Barua ya Timoteo ya kavili 1:12 - MMA SHIYYA

¹² Nkyo kiteveto naliswa ngyukiva ti. Kake nta niilashaa ndi, fulya niishi ulya ninkusurie na imanya sheeli awore finya ya iringa kilya nndeavio̱ kumande nkonu ulya ufikaa.

Barua ya Timoteo ya kavili 1:12 Iomraidhean Croise

Matayo 12:21

Na irina lyamwi llyo vandu va masanga valiveṛeaa“.

Matayo 24:36

Kake nkonu ulya ili ufikaa na saa yayo, nta eefo nndu eeshi, nta vamalaika va iṛuvewu ana nta Mwana kita Nde ye muni tubu.

Matayo 7:22

Nkonu ulya wa ifurumya veefo veengi vashiiaa: Nndumi Nndumi, tanringisya na irina lyafo se? Ana tamuumbuta mimuyo mikasha na irina lyafo se? Ana tantana mashoṛa manini na irina lyafo ndi?

Luka 10:12

Nań namuia: Nkonu ulya kivaa kyaangu mmwasi Sodomo yaangusio̱ kita muṛi to.

Luka 23:46

Nae Yesu kaṛoṛongya na ununga unini eereraa: Wui Nde narambikia nrima wakwa maakoń afo. Ammaa irera kuro kanutuka.

Yohane 17:15

Nkee ikutereva amu kuvaute isangeń ndi, kake naamu kuvaringe Nkituva to nkasha.

Yohane 6:44

Eefo nndu amakii isha kwakwa kitaare aitikwa Vvaava uu ashirumie ndi, nań nindutaa nkonu wa ifurumia.

Mitanie ya varumi 13:46

Paulo na Barinaba vakarera na baa veenumbuaa: Kyeewwaraa kirero kya Iṛuva kirerwa kwanu mukee Vayuda lya mbele. Kake fulya mukee ikiumbutia kwaasha na ikulolia mirimiń yanu sheeli mutatinywa muu wa miṛeṛe, Heń te tikiongoyaa vayavaṛumu.

Mitanie ya varumi 13:50

Kake Vayuda vakaaya vaka vanini vandekuwara na Vayuda na vanini va muṛi vakakuria vandu, amu vasue Paulo na Barinaba vakavaumbuta miyanuń yawo.

Mitanie ya varumi 21:13

Llyo Paulo aaṛua: Mutanaa ki mwiyaa na ishifukya nrima? Amu niń nta ni ifingwa da ndi, nkudeeṛie na akwaa ni iwaywa Yerusalemu kiimba kya irina lya Nndumi Yesu.

Mitanie ya varumi 7:59

Vakakaba Stefano na mawe, nae katereva kanumbua: Wui Nndumi Yesu, waria nrima wakwa!

Mitanie ya varumi 9:16

Nań mmworusaa matuṛulwa woose alya atuṛulwaa kiimba kya irina lyakwa.

Barua ya Varome 1:16

Amu noore sonu ya nrumi yo ya Kristo ndi, fulya ikee finya ya Iṛuva ya ikiṛa valya woose vaikusuraa, lya mbele Vayuda na akwaa vVagiriki nawo.

Barua ya Varome 9:33

sṅeeli kyatisiṛwa: ”Lla te nanrwaa iwe libaayaa ifo Sion na mbamba utuulaa. Na ulya alikusuraa asukaa ndi“.

Barua ya Vakorinto ya mbele 1:8

Nae yye amuniingaa finya kumande ifurumia, amu mukooywa mutawore malomi nkonu ulya Nndumi weru Yesu Kristo ashaa nato.

Barua ya Vakorinto ya mbele 3:13

kyasia mashoṛa a nndu woose amanyikaa na baa. Nkonu ulya wa uumisio wavanisaa, fulya ukumanyisaa urie muro. Na muro ulya weleliaa ishoṛa lya nndu woose llya mikae ki.

Barua ya Vafilipi 1:20

Nań nkee ikuwara na ikusura na ba, kundo ntasukaa kutu, kake nkaa na usuro sheeli niikee nalo matika woose, amu Kristo aṅiniswa na wili wakwa kive kya muu wakwa ana kya ufu lwakwa.

Barua ya Vafilipi 3:10

Nań nimmanye ye na imanya imakii lya iṛuka lyamwi na ilungana na mavaviso amwi, amu wakaniswa nae, na akwaa ni ufu lwakwa luvakane na lwamwi,

Barua ya Vafilipi 3:21

Ye eelashaa mivili yeru ya utanyari, amu ivakani na wili wamwi wa unini kisumani na imakii lia akee nalyo, llyo imakii lirwaa findo foose five kwa si yamwi.

Barua ya Vafilipi 3:8

Nkya dede nkee ikusaṛia sheeli findo foose mfa kitani, amu imanya Nndumi wakwa Yesu Kristo nkinini kita foose. Na kwa kiimba kyamwi ye nndetia-wo foose na ifiaṛua nkiṛi-nda, amu wware Kristo muni.

Barua ya Vatesalonike ya mbele 2:16

Lingi vakatiima ise fiireraa na vayavaṛumu kirero kya ikiṛwa lyawo. Kuro Ilyo yawutia mareko awo kyeeri kyoose. Kake uvave lwa Iṛuva lwavafikia kumande ifurumia.

Barua ya Vatesalonike ya mbele 5:4

Kake ini, vanavama, mukee llemiń na nkonu ulya umutambukie sha inini ndi.

Barua ya Timoteo ya mbele 6:20

Iwe Timoteo, ringa ikyo kunderambikio̱! Iwukana na firero kitaare mfa ufundo fitawore misendie na ivingana lya uṛango lukee lwa wongo tubu.

Barua ya Timoteo ya kavili 1:14

Ringa wavi lua usha kundeniingwa kwa finya ya Mumuyo Nsongori akee neese.

Barua ya Timoteo ya kavili 1:16

Nndumi alilie va numba ya Onesiforo, amu keengi eekee ishiwiiṛia muu ana nta andeiria mise yakwa sonu ndi.

Barua ya Timoteo ya kavili 1:18

Nndumi Yesu anniinge akooye ililio̱ kisanguń kya Iṛuva Nndumi nkonu ulya. Na kasa ashiṛundia fiingi ifo Efeso, iwe kwishi nnu.

Barua ya Timoteo ya kavili 1:8

Kyasia manya kutaire sonu ya irambua Nndumi weru ana manya kutashiirie sonu niń nkee mfinge kiimba kyamwi. Kake sisiria mavavio andu emwi nań kiimba kya nrumi shisha kwa kiṛengo kya finya ya Iṛuva.

Barua ya Timoteo ya kavili 2:9

Kiimba kyayo naliswa ukiva andu a ifingwa sha mutana fikasha. Kake kirero kya Iṛuva kivaa ifinga ndi.

Barua ya Timoteo ya kavili 4:8

Kiseere ni uvingo lwa usumani mfisie lua Nndumi mwumisia nsumani ashiniingaa nkonu ulya, ana nniń shi muni ndi, kake wandu woose valya vaveree isha lyamwi.

Barua ya Tito 3:8

Nkirero kya ikusurwa. Na mboni to mfurie kurere na finya, amu valya vakusurie Iṛuva vakumbue uṛundi lwa iṛundia mitanie minuru. Ifi mfinuru fikaendee vandu mbusha.

Barua ya Vaebrania 12:2

Tille Yesu uu andetibookia ikusura, lingi yye aliawutiaa. Ye andu a ifura liikee ideeṛie live uvingo lwamwi kakurika nsalaba wa indefiya kaeeṛa usutu mungo. Numa kakaa rembo taari ya uko usha lwa kifumbi kya Iṛuva.

Barua ya Vaebrania 2:18

Amu fulya andetuṛulwa ye muni eereywaa, amakii yelekia valya vakee irevwa.

Barua ya Vaebrania 7:25

Nae kiimba kya ikyo amakii ivakiṛa deń valya vasheaa Iṛuva veesalalio̱o̱ yye, fulya akee na muu kyeeri kilungani, amu avaterevie-wo.

Barua ya Petiro ya mbele 1:5

Lingi mukankaa na ikusura muringwaa mfinya ya Iṛuva mukooye ikiṛwa lyo lyandeeṛio̱ lya ilolika na baa nkonu ulya wa ifurumia.

Barua ya Petiro ya mbele 4:16

Kake nndu kaliswa ukiva akee nkristo manya atasuke, kake aṅinise Iṛuva na irina lyo.

Barua ya Petiro ya mbele 4:19

Kyasia valya vakee ituṛulwa kwa mifurie ya Iṛuva varambikie mirima yawo muvatana uu akee wa usuro veetanaa kilya kikee kisha.

Barua ya Yuda 1:24

Kake ito awore imakii lya imuringa mutakubaaye na imusumanisa musalale mbele ya unini lwamwi na inkabia mindoṛo ateefo malomi: