Barua ya Petiro ya kavili 1:3 - MMA SHIYYA

³ Imakii lyamwi lya ki-Iṛuva lyantiniinga filya foose fawara iva na muu wa dede na usha lwa dede liitimanyisaa ulya andetivaanga na unini lwamwi na usha lwamwi ye muni.

Barua ya Petiro ya kavili 1:3 Iomraidhean Croise

Matayo 28:18

Yesu kavashea karera nawo. Kavaia: Niń nanniingwa finya yoose ya ishilia kulya iṛuvewu na kunu isangeń.

Barua ya Varome 8:32

Ye nta andeiria Mwana wamwi iriso ndi, kake andenniingia kiimba kyeru ti woose. Alemwaań itiavia ise wavi lwamwi loose andu emwi nae?

Barua ya Varome 9:24

Wwo ise andetivaanga, nta vvandu va Vayuda da ndi, na akwaa wayavaṛumu.

Barua ya Vakorinto ya mbele 1:9

Na Iṛuva wwa usuro, nae yye andemuvaanga mukaliana na Mwana wamwi Yesu Kristo Nndumi weru.

Barua ya Vakorinto ya kavili 12:9

Nae kashiia: ”Ililia lyakwa likufile, amu kwa nndu ntanyari mfo finya yakwa ikooyaa mwaanya wa iṛunda“. Kiimba kya iki kindo nkee ikuṅinisa nakyo ni utanyari lwakwa, amu finya ya Kristo ikooye mwaanya wa iṛunda kari kakwa.

Barua ya Vaefeso 4:1

Kyasia niń nkee mfinge kiimba kya Nndumi namwikimba ini muware weendo lusumani na ivaangwa li mwavaangwa nalyo.

Barua ya Vaefeso 4:4

Vvili ni umwi na Mumuyo ni umwi na iverea lya ivaangwa lyanu mwavaangwa nalyo llimwi.

Barua ya Vafilipi 3:8

Nkya dede nkee ikusaṛia sheeli findo foose mfa kitani, amu imanya Nndumi wakwa Yesu Kristo nkinini kita foose. Na kwa kiimba kyamwi ye nndetia-wo foose na ifiaṛua nkiṛi-nda, amu wware Kristo muni.

Barua ya Vafilipi 4:8

Lya ifurumia vanavama, kusaṛeń filya fikee fa dede na filya fikee fa sonu shisha na filya fikee fa langa na filya fisenyie na filya fikee fisha fa irera na filya foore tikisi shisha fikusaṛień.

Barua ya Vakolosai 1:16

Fulya findo foose fiifo ifo iṛuvewu na kunu isangeń filya filolikie na fitalolikie, five fifumbi fa tikisi ana ngyumangi ana unini ana witoṛo findo ifi foose findetanwa kwa shia yamwi na kiimba kyamwi.

Barua ya Vatesalonike ya mbele 2:12

amu mwende sheeli kyawara kwa Iṛuva andemuvaangia umangi lwamwi na unini lwamwi.

Barua ya Vatesalonike ya mbele 4:7

Amu Iṛuva antivaangia ukwe ndi, kake antivaanga tive vailise.

Barua ya Vatesalonike ya kavili 2:14

Nkyo andemuvaangia ini na nrumi shisha yeru, amu mukooye unini lwa Nndumi weru Yesu Kristo.

Barua ya Timoteo ya mbele 4:8

Amu wishiviṛi lwa wili lwelekaa kinnya da. Kake ikusura Iṛuva lyelekaa findoń foose, lingi liwore na kirekio kya muu wa alli na kya ulya uvaa numa.

Barua ya Timoteo ya kavili 1:9

Yye uu andetikiṛa kativaangia fuva shisongori kitaare nkwa mitanie yeru ise, kake nkwa kiṛengo kya wafio lwamwi muni na uwoo lwamwi. Uwoo lo tindeniingwa nKristo Yesu kuuka mbooko.

Barua ya Vaebrania 1:3

Nae mmuni langa ya unini lwa Iṛuva, amu sheeli Iṛuva akai mfo kuro nae akai. Lingi yye awarie foose kwa finya ya kirero kyamwi. Ammaa isangya vandu mareko na usao lwamwi kakaa rembo uko usha lwa muya unini iṛuvewu ule.

Barua ya Petiro ya mbele 1:15

Kake sheeli ulya andemuvaanga akee nsongori, mfo kuro neeni veń vasongori weendoń lwanu loose.

Barua ya Petiro ya mbele 1:5

Lingi mukankaa na ikusura muringwaa mfinya ya Iṛuva mukooye ikiṛwa lyo lyandeeṛio̱ lya ilolika na baa nkonu ulya wa ifurumia.

Barua ya Petiro ya mbele 2:21

Amu ikyo nkyo mwavaangio̱, fulya na Kristo antuṛulwa kiimba kyanu kamutia myorusie, amu mulatie mbayo tamwi.

Barua ya Petiro ya mbele 2:9

Kake ini mukee ufwari lundesaulwa, mukee na varasia va umangi, mukee vayakyama kisongori, mukee vandu vataue, amu mukwanise mitanie ya unini ya ito andemuuta llemiń kamuvaangia langa yamwi ya maṛiikiso.

Barua ya Petiro ya mbele 3:9

Mutataa kikasha na kikasha ana kirumu na kirumu, kake niingeń valya vamutuṛua mboṛa, fulya iva wwo mashoṛa anu mwa-vaangio̱, amu murwaa diṅu ya mboṛa ya Iṛuva.

Barua ya Petiro ya mbele 5:10

Na Iṛuva muni wa uwoo loose andemuvaangia unini lwamwi lwa miṛeṛe, fulya mukee va Kristo, yye amusumanisaa na imwirisha na imuniinga finya kyeeri kilya kiti mukee ukiveń.

Barua ya Petiro ya kavili 1:10

Kiimba kya ikyo vanavama, kutomariseń kya mmwasi iseṛeesa kyumu ivaangwa lyanu na isaulwa lyanu, amu itana kuro nta mubaaywaa kutu ndi.

Barua ya Petiro ya kavili 1:2

Uwoo lumwengeṛio̱ na unambwe mwammaa imanya Iṛuva na Nndumi weru Yesu.

Barua ya Petiro ya kavili 1:5

Na kuro nkyo kiimba ikyo mundekwatara na finya yanu yoose, amu ikusura lyanu linnde usha lwa nrima na usha lo lwanu lunnde imanya.

Barua ya Petiro ya kavili 1:6

Na imanya lyanu linnde kiṛengo na kiṛengo kyanu kinnde isisiria na isisiria lyanu linnde usongovisi.

Barua ya Petiro ya kavili 1:8

Amu kwakooya findo ifo fikee kwanu na ifumbuka, fimwelekaa ini mutave varoko ana mutatuṛe nunda ta imanya Nndumi weru Yesu Kristo.

Barua ya Petiro ya kavili 2:20

Amu valya vammaa irisha kiṛinda kya isanga kiimba kya imanya Nndumi na Nkiṛa Yesu Kristo kwakooya vareywa nkyo lingi na ivingwa, mikae yawo ya ifurumia yawa mikasha kita ya mbele.

Barua ya Petiro ya kavili 3:18

Kake engeṛień ińina mwiavioo uwoo, lingi mwimanyaa Nndumi weru na Nkiṛa weru Yesu Kristo. Unini llwamwi alli na kumande nkonu wa miṛeṛe!