Ivyahishuwe 15:3 - Bibliya Yera 1951 1967 (Burundi)

³ Baririmba indirimbo ya Mose umusavyi w’Imana, n’indirimbo ya wa Mwagazi, bat’ Ibikorwa vyawe birahambaye kandi biratangaza, Mwami Mana ushobora vyose; inzira zawe n’iz’ ukugororoka n’ukuri, Mukama w’amahanga.

Bibiliya mu Kirundi coroshe

³ baririmba indirimbo ya Mose umukozi w’Imana n’iy’Umwagazi w’intama, bavuga bati: “Ibikorwa vyawe birahambaye kandi biratangaje, Mwami, Imana Mushoboravyose. Inzira zawe ziragororotse kandi ni iz’ukuri, Mwami w’amahanga.

Ivyahishuwe 15:3 Iomraidhean Croise

Itanguriro 17:1

Aburamu amaze imyaka mirongwicenda n’icenda, Uhoraho aramubonekera, aramubarira, ati Ni jewe Mana Ishobora vyose; uhore ugendera imbere yanje, kand’ utungane rwose.

1 Ivyo ku Ngoma 6:49

Ariko Aroni n’abana biwe, ivyabo kwar’ ukwosa ibimazi ku gicaniro vyoserezwako, no kwosa imibavu ku gicaniro cayo, bagakora ibikorwa vyose vy’Ahēra cane, bagatangira Abisirayeli impongano, vyose babigenjeje nk’uko Mose umusavyi w’Imana yageze.

2 Ivyo ku Ngoma 24:6

Bukeye umwami ahamagaza umuherezi mukuru Yehoyada, aramubaza, ati N’iki cakubujije kubgira Abalewi gutoza Abayuda n’ab’i Yerusalemu ikori, iryo Mose umusavyi w’Uhoraho yashingiye ikoraniro ry’Abisirayeli, ngo baritange kubg’ ihema ry’ibonaniro?

Nehemiya 9:14

Wabamenyesheje isabato yawe yera, ubashirirah’ amabgirizwa n’ivyashinzwe n’ ivyagezwe, ubitumye umusavyi wawe Mose.

Yobu 36:24

Ibuka gutazira ibikorwa vyayo, Ivyo abantu bahora baririmba.

Yobu 5:9

Ni yo ikora ibihambaye bidaserangurwa, N’ibitangaza bidaharūrika;

Zaburi 100:5

Kuk’ Uhoraho ari mwiza, imbabazi ziwe zihorah’ ibihe bidashira, Kand’ ahora ar’ umwizigirwa no gushitsa ibihe vyose.

Zaburi 105:5

Mwibuke ibikorwa vyiwe bitangaje yakoze, Ibitangaza vyiwe n’amateka yo mu kanwa kiwe,

Zaburi 111:2

Ibikorwa vy’Uhoraho birahambaye, Biseswa n’abo bihimbara bose.

Zaburi 111:7

Ibikorwa vy’intoke ziwe n’ ukuri no kuroranya; Amabgirizwa yiwe yose arahamye.

Zaburi 139:14

Ndagushimira yuko naremwe uburyo buteye ubgoba butangaje: Ibikorwa vyawe n’ibitangaza; Kand’ ivyo, umutima wanje urabizi neza.

Zaburi 145:17

Uhoraho agororoka mu nzira ziwe zose, N’umunyabuntu mu bikorwa vyiwe vyose.

Zaburi 145:6

Abantu bazovuga inkomezi z’ ibikorwa vyawe biteye ubgoba: Nanje nzomenyekanisha ubukuru bgawe.

Zaburi 18:30

Imana yo, inzira yayo iratunganye rwose, Ijambo ry’Uhoraho ryaravugutiwe: Ni we nkinzo ikīngira abamuhungirako bose.

Zaburi 78:12

Yakoreye ibitangaza mu maso ya ba sekuruza Mu gihugu ca Egiputa, mu gahinga k’i Sowani.

Zaburi 92:5

Ereg’ ibikorwa vyawe birakomeye Uhoraho! Ivyiyumviro vyawe bishika i bgina kure.

Zaburi 99:4

Inkomezi z’umwami n’ugukunda imanza zibereye; Ni wewe ushinga ibiroranye. Imanza zibereye n’izigororotse ni wewe ubikorera mu ba Yakobo.

Yesaya 33:22

Kuk’ Uhoraho ari we mucamanza wacu; Uhoraho ni we adushingira ivyagezwe; Uhoraho ni we Mwami wacu: azodukiza.

Yesaya 45:21

Ni mubivuge, ni mubizane, mbere ni baje inama hamwe: ni nde yerekanye ivyo uhereye mu bihe vya kera? Ni nde yabimenyekanishije uhereye kera? Si jewe, Uhoraho? Kandi nta yindi Mana atari jewe, Imana igororotse kand’ Umukiza; nta yindi atari jewe.

Daniyeli 6:20

Ashitse hafi ya rwa rwobo Daniyeli yarimwo, ahamagara n’ijwi ry’umubabaro, abaza Daniyeli, ati Yewe Daniyeli musavyi w’Imana nzima, mbeg’ Imana yawe ukorera na ntaryo yashoboye kugukiza izo ntambge?

Daniyeli 9:11

Ni koko, Abisirayeli iyo bava bakagera bacumuye ku vyagezwe nawe, baratambama ngo ntibumve ijwi ryawe; ni co catumye dusukwamw’ umuvumo, bo n’indahiro vyari vyaranditswe mu vyagezwe vya Mose umusavyi w’Imana, kuko twayicumuyeko.

Hoseya 14:9

Ni nde azi ubgenge? N’atahure ivyo! Ni nde w’umuhanga? N’abimenye! Kukw inzira z’ Uhoraho ar’ iziroranye, kand’ abagororotsi ni bo bazozigendamwo; arikw abacumura bazozigwamwo.

Mika 7:20

Ukuri kwawe uzogushitsa kuri Yakobo, n’ikigongwe kuri Aburahamu, ari vyo nyene warahiye ba sogokuruza uhereye mu bihe vya kera.

Zefaniya 3:5

Arik’ Uhoraho ari hagati muri wo aragororotse, ntazokora ivyo kugabitanya; uko bukeye aserura ahibonekeza imanza ziwe ziroranye, ntatenzekanya: arikw ikigoryi nta dusoni kigira.

Zekariya 9:9

Nezerwa cane, wa mukobga w’i Siyoni we! Sēsereza impundu, wa mukobga w’i Yerusalemu we! Rāba, umwami wawe aje kuri wewe, n’umugororotsi, kand’ ari n’inganji; yicishije bugufi, agendera ku ndogoba, mbere ni ku mukangara, inyana y’indogoba.

Yohana 1:17

Kukw ivyagezwe vyazanywe na Mose, ubuntu n’ukuri vyazanywe na Yesu Kristo.

Gusubira mu Vyagezwe 31:30

Nuko Mose avugira mu matwi y’ikoraniro ryose ry’Abisirayeli amajambo y’iyi ndirimbo, gushitsa ah’ ayarangirije.

Gusubira mu Vyagezwe 32:3

Kuko ngira namamaze izina ry’Uhoraho. Enda ni mwaturire Imana yacu kw ifise icubahiro gikomeye.

Gusubira mu Vyagezwe 34:5

Nuko Mose umusavyi w’ Uhoraho apfira ngaho mu gihugu c’i Mowabu, nk’ukw ijambo ry’ Uhoraho ryavuze.

1 Timoteyo 1:17

Umwami ahoraho, adapfa, ataboneka, ari we Mana imwe yonyene, igitinyiro n’icubahiro bibe ivyayo, ibihe bitazoshira. Amen.

Abaheburayo 3:5

Kandi Mose yayoboka mu rugo rwayo hose nk’umushumba, kugira ngw abe icabona co gushingira intahe ibizovugwa hanyuma.

Yosuwa 22:5

Mugabo, muze mugire umwete cane wo kwitondera ivyagezwe n’amabgirizwa, ivyo Mose umusavyi w’Uhoraho yabageze, ati Mukunde Uhoraho Imana yanyu, mugendere mu nzira zayo zose, mwitondere ivyagezwe vyayo, mwifatanye na yo akaramata, muyisabe muyiherejekw imitima yanyu yose n’ubugingo bganyu bgose.

Ivyahishuwe 1:8

Jewe ndi Alufa na Omega, ni k’Umwami Imana igize, iriho, kandi yamyeho, kand’ igira ize, ni yo ishobora vyose.

Ivyahishuwe 11:17

bati Turagushimye, Mwami Mana ushobora vyose, uriho kandi wamyeho, kuko wābiriye ububasha bgawe buhambaye, ukima.

Ivyahishuwe 14:3

Baririmbira indirimbo nsha imbere ya ya ntebe y’ubgami, n’imbere ya vya binyabugingo bine na ba bakuru. Nta muntu yashoboye kwiga iyo ndirimbo atari bamwe ibihumbi ijana na mirongwine na bine, bācunguwe ngo bakūrwe mw isi.

Ivyahishuwe 14:8

Umumarayika wundi wa kabiri akurikirirako, ati Kirakomvomvotse, kirakomvomvotse, Babuloni, ca gisagara gihambaye, cateretse amahanga yose vino ni yo burake bg’ubushakanyi bgaco.

Ivyahishuwe 17:14

Abo bazorwanya Umwagazi w’Intama, uwo Mwagazi azobanesha, kukw ari we aganza abaganza n’Umwami w’abami, kand’ abari kumwe na we, bāhamagawe, bātoranijwe, bāyobotse, na bo bazobanesha.

Ivyahishuwe 19:16

Kandi ku mpuzu ziwe no ku kibero, afise izina ryanditsweko, ng’ UMWAMI W’ABAMI, ŪGANZA ABAGANZA.

Ivyahishuwe 19:2

kukw amateka yayo ar’ay’ ukuri n’ukugororoka. Yaciriyekw iteka umwe maraya w’agahebuza, yononesha abari mw isi ubusambanyi bgiwe, kand’ imuhōye amaraso y’abagurano bayo.

Ivyahishuwe 4:8

Ivyo binyabugingo bine bifise amababa atandatu‐atandatu, kandi vyuzuye amaso impande zose n’imbere mu nda: ntibiruhuka ku murango no mw ijoro, vyama bivuga, bit’ Uwera, Uwera, Uwera, ni we Mwami Imana, ashobora vyose, yamyeho, kand’ ariho, kand’ agira aze.