Ioane 3:23 - Waima

²³ Ioane ba'uere robe hauna abomo Salima abirana Aenona ai eba'uere robe pokina weia hanona bei rarina mai maearima teao eba'uere robenakia.

Ioane 3:23 Iomraidhean Croise

Luka 3:7

Mako tekarahi temai Ioane herena keba'uere robenakia, eiroro benakia etibaha, “'Erau nahukia e, tai ehina benimi opuere nimai hauna herenai katobeau pare?

Ioane 3:22

Neiana murinai Iesu i'abana haukia kipokia tekarahi Iudea hanona teao, ia weia kipokia temiaho beraura baika teao ba eba'uere robe.

Ioane 3:24

Weiana hanona Ioane wapura 'ekanai a'i tekaiabu bahana aonai.

Ibawaira Tinana 1:15

Aena hanona matoha kopa iruba aonai nibaubaea ne'imare 'imare 'abana. Aiana hanona matoha roio rarikia tihara puni 'urukia 'abana.

Ibawaira Tinana 14:2

Ba 'uru namona ha aona kupai emai, 'uruna matoha ate bo'okia tiaru mai kupa niro'u 'uruna 'abana. 'Uru weiana aona hanona matoha kita ahu haukia ekia kita atakia hap tipapura ainakia 'abana.

Ibawaira Tinana 19:6

Ba 'uru ha aona, 'uruna matoha mako rarina 'akina 'ao roio rarikia tihara puni 'ao kupa niro'u 'uruna rarina 'abana teio tetibaha, “Haleluia! Hamabanamona. Pokina Obiapaka aika eka Tirama hiabu ikoinai hauna nihore aika nipoki ainaka.