autwa kwa vafu, amilie ufwariń lwa Davidi, sheeli nrumi shisha ikee irera ilya nkee ikwanisa.

Barua ya Timoteo ya kavili 2:9

Kiimba kyayo naliswa ukiva andu a ifingwa sha mutana fikasha. Kake kirero kya Iṛuva kivaa ifinga ndi.

Barua ya Timoteo ya kavili 4:17

Kake Nndumi andeshisalalia kashiniinga finya. Kikava kuro, amu mikwanisie ya nrumi shisha imarisio̱ nniń, vayavaṛumu woose vaikooye. Nań nakiṛwa kaniń ka miiso.

Barua ya Timoteo ya kavili 4:5

Kake iwe ṛangua findoń foose. Sisiria ngatara. Kwanisa mboni shinuru ya ikia. Awutia uṛundi lwafo.

Barua ya Petiro ya mbele 1:5

Lingi mukankaa na ikusura muringwaa mfinya ya Iṛuva mukooye ikiṛwa lyo lyandeeṛio̱ lya ilolika na baa nkonu ulya wa ifurumia.

Barua ya Yohane ya mbele 4:14

Neese tallolia na miso eru na irambua sheeli Nde anderuma Mwana ave nkiṛa wa isanga.

Barua ya Yuda 1:24

Kake ito awore imakii lya imuringa mutakubaaye na imusumanisa musalale mbele ya unini lwamwi na inkabia mindoṛo ateefo malomi:

Urambuyo lwa Yohane 1:2

Na Yohane yye anderambua kirero kya Iṛuva na irambua filya Yesu Kristo andellolisa.

Urambuyo lwa Yohane 1:9

Niń Yohane nkee mwanamae wanu na mutańaṛia mavaviso na umangi lwa Iṛuva andu emwi neeni na ulalamboo lwa iverea Yesu Kristo. Nnderawa kyurukeń kilya kikee kari ka nruva kiivaangwaa Patimo, fulya nndekwanisa kirero kya Iṛuva na irambua Nndumi Yesu.

Urambuyo lwa Yohane 12:11

Nawo vammuvinga kwa finya ya usao lwa ngarina ii na kwa finya ya kirero kya mirambuye yawo. Nawo nta vakunda muu wawo kumande ufuń ndi.

Urambuyo lwa Yohane 19:10

Nań nawa marendeń amwi, amu mmwindie. Kashiia: Manya kutatane kuro! Niń nkee mwelekia wafo na wa vanavamae vafo vakee varambua va Yesu. Ulya kyawara kumwindie ni Iṛuva. Amu irambua Yesu ni iirikia Mumuyo wa wauya.