Obadiya 1:10 - Bibliya Yera 1951 1967 (Burundi)

¹⁰ Kubg’ inabi wagiriye mwene nyoko Yakobo uzomāramāra, uzorandurwa uheneberezwe.

Obadiya 1:10 Iomraidhean Croise

Itanguriro 27:11

Yakobo yishura Rebeka nyina wiwe, at’ Ehe rāba, Esau mukurwanje n’umuntu yakatse ivyoya, nanje umubiri wanje n’inkūte.

Itanguriro 27:41

Esau agirira Yakobo urwanko, kubg’ umuhezagiro se yamuhezagiye: maze Esau arivuganya mu mutima, ati Data ashigaje igihe gito tukaja ku kigandaro: ni ho nzokwica murumunanje Yakobo.

2 Ivyo ku Ngoma 28:17

kukw Abanyedomu bāri bongeye gutera i Buyuda, bakahanesha, bakajana abaho ar’ inyagano.

Zaburi 109:29

Abansi banje ni bambikwe agatēterezo, Bambare isoni zabo nk’umutamana.

Zaburi 132:18

Abansi biwe nzobakorera ibara; Ariko we, igitsibo ciwe kizomukayanganako.

Zaburi 137:7

Uhoraho, ibuka Abanyedomu Ivyo bagize wa musi w’i Yerusalemu; Ni bo bavuze, bati Ni muhasangangure, ni muhasangangure, Mushitse no kw itanguriro ryaho.

Zaburi 69:7

Kuko nihanganira ibitutsi bakumpōra; Isoni zitwikiriye mu maso hanje.

Zaburi 89:45

Wagabanije imisi y’ubusore bgiwe, Wamwambitse isoni. Sela.

Imigani 10:6

Imigisha iba ku mutwe w’ umugororotsi, Arik’ umuryano wubikiza ku munwa w’umunyavyaha.

Imigani 17:5

Ūcokora umworo aba agaye Umuremyi wiwe, Kand’ ūnezerezwa n’ivyago vy’ uwundi ntazobura guhanwa.

Yeremiya 12:14

Uku ni ko mvuze, jewe Uhoraho, ku vy’ababanyi banje bose babi, bīhaye ku manyama ishamvu neguriye abantu banje b’Abisirayeli, nt’ Ehe nzobashika mbakūre mu gihugu cabo, kand’ inzu ya Yuda nzoyibashikura.

Yeremiya 3:25

Ni turambarare hasi mu gatētereza kacu, twipfuke ubumāramāre bgacu; kuko twacumuye k’Uhoraho Imana yacu, twe na ba sogokuruza, kuva mu buto bgacu gushitsa no kur’ uyu musi, ntitwumvire Uhoraho Imana yacu.

Yeremiya 49:13

Kuko nirahiye ubganje, ni jewe Uhoraho mbivuze, yukw i Bosira hazohinduka akajoreza n’igitutsi n’ ibitongozi n’ikivume; kand’ ibisagara vyaho vyose bizoba ibitongozi gushitsa ibihe bidashira.

Yeremiya 51:51

Turatēterewe, kuko twumvise ibitutsi; mu maso hacu haje ibimāramāre: kukw abanyamahanga binjiye mu myanya yera yo mu ngoro y’Uhoraho.

GUCURA INTIMBA 4:21

Ni winezererwe, uhimbarwe, ewe mukobga, Edomu we, wibereye mu gihugu c’i Uzi! Nawe igikombe kizodōbēra kiruhe kigushikeko; uzoborerwa, ute agahuzu.

GUCURA INTIMBA 4:22

Igihano c’ukugabitanya kwawe kirarangiye, weho mukobga, Siyoni we; Ntazokwongera kukujana kure ur’ inyagano: Ariko wewe mukobga, Edomu we, azoguhanira ibigabitanyo vyawe; Azogaragaza ivyaha vyawe.

EZEKIYELI 35:9

Nzoguhindura amatongo ibihe bidashira, kand’ ibisagara vyawe ntibizosubira kugira ababibamwo: maze muzomenya yuko jewe nd’ Uhoraho.

EZEKIYELI 7:18

Kandi bazokenyera amagunira, ubgoba bubatwikire, kandi mu maso ha bose hazogira ibitētērwa, no ku mitwe ya bose hazoba inkomvorera.

Yoweli 3:19

Egiputa hazocika amatongo, na Edomu hazohinduka ubugaragwa bg’uruharabuga, bazize inabi bagiriye Abayuda, kuko mu bihugu vyabo bahavishirije amaraso y’abatācumuye.

Amosi 1:11

Uku ni k’Uhoraho agize, ati Kubg’ ibicumuro bitatu vy’i Edomu, mbere ni bine, sinzovyirengagiza; kuko yakinagije mwene nyina n’inkota, akamiriranya icitwa imbabazi cose, uburake bgiwe ntibuhengeshanye kurandamurana, akabīka akazīka ibihe vyose.

Mika 7:10

Maz’ umwansi wanje azobirāba, yicwe n’isoni, uwahora ambgira, at’ Uhoraho Imana yawe iri hehe? Amaso yanje azomwibonera, igihe azosiribangwa nk’ ivyondo vyo mu nzira.

Gusubira mu Vyagezwe 23:7

Ntimuze mugirire akazīka Abanyedomu, kuko mur’ akara kamwe, kandi ntimugirire akazīka Abanyegiputa, kuko mwar’ inyambukīra mu gihugu cabo.

Gusubira mu Vyagezwe 23:8

Abuzukuru babo bazovuka hanyuma bazoshobora kuja mw ikoraniro ry’Uhoraho.