Daniyeli 6:24 - Bibliya Yera 1951 1967 (Burundi)

²⁴ Maz’ umwami avuga ko bazana ba bagabo bāreze Daniyeli; babaterera muri rwa rwobo rw’intambge, bo n’abana babo n’abagore babo; zibasamira mu kirēre zibajanjagurana n’amagufa yabo, batarushe bashika no hasi mu rwobo.

Daniyeli 6:24 Iomraidhean Croise

2 Abami 14:6

Arikw abana b’abo bicanyi ntiyabica, nk’uko vyanditswe mu gitabo c’ivyagezwe vya Mose, ivyashinzwe n’Uhoraho, ngw Abavyeyi ntibaze bicwe bazize abana babo, kand’ abana ntibaze bicwe bazize abavyeyi: ngw Arik’ umuntu wese az’ azire iciwe caha.

Esiteri 7:10

Nuko Hamani bamumanika kur’ ico giti nyene yari yiteguriye Moridekayi. Maz’ uburake bg’umwami burahwama.

Esiteri 9:10

abo bose ukw ar’ icumi bishe, bāri bene Hamani umwansi w’Abayuda, mwene Hamedata; ariko ntibākojeje ukuboko kwabo kw isahu.

Esiteri 9:25

ariko bishitse ku mwami, umwami arungika ivyete bivuga yukw iyo migabo mibi Hamani yari yagabiye ku Bayuda imugaruka ku mutwe, kandi yuk’ ubgiwe n’abahungu biwe bamanikwa ku biti.

Zaburi 54:5

Abansi banje azobasubizakw iyo nabi; Ubahonnye kubg’ ukuri kwawe.

Imigani 11:8

Umugororotsi akizwa ivyago, Kand’ umunyakibi agwa mu mpōrero yiwe.

Imigani 19:9

Icabona c’ibinyoma ntikizobura guhanwa, Kand’ ūvuga ivy’ ubuhūmvyi azoranduka.

Yesaya 38:13

Nariyumanganije nshitsa mu gatondo; arikw avunagura amagufa yanje yose nk’ ukw intambge igira: Umusi ugeze kwīra azoba amaze kumpeza.

Yeremiya 34:17

Nuko rero, uku ni ko mvuze, jewe Uhoraho, nti Ntimwanyumviye, ngo mutange umwidegemvyo, ng’ umuntu wese arekure mwene wabo, umuntu wese arekure mugenzi we: nuko rero nanje ntanze umwidegemvyo kuri mwebge, ni jewe Uhoraho mbivuze, w’inkota n’ikīza n’inzara; kandi nzotuma mutererekanywa irya n’ino mu bihugu vy’ abami bose bo mw isi.

Daniyeli 3:22

Maze kukw icagezwe c’umwami car’ ikibiriraho, kand’ itanure ryar’ ikibengebenge rwose, bituma ibirimi vy’ uwo muriro vyica abo bagabo bāri bateruye Shaduraka na Meshaki na Abedunego.

Gusubira mu Vyagezwe 24:16

Abavyeyi ntibaze bicwe bazize abana babo, kand’ abana ntibaze bicwe bazize abavyeyi: umuntu wese az’ azire iciwe caha.