Barua ya Timoteo ya mbele 3:3 - MMA SHIYYA

³ Manya atave nndu aṛemie na wari ana nndu wa nkuru. Kake ave nndu wwoo atawore myaandu ana unyuku.

Barua ya Timoteo ya mbele 3:3 Iomraidhean Croise

Matayo 21:13

Kavaia: Nkitisiṛe: Numba yakwa ivaangwaa numba ya iterervya, kake ini mwaiaṛua ikava mbanga ya fisoki.

Mitanie ya varumi 20:33

Nndelanga fesa ana saabu ana nta isaṛa lya nndu ndi.

Barua ya Varome 16:18

Amu iwo vakee kuro vaṛundiaa Nndumi weru Kristo ndi, kake vaṛundiaa ndewu tawo wo veni vakalemba ngoo ta vandu vasaari kyumu na firero fooṛoṛo na fa ikushiisa.

Barua ya Vaefeso 5:18

Ana manya mutanangwa wwari, amu uretaa weendo usha, kake veń vandu veeshue Mumuyo wa Iṛuva.

Barua ya Vatesalonike ya mbele 5:14

Tamutereva, vanavama, ikimbeń valya vatakee na useli, kaariseń valya vakee na nrima ntanyari, niingeń valemwa finya, veń na ulalamboo kwa vandu woose.

Barua ya Timoteo ya mbele 3:8

Mfo kuro na veelekia siṛi vave vandu va usuro vatawore ukavili, vatave vandu vanwa wari nnu, vatawore ilanga mbesa ta usutu.

Barua ya Timoteo ya kavili 3:2

Amu vandu vakukundaa wo veni vakava vakunda mbesa vakava vakuṅinisi na vakufumbisi na varuma na vateendia vasuṛi vawo vatawore waanu, vataaṛie Iṛuva sonu.

Barua ya Tito 1:11

Wwo vandu vakee ifuluta vandu va numba yoose veeloshaa filya kitaare favawara kiimba kya mbusha ya usutu.

Barua ya Tito 1:7

Amu kyawara mulla siṛi ave nndu ataṛiingwa nkindo, amu ni nringi wa Iṛuva. Manya atave nndu wa ikushiisa ye muni, manya atave mwaangu wa ituṛuka, manya atave nnangwa ana muyamyaandu, manya atave mukunda mbusha ya usutu.

Barua ya Tito 2:3

Mfo kuro ikimba na vakyeku vave na weendo lusumani na vasongori. Vatave vaṛiingi ana manya vatave vanwa wari mwiingi, kake vave valosha finuru,

Barua ya Tito 3:2

Manya vatarume nta nndu vakaa vataare myaandu, vaorusie vandu woose utele na uwoo.

Barua ya Vaebrania 13:5

Manya mutave vandu vakuwore na unyuku, filwań mfilya fikee fanu. Amu ye muni anumbua: ”Nkureaa ndi, ana niiwukanaa nawe ndi“.

Barua ya Yakobo 4:1

Fira yukie kwi na myaandu ikee kwanu yukie kwi? Yukaa milangień yanu se yantaa ngabanu kari ka meeṛo anu?

Barua ya Petiro ya mbele 5:2

Iseń shoo ya Iṛuva ikee kwanu na iiringa, nta nsha vandu vakabiṛie ndi, kake nsha vandu vakunda Iṛuva. Ana manya mutaṛuye-wo mbusha, kake salalień shoo na mirima yoore utomari.

Barua ya Petiro ya kavili 2:3

Ili vawarwa ni ilanga masaa, vakukooiyaa mbusha kwanu na firero fa imulemba. Kake uumisio lwawo lukee udeeṛie kuuka mbele ana ivareta lyawo lisindaa ndi.

Barua ya Yuda 1:11

Ushi wo, fulya vandeenda shień ya Kain veesoṛaa urekwa lwa Bileamu kiimba kya maṛe a ulembi, nawo vakarekia uretiń sha Kora.

Urambuyo lwa Yohane 1:9

Niń Yohane nkee mwanamae wanu na mutańaṛia mavaviso na umangi lwa Iṛuva andu emwi neeni na ulalamboo lwa iverea Yesu Kristo. Nnderawa kyurukeń kilya kikee kari ka nruva kiivaangwaa Patimo, fulya nndekwanisa kirero kya Iṛuva na irambua Nndumi Yesu.