Ioane 1:1 - Waima

¹ Bahabana 'akinai hanopaka a'i erama baha aonai 'Abi hanona aba ua'a, 'Abi hanona Keriso, 'Abi hana Tirama ohi temiaho, 'Abi hanona Tirama.

Ioane 1:1 Iomraidhean Croise

Mataio 1:23

“Uaho rari ha kepuma miori ha kebaramana, atana kateaparina Emanuela.” Isa 7.14 Anina hanona ‘Tirama aika herekai’.

Luka 24:53

Rani ikoinai teao Marea Robe aonai temiaho Tirama tebanamona.

Ioane 1:14

'Abi weiana hanona maearima hauaninai emai, baiatamai ai kipokia tamiaho. Ena nuabi taihana, nuabina weiana hanona Hamana herenai emai Nahuna hamohamona 'euna, ia aonai aoko'o hoana mai 'abi tohana ebonu 'auna.

Ioane 1:18

Hau ha Tirama a'i eiha 'apuana, 'a Nahuna hamohamona Tirama herena 'akinai nemiaho mai ia kipona abomo Tirama, ia hauna ehore Tirama eba'iobinaka.

Ioane 1:2

Ia hana bahabana 'akinai Tirama ohi temiaho.

Ioane 16:28

Au hanona Hama'u herenai ba amai hanopaka neianai namiaho, ia bariu hanona hanopaka nahabona namue naeao Hama'u herena.”

Ioane 17:5

Hama'u e, nuabi weiana hanopaka a'i erama baha aonai heremuai hamiaho aina hauna ihobonai bariu wairamuai e'u nuabi mobawaira tinana.

Ioane 20:28

Toma Iesu ena 'abi ebamuena etibaha, “Oi hanona e'u Obiapaka, au e'u Tirama!”

Ioane 8:58

Iesu ehore ehina benakia etibaha, “'Abi tohana au wai nahina benimi. Aberahamo a'i erama baha au hanona aba amiaho.”

Roma 9:5

Ia 'aba'abakia hanona maearima apa'uakia, ia ekia kupuai hanona Keriso hauaniai erama, ia hanona taba ikoikiai nipoki ainakia Tiramana, kahabanamona banaibanai. Amen.

Epeso 3:9

Taba ikoinai ebabainakia Tiramana ena raona bunikia 'uaina raninai emai mo bariu ihau bo'okia aba teao aonai ehore bunina hauna aea kebakarahi aihona hanona au kahore kahina pounakia maearima ikoikiai herekiai.

Pilipo 2:6

Keriso hanona taba ikoinai Tirama ihobonai nemiaho, iamo Tirama ohi peihobo hauna a'i eraonana.

Kolose 1:15

Keriso hanona a'i nahaihana Tiramana ihaihana, ia erama'uai ba terama tabakia ikoikiai 'ubikiai.

Kolose 1:17

Keriso hanona aba emiaho ba taba ikoikiai terama, ba ia paunai taba ikoikiai 'ekakiai ṯemiaho.

1 Timoteo 3:16

Aika naha'iobi haraina eka kuti taearana weiana Tirama herekai ebawaira tinana haukia hanona eapa'ua. Keriso hanona hauaniai ewaira tina, aubai ena bero ebatohana, aneru ia teihana, rama haeai haukia herekiai ia pouna teiroro aina, mai hanopaka maearimakia ia tea'ikakaumana, nuabi aonai ea'i taeana eao kupai.

Tito 2:13

Aika hanona ua kahamiaho aiho eka buabeni apa'uana weiana Tirama apa'uana mai ibamaurika hauna Iesu Keriso ena mue mai wapuna nuabina naha'imana aonai.

Heberu 13:8

Iesu Keriso hanona warani, bariu abomo mara a'i kehaeai keaomo banaibanai.

Heberu 7:3

Melkisedek hanona hamana aha'i hinana aha'i, ena itubu aha'i, aita erama aita e'ari a'i ha'iobina, ia orina aha'i, ia hanona ihobona Tirama Nahuna 'abana, robe haunai nemiaho banaibanai.

2 Petero 1:1

Au, Simona Petero, Iesu Keriso ena ta'ara'i mai Iuhubeau hau'u, e'u marere narerena niwahi weiami eka Tirama mai ibamaurika hauna Iesu Keriso ekia bero paunai a'ikakauma namo abuna toa'ina ihobona ai 'abamai haumi heremi.

1 Ioane 5:20

Abomo aika ha'iobina Tirama Nahuna emai hanona aoka ebaeana, weianai aika Tirama tohana kaha'iobina, haeamona aika hanona Tirama tohana aonai mai Nahuna Iesu Keriso aonai nahamiaho. Iesu Keriso hanona Tirama tohana abomo ia hanona mauri banaibanai pokina.

1 Ioane 5:7

Ua buonai teaihau hanona Iesu tibatohana:

Ibawaira Tinana 1:11

ia etibaha, “Neiakia noihanakia tabakia hanona puka ai morerenakia kouhuna keao Tirama ena marea 'abaihau hamomo aiara neiakiai ṯemiaho haukia herekia, Epeso, Semurana, Peregamo, Tuatira, Sadi, Piladelpia, mai Laodikea.”

Ibawaira Tinana 1:17

Ia aihana raninai a'eho aena pokinai a'umuti, matoha a'ari 'abana. 'A ia ehore imana itipana hau'u ai ehao'au, e'abi etibaha, “A'i mota'u, au hanona kori'uaina mai murihaina.

Ibawaira Tinana 1:2

Weiana Ioane ehore Tirama ena 'abi mai Iesu Keriso ena 'abi aiakia eo'o mai eihanakia tabakia ikoikiai ehina pounakia.

Ibawaira Tinana 1:8

Obiapaka Tirama ni'abi netibaha, “Au hanona Alepa mai Omega, Kori'uaina mai Murihaina. Au hanona bariu namiaho 'uaina abomo amiaho, haeamona wairai kamai, hiabu ikoinai Tiramana.”

Ibawaira Tinana 19:13

Ena habuni homa'ana ebatotona hauna hanona earuaru obo. Ia atana tehinana hanona ‘tirama ena 'abi’.

Ibawaira Tinana 2:8

Ia e'abi mue etibaha, “Tirama ena marea Semurana aiaranai hauna ena aneru ṉa korere beni aihona. Hau weiana Kori'uaina mai Murihaina hauna, e'ari haeamona emauri mue hauna ena 'abi neiana.

Ibawaira Tinana 21:6

Ba haeamona ehina bena'u etibaha, “Taba ikoikiai aba ababai orena. Au hanona Alepa mai Omega, Kori'uaina mai Murihaina. Ia'iramana mai Ibapuana hau'u. Hau ha 'akona ni'ororo hauna au kahore mauri beina nebuti 'arana aha'i hauna kabena keinu.

Ibawaira Tinana 22:13

Au hanona Alepa mai Omega, Kori'uaina mai Murihaina, taba ikoikiai ia'iramakia mai ibapuakia hau'u.”

Ibawaira Tinana 3:14

Ia e'abi mue etibaha, “Tirama ena marea Laodikea aiaranai hauna ena aneru ṉa korere beni aihona. Amen pokina hauna, aia ibabua'auna hauna, mahanai eihana ehina pouna hauna tohana, mai Tirama ebabainakia tabakia ikoinai pokina hauna ena 'abi hanona neiana.