Daniyeli 9:12 - Bibliya Yera 1951 1967 (Burundi)

¹² Maz’ ishitsa amajambo yayo yatuvuzeko twe n’abacamanza bacu bātuganza, aho yaduteza ivyago vy’ ubugesera; kuko musi y’ijuru hose ata higeze kugirirwa nk’uko Yerusalemu hāgiriwe.

Daniyeli 9:12 Iomraidhean Croise

1 Abami 3:9

None rero, jewe umusavyi wawe, n’umpe umutima w’ubgenge, nshobore gucira abantu bawe imanza, mmenye gutandukanya ikibi n’iciza. None ni nde yoshobora gucira imanza iri hanga ryawe rihambaye?

2 Abami 22:16

mut’ Uhoraho agize ngw Azotēza ivyago aha hantu, bo n’abahaba, ngo Nk’uko vyanditswe mu majambo yose yo mur’ ico gitabo wasomye, wewe nyene umwami w’i Buyuda;

Yobu 12:17

Ishorera abajanama ar’ inyagano, N’abacamanza ibahindura ibipfu.

Zaburi 148:11

Namwe bami bo mw isi n’ amahanga yose; Namwe abahambaye n’abacamanza bose bo mw isi;

Zaburi 2:10

Noneho rero, mwa bami, ni muce ubgenge, Mwa bacamanza bo mw isi, ni mwemere kugīrwa inama.

Imigani 8:16

Ni jewe mpa abaganza kuganza, N’abaganwa, eka mbere n’abacamanza bose bo mw isi.

Yesaya 43:28

Ni co kizotuma ntētereza abakuru b’ahēra, kandi Yakobo nzomuhindura ikivume, na Isirayeli igitutsi.

Yesaya 44:26

Nkomeza ijambo ry’umusavyi wanje, ngashitsa inama z’intumwa zanje, mvuga ivya Yerusalemu, nti Hazokwongera gutūrika; n’ivy’ ibisagara vy’i Buyuda, nti Bizokwubakwa, kandi nzovyutsa ahāsenyutse haho.

Yeremiya 30:7

Ew’ amagorwa ari hano! Kuk’ uwo musi uhambaye, nta wuhwanye na wo: n’igihe c’umubabaro wa ba Yakobo; yamara bazogikizwa.

Yeremiya 32:23

baracinjira barakiganza; yamara banka kukwumvira, no kugendera mu vyagezwe vyawe; ntibakora na kimwe mu vyo wabageze vyose gukora: ico ni co catumye ubatēza ivyo vyago vyose.

Yeremiya 39:16

riti Genda ubarire Ebedumeleki Umunyetiyopiya, ut’ Uku ni k’Uhoraho Nyen’ ingabo agize, ni we Mana y’Abisirayeli, ati Rāba ngira nshitse kur’ iki gisagara ayo nakivuzeko y’ivyago, atar’ ay’ ivyiza; kandi bizoshika uvyibonera kuri nya musi.

Yeremiya 44:23

Ko mwosheje imibavu, mugacumura k’Uhoraho, ntimwumvire Uhoraho, ngo mugendere mu vyagezwe vyiwe, no mu vyo yashinze no mu vyo yihanikirije, ivyo ni vyo vyatumye ibi vyago bibashikako, nk’uko bimeze n’uyu musi.

GUCURA INTIMBA 1:12

Yemwe mwese abīhitira, mbega nta co murushe muvyibazako? Enda ni mwitegereze, murābe ko hoba umubabaro uhwanye n’uyu wanje wanshitseko, Uwo Uhoraho yambabarishije ku musi w’uburake bgiwe bg’inkazi.

GUCURA INTIMBA 2:13

Nokubarira iki? Nokugereranya n’iki, ga mukobga Yerusalemu we? Noguhwanya n’iki kugira ngo nguhūmurize ga nkumi Siyoni we? Kuk’ uruguma rwawe ari runini nk’ikiyaga: ni nde yoshobora kukuvūra?

GUCURA INTIMBA 2:17

Uhoraho yakoze ico yagabiye; Yashikije ijambo ryiwe yashinze mu misi ya kera; Yagukubise hasi ata kagongwe; Yahaye umwansi kukwitamba hejuru, Yashize hejuru ihembe ry’ abarwanizi bawe.

GUCURA INTIMBA 4:6

Kukw ibigabitanyo vy’umukobga w’ubgoko bgacu bikomeye gusumba icaha c’i Sodomu, Ari ho hākomvomvowe mu kanya isase, ata kuboko kuhakozeko.

EZEKIYELI 13:6

Abavuga ngo Ni k’Uhoraho agize, kand’ Uhoraho atābatumye; beretswe ubusa bo n’indagu z’ibinyoma, kandi bizigiza abantu kw ijambo ryabo rizoshika.

EZEKIYELI 5:9

Kandi nzokorera muri wewe ico ntigeze gukora, mbere ntazokwongera gukora ukundi, nguhōye ibizira vyawe vyose.

Daniyeli 12:1

Maz’ ico gihe Mikayeli azohaguruka, ni we mugabisha ahagarikiye ubgoko bganyu; kandi hazoba igihe c’umubabaro utigeze kubaho, uhereye igihe amahanga yabereyeho, ukageza ico gihe. Arikw ico gihe umuntu wese wo mu bgoko bganyu azoboneka ko yanditswe mu gitabo azorokoka.

Yoweli 2:2

n’umusi w’umwiza n’umuzimagiza, n’umusi w’ibicu n’ibipfungu; nk’uk’ umutwenzi utambikira ku misozi, ni kw ihanga rihambaye kandi rikomeye ritumbutse. Ntihigeze kuboneka irimeze nka ryo, kandi no hanyuma nta rizobaho nk’iryo, uhereye none, ukageza kw iherezo ry’ibihe.

Amosi 3:2

ati Ni mwebge gusa twamenyanye mu miryango yose yo mw isi: ni co gituma nzobahanira ibigabitanyo vyanyu vyose.

Zekariya 1:6

Arikw amajambo yanje n’ivyagezwe vyanje nageze abasavyi banje navugisha, mbega ntivyashitse kuri ba sogokuruza? Maze bīsubiramwo, baravuga, bati Nk’uk’ Uhoraho Nyen’ ingabo yagabiye kw azotugirira, ngw atwishure ibihwanye n’ingeso zacu n’ivyo twakoze, ni ko yadukoreye.

Zekariya 1:8

Zekariya aravuga, ati Mw ijoro nagize ntya, mbona umuntu agendera kw ifarasi y’akagajo, ahagaze hagati y’ibiti vy’imihadasi vyo mu gasōko; kand’ inyuma yiwe hār’ amafarasi y’utugajo n’ay’ utunyomvyi n’ay’ ibitare.

Zekariya 7:12

Mbere bīkomantaje imitima imera nk’isare, ngo boye kwumva ivyagezwe n’amajambo Uhoraho Nyen’ ingabo yarungitse muri Mpwemu wiwe, ayavugira mu bavugishwa na we ba kera; ni co catumye uburake buhambaye buva k’Uhoraho Nyen’ ingabo.

Matayo 24:21

Kuko mur’ iyo misi hazoba amarushwa ahambaye atigeze kubaho kuva kw itanguriro ry’isi ugashitsa n’ubu, kandi ntazokwongera kubaho.

Matayo 5:18

Ndababgire ukuri, Gushitsa ah’ ijuru n’isi bizoviraho, nta kanyuguti na kamwe canke n’akazatsa bizova ku vyagezwe, gushitsa aho vyose bizoheraherezwa.

Mariko 13:19

Kukw iyo misi izoba iy’ amarushwa atigeze kubaho, kuva kw itanguriro ry’ibiremwa Imana yaremye ugashitsa n’ubu, kand’ atazokwongera kubaho.

Luka 21:22

Kukw iyo misi izoba iyo guhōra, kugira ngw ivyanditswe vyose bishike.

Abaroma 15:8

Ico mvuga n’uko Kristo yacitse umukozi w’abākebge wo kubagaburira ivy’ Imana, kubg’ ukuri kwayo, kugira ngw ashitse ivyo ba sogokuruza bāsezeraniwe,