Luka 1:76 - Waima

⁷⁶ “Haeamona naha'u e, oi hanona kateaparini'o 'ubi toha tohanai hauna ena mahabanai haumu. Pokina oi ko'uai Obiapaka wairanai ena taeara koa'ia'i haraina,

Luka 1:76 Iomraidhean Croise

Mataio 14:5

Herod ena nuatae Ioane keahu 'arina, ia maearima eta'u ainakia, pokina ia hanona mahabanai haunai tebaona.

Mataio 21:26

'A kahatibaha, ‘Maearima herekiai emai.’ raninai, to'u haukia neiakia abomo kahata'uainakia, pokina ia ikoikiai tiraonana Ioane hanona mahabanai hauna.”

Mataio 3:11

Au hanona beiai mo naba'uere robenimi emi raona kabe hoana, ia weiana muri'uai nimai hauna hanona Auba Robeai mai irubai keba'uere robenimi. Ia hanona eapa'ua ki'a baha ba au, au a'i anamo ena tamaka kabuanakia.

Mataio 3:3

Neiana hanona mahabanai hauna Isaia 'abina ehinana hauna etibaha, “Hau ha hano'akunai eio etibaha, ‘Obiapaka ena taeara tomoba'oruna, Ena kaoao boana tomobaberona.’” Isa 41.3

Mareko 11:32

'Ao kaha'abi ‘Maearima herekiai emai re'a’...” Ia maearima mo teta'u ainakia, pokina maearima ikoinai te'iobina Ioane hanona maha banai hauna tohana.

Luka 1:32

Ia hanona ketarahi mai kateaparina 'Ubi toha tohana Hauna Nahuna, Tirama Obiapaka kehore 'aba'abana Davida ena obia kebena.

Luka 1:35

Aneru ehina bena etibaha, “Auba Robe keriri oi ahamuai, 'Ubi toha tohana Hauna ena hiabuai kebahu abuni'o, Robe Hauna kerama atana kateaparina Tirama Nahuna.

Luka 6:35

'A emi 'ou haukia katoraona'au ainakia, mai katobabai harai herekiai, mai katobaibeni tabakia 'arakia ibamuekia a'i katoraonanakia. Weiana 'arami apa'uana katoa'ina, mai wai hanona 'ubi toha tohana Tirama nahunai katoao, pokina Ia hanona a'i tibanamona haukia mai ki'a haukia abokiamo eaoko'o ainakia.

Ioane 1:23

Ioane ekia 'abi ebamuena etibaha, “Au hanona mahabanai hauna Isaia ena rererere 'abina, ia e'abi etibaha, ‘Aia ha hano'akunai eio hauna etibaha, Obiapaka ena ka'a taearana tomobaberona kekana.’” Isa 40.3

Ioane 1:27

Ia hanona muri'uai nimai, iamo ia eapa'ua ba au, ia ena tamaka warokia karubunakia abomo here'uai a'i ketaina.”

Ioane 3:28

Wai kipomi abomo aba tubatohana'u au aba ahina benimi, ‘au hanona Keriso aha'i, ia au hanona euhu 'uaina'u ia wairanai.’

Iuhubeau Ekia Aka 16:17

Uaho neiana Paulo mai ai murimaiai eka'a eio etibaha. “Hau neiakia hanona 'ubi 'aki'akinai nemiaho Tiramana ena iuhubeau haukia, bamauri taearana ṯeiroro aina heremiai.”