Ivyahishuwe 3:3 - Bibliya Yera 1951 1967 (Burundi)

³ Ni wibuke rero ingene wākiriye kandi wumvise: uvyitondere, wihane. Nuko rero n’utaba maso, nzoza nk’igisuma, nawe ntuzomenya igihe nzokwūbīra.

Bibiliya mu Kirundi coroshe

³ Wibuke inyigisho wumvise ukazakira. Uzigendere wongere wihane. Niyo utakanguka nzoza nk’igisuma, kandi ntuzomenya igihe nzokugendera.

Ivyahishuwe 3:3 Iomraidhean Croise

EZEKIYELI 20:43

Aho ni ho muzokwibukira ingeso zanyu n’ibikorwa vyanyu vyose, ivyo mwihumanishije; nuko muzokwiyanka kubg’ ivyaha vyanyu vyose mwakoze.

EZEKIYELI 36:31

Ni ho muzokwibukira ingeso zanyu mbi, n’ibikorwa vyanyu bitari vyiza; kandi muzokwiyanka urunuka, kubg’ ibigabitanyo vyanyu n’ibizira mwakoze.

Matayo 25:13

Nuko mwame mugavye kuko mutazi umusi cank’ isaha.

Mariko 13:33

Mwiyubare, mube maso, musenge; kuko mutazi igihe bizoshikira.

Mariko 13:36

kugira ngo ni yaza giturumbuka, ntasange musinziriye.

1 Tesalonike 5:2

Kuk’ ubganyu muzi neza yuk’ umusi w’Umwami wacu uzoza nk’ukw igisuma kiza mw ijoro.

1 Timoteyo 6:20

Ewe Timoteyo, wame uzigama ico wabikijwe, utere ibitugu ibizira vy’amagambo ahumanya n’ukurwana kw’ivyitwa ubgenge atari bgo,

2 Timoteyo 1:13

Gumya icitegererezo c’amajambo mazima wanyumvanye, ukigumishe ukwizera n’urukundo rubonerwa muri Kristo Yesu.

Abaheburayo 2:1

Ni co gituma dukwiye kurushiriza kwitwaririka ivyo twumvise, kugira ngo ntidutwarwe akayombekere tukabivako.

2 Petero 1:13

Ndiyumvira yuko nkwiye kubakangura mbibutsa, nkiri mur’ uru rusago.

2 Petero 3:1

Abo nkunda, non’ iki ni co cete ca kabiri mbandikiye, mur’ ivyo vyompi ndakangura imitima yanyu ikeye, mbibutsa;

2 Petero 3:10

Arik’ umusi w’Umwami wacu uzoza nk’igisuma, ah’ amajuru azovaho, hakaba n’ukwasana guhambaye, ivy’ itanguriro vyose bigashongeshwa n’ikibengebenge gikaze, isi n’ibikorwa biri muri yo bigatongoka.

Ivyahishuwe 16:15

(Ehe ndaza nk’igisuma. Hahirwa ūba maso, akazigama impuzu ziwe, ngo ntagende amēnya, bakabona isoni z’ubgambure bgiwe.)

Ivyahishuwe 2:25

ko mwumira ku co mufise mugashitsa aho nzozira.

Ivyahishuwe 2:5

Nuko ni wibuke aho wavuye ukagwa; wihane, ukore ibikorwa nk’ivya mbere. N’utagira urtyo, nzoza kuri wewe nkūre igiterekwakw itara cawe ahantu haco, shiti wihannye.

Ivyahishuwe 22:7

Kand’ ehe ndaza vuba. Hahirwa uwitondera amajambo yavugishijwe yo mur’ iki gitabo.

Ivyahishuwe 3:11

Ngira nze vuba: wumire ku co ufise, ntihagire ūgutwara igitsibo cawe.

Ivyahishuwe 3:19

Abo nkunda bose ndabakankamira, nkabakāngīra; nuko gira umwete, wihane.

Ivyahishuwe 3:2

Gira ube maso, ukomeze ibisigaye bigira bipfe: kukw ata bikorwa vyawe nabonye bisozerewe imbere y’Imana yanje.