Daniyeli 5:9 - Bibliya Yera 1951 1967 (Burundi)

⁹ Maz’ umwami Belushaza aranduka umutima, mu nyonga hiwe harahindurira, abaganwa biwe bagwa igihumura.

Daniyeli 5:9 Iomraidhean Croise

Zaburi 18:14

Arasa imyampi yiwe, ashwiragiza abansi banje, Arekura imiravyo myinshi, abaca umuhongo.

Zaburi 48:6

Agatengo kabafatirayo, N’uburibge, nk’ibise vy’umugore aramutswe.

Yeremiya 30:6

Banza mubaze, murābe ko hogira umugabo aja ku nda ngw avyare: none n’iki gitumye mbona umugabo wese yifashe ku mafyinga nk’umugore aramutswe, mu maso ha bose hagahindurira?

Yeremiya 6:24

Twumvise inkuru zavyo, amaboko yacu arareganuka: uburibge buradufashe, nk’ibise vy’umugore aramutswe.

Daniyeli 10:8

Nuko jeho nsigaraho nd’umwe, mbona ivyo vyerekanywe bihambaye, maze sinasigarana inkomezi na nkeya, mu maso hanje harahīndāna, ndadendebukirwa.

Daniyeli 2:1

Mu mwaka ugira kabiri Nebukadineza ari ku ngoma, yarose inzozi; nukw ahagarika umutima, itiro ryiwe riraguruka.

Daniyeli 5:6

Maze mu nyonga h’ umwami harahindurira, ivyiyumviro vyiwe bimuhagarika umutima; ingingo z’amatako yiwe ziradohoka, amavi arakomangana.

Matayo 2:3

Umwami Herode avyumvise, ahagarikana umutima n’ab’i Yerusalemu bose.

Ivyahishuwe 6:15

Abami bo mw isi n’abaganwa n’abakuru b’abagabisha b’abasoda n’abatunzi n’abanyenkomezi n’abagurano bose n’abidegemvya bose binyegeza mu masenga no mu bitandara vyo ku misozi;