Barua ya Vatesalonike ya mbele 4:3 - MMA SHIYYA

³ Na mifurie ya Iṛuva yyo ii: Kusongoviseń ngoo mwiwukane na waaisi.

Barua ya Vatesalonike ya mbele 4:3 Iomraidhean Croise

Matayo 12:50

Amu nndu woose atanaa kilya Nde yakwa wa iṛuvewu afurie, ito yye mwanama na mfwama na yeyo wakwa.

Matayo 15:19

Amu ifo nrimiń mfo kundo aukaa makusaṛo makasha na iwaa na waaisi na yaaika na unini na fa ukureki lwa wongo na nrumu.

Matayo 5:32

Kake niń namuia: Ulya woose alakanaa na nka wamwi kitaare nkwa mboni ya waaisi amwaṛua kava mwaaisi. Na nndu kaora nka ulya andetio ni mmi amaaika.

Matayo 7:21

Nta ni nndu woose ashisendaa Nndumi Nndumi afikaa umangiń lwa iṛuvewu ndi kita ulya akee itana filya Nde yakwa wa iṛuvewu afurie.

Mariko 3:35

Amu nndu woose atanaa mifurie ya Iṛuva ito yye mwanama na mfwama na yeyo wakwa.

Yohane 4:34

Yesu kavaia: Shoonga yakwa yyo ii: Ni itana mifurie ya ito andeshiruma na yawutia mashoṛa amwi.

Yohane 7:17

Nndu kafura itana kilya ye afurie, amanyaa akwaa miloshie yo yukie kwa Iṛuva ana akwaa mfirero fakwa feni nkee irera.

Mitanie ya varumi 15:20

Kake tivati-siṛie barua na ivaia vaiwukani na irasia vaṛumu na iiwukana na waaisi na ilya nyama ta findo fakuṛwa na inwa usao.

Mitanie ya varumi 15:29

Mfo ifi: Mwiwukani na findo fa misimbika ya firasio ya fwana na usao na nyama takuṛwa na waaisi. Mukakwima ifo mutanaa kisha. Kaańń na kibua!

Mitanie ya varumi 20:32

Kyasia alli namurambikiań Iṛuva mukukaarise na kirero kyo kya ililia lyamwi. Ye amakii imusongovisa na imuniinga diṅu andu emwi na valya woose vamiiliswa.

Mitanie ya varumi 26:18

Kuvarue miso awo varie llema vashe langeń, vauke ushiliń lwa Satana vaaṛukie Iṛuva. Kuro vakooye itio̱ lya mareko awo na diṅu kari ka iwo vamiiliswa veeshikusuraa niń.

Barua ya Varome 1:29

Vakaishua wilo lwa mikae yoose na ureti na ilanga na ukasha. Vakaishulwa ni iriso na iwaa na uṛiingi na ntambwe, vvandu va makusaṛo makasha na varera vandu.

Barua ya Varome 12:2

Manya mutakuvakanise na mikae ya isanga li, kake mwilashike muniingwa ngoo shiiya, amu mumanye kilya kikundio̱ ni Iṛuva, nkilya kikee kinuru na kilya kisenyaa na ikyo kisongori.

Barua ya Varome 6:22

Kake alli mwantaulwa ifo usingeń lwa mareko mukava masinga a Iṛuva na mbusha yanu muwore ni iiliswa na numa muu wa miṛeṛe.

Barua ya Vakorinto ya mbele 1:30

Kwamwi ye mfo mundeuka ini mukee va Kristo Yesu. Uu yye antitanio̱ ni Iṛuva ave mutiṛangusa na mutisumanisa na mutisongovisa na mutikiṛa.

Barua ya Vakorinto ya mbele 7:2

Kake kiimba kya ikwima waaisi nndumi woose ave na nka wamwi ye muni na nka woose ave na mmi wamwi ye muni.

Barua ya Vakorinto ya kavili 12:21

Nań ili nshaa lingi, Iṛuva wakwa ashinyiisaa lingi ifo kwanu, nań ndiikiaa veengi vanderekio̱ kuuka ilyo vatandekurra ukasha na ukwe na waaisi vandelutana.

Barua ya Vagalatia 5:19

Na mitanie ya kiwili imanyikie baa sheeli ikai. Nayo yyo ii: Wwaaisi na ukwe na uravi

Barua ya Vaefeso 5:17

Kiimba kya ikyo manya mutave variṅani, kake veń vandu vatanaa kilya Nndumi akundie.

Barua ya Vaefeso 6:6

Manya mutakushiise mwiṛundaa ili veemullaa, amu muvasenye, kake mumanye sheeli mukee vaṛundi va Kristo na itana mutane kilya kisenye Iṛuva na ngoo iwore ikunda.

Barua ya Vakolosai 1:9

Na kiimba kya ikyo ise neese kuuka nkonu ulya tindeita tirekio̱o̱ deń yaana Iṛuva na imuterevia ndi, amu mukooye imanya kilya akundie mwishuṛwaa waṛia loose na uṛango fuukie kwa Mumuyo

Barua ya Vakolosai 3:5

Kyasia waań milangie ilya ya mivili yanu ikee ya kiisanga sha waaisi na ukwe na ilanga ikasha na makusaṛo a ruu andu emwi na unyuku lukee windi lwa maṛuva a wongo.

Barua ya Vakolosai 4:12

Epafira amwisana akee nndu wa kwanu, ni iketi lya Yesu Kristo eetaniaa utomari mikonu yoose kiimba kyanu fiterewoń famwi, amu musalale kyumu ikusureń na ikukaarisia findoń foose filya Iṛuva afurie.

Barua ya Vatesalonike ya mbele 4:2

Mwishi mavavaso alya tamuniingia ise, neese taaniingio̱ ni Nndumi Yesu.

Barua ya Vatesalonike ya mbele 4:4

Nndu woose wanu akufunde isaua nka wamwi na insongosia na iṅṅinisa,

Barua ya Vatesalonike ya mbele 5:18

Aaneń Iṛuva findo foose, amu yyo mifurie ya Iṛuva, fulya mwawa va Kristo Yesu.

Barua ya Vatesalonike ya mbele 5:23

Na Iṛuva muni unambwe ye muni amwilise deń, na mumuyo wanu usumaniswa andu emwi na nrima na wili na iringwa liteefo ilomi, kumande Nndumi weru Yesu Kristo ashaa.

Barua ya Vatesalonike ya kavili 2:13

Kake kyantiwara ise yaana Iṛuva mikonu yoose kiimba kyanu, vanavama vakunde va Nndumi, fulya Iṛuva andemusaua kuuka mbooko mukooye ikiṛwa mwiiliswaa mMumuyo na ikusura udede.

Barua ya Tito 2:14

Na nkiṛa uu yye akuniingia kiimba kyeru. Na kiteveto katana kuro, naamu atitaue ukasheń loose na itisangya atisangye mirima, neese tive vandu vamwi vatomari vawore mitanie minuru.

Barua ya Vaebrania 10:36

Kake kyamuwara muve vandu va ulalamboo, amu mutane mifurie ilya Iṛuva akundie na iwaria wavi lua mwee-Ilurekio̱o̱.

Barua ya Vaebrania 12:16

Manya atakaa-fo mwaaisi ana mubiṛa Iṛuva sha Esau andekunda diṅu yamwi ya uvele kiimba kya imutu limwi.

Barua ya Vaebrania 13:21

Iṛuva uu amuniinge finya ya itana mifurie yoose ilya afurie! Ye akaarise mirimiń yanu kilya kinsenyie eemurwaa shień ya Yesu Kristo. Uu eetikiswa miṛeṛe na miṛeṛe! Amen.

Barua ya Vaebrania 13:4

Ihingana lya vandu vaalikie liirio̱ sonu vvandu woose, na kiraa kyawo manya kitasutwa, amu Iṛuva aumisiaa vaya ukwe na vaaisi.

Barua ya Petiro ya mbele 1:2

Fulya mwandengio̱ ni Iṛuva Nde mwiliswa mMumuyo Nsongori, amu mukooye ikusura Yesu Kristo na ifwalio̱ usao lwamwi. Uwoo na unambwe feengeṛio̱ kwanu!

Barua ya Petiro ya mbele 4:2

Kuuka alli manya mutaengeṛie ilatia milangie ya kivandu, kake latień mifurie ya Iṛuva feeri fanu fikiseere fa ikaa kunu isangeń.

Barua ya Yohane ya mbele 2:17

Kake isanga lisiaa andu emwi na ilanga lyayo. Kake ulya ava mutana kilya Iṛuva afurie akaa miṛeṛe.

Urambuyo lwa Yohane 21:8

Kake valya vakee veeṛei na vatakusurie na vatuṛua na vawaa na vaaisi na vasavi na valya vakee iindia fifu na va wongo woose fuva yawo ikee iruveń lia likee yaka muro wa kibalabala. Ilu llo ufu lwa kavili.“

Urambuyo lwa Yohane 22:15

Ifo wooṛo akaa makite na vasavi na vaaisi na vawaa na iwo vaindia maṛuva a wongo na valya woose vakundie wongo na iirera.“