Zefaniya 3:3 - Bibliya Yera 1951 1967 (Burundi)

³ Abaganwa bo muri wo ni nk’intambge zīvuga; abacamanza bawo ni nk’amabingira agenda ijoro, atagira ico arāza na mba.

Zefaniya 3:3 Iomraidhean Croise

Imigani 28:15

Ūtwaza ituntu abantu b’abafafara Ameze nk’intambge yivuga, n’igikōko citwa idubu yābagizwa n’inzara.

Yesaya 1:23

Abakuru bawe n’abagarariji, n’abagenzi b’ibisuma; umuntu wese muri bo akunda ingurire, akurikira guhongerwa; ntibacira urubanza impfuvyi, kand’ imanza z’abapfakazi ntizigera aho bari.

Yesaya 5:29

Ukwivuga kwabo kuzoba nk’ukw’ intambge, bazokwivuga nk’imigunza y’intambge: ni koko bazotontoma basahura isahu, bayīnyagira, ata wuriho wo gutabara.

Yeremiya 22:17

Ariko weho amaso yawe n’umutima wawe nta handi bitumbereye atar’ ukwifuza inyungu mbi, no kuvisha amaraso y’abatācumuye, no guhahaza, n’umuryano.

Yeremiya 23:11

Kuko ba kamenyi n’abaherezi ar’ ibihumane; mbere no mu ngoro yanje nabonye ivyaha vyabo, ni jewe Uhoraho mbivuze.

Yeremiya 34:19

ni bo baganwa b’i Buyuda n’abaganwa b’i Yerusalemu n’inkone n’abaherezi n’abantu bose bo mu gihugu, abāciye hagati ya vya bihimba vy’iyo masa:

Yeremiya 5:6

Ni co gituma intambge yo mu kibira izobica, n’ibingira rigendagenda uko buhwibiriye rizobasahura, n’ingwe izotegera ku bisagara vyabo, maz’ ūbisokorokamwo wese atabagurwe; kuk’ ukugabitanya kwabo ari kwinshi, n’ugusubira inyuma kwabo kukaba kurenze urugero.

EZEKIYELI 22:6

Rāba abaganwa b’Abisirayeli baba muri wewe uko bangana bakoresha ububasha bgabo kuvisha amaraso.

EZEKIYELI 33:26

Ko mwishimiye inkota zanyu, mugakora ibizira, umuntu wese akonona muka mugenzi we: none mugira ngo mwohabga igihugu kw ishamvu?

Habakuki 1:8

Amafarasi yabo arusha ingwe ubukuba, kand’ arusha ubukazi amabingira agenda ijoro: abagendera ku mafarasi yabo baza bihaya: mber’ abagendera ku mafarasi yabo baza bavuye kure; baguruka nk’inkukuma yihutira ico irotsa.