Iakobo 5:6 - Waima

⁶ Wai tohore maearima ekia beho aha'i haukia weiakia a'i tebatetua 'apuanimi haukia puma tobahoainakia mai toahu 'arinakia.

Iakobo 5:6 Iomraidhean Croise

Mataio 21:38

Haharua ṯe'imana haukia poki hauna nahuna teihana raninai kipokia te'abi'abi tetibaha, ‘Kepoki hauna neiana. Tomai hamahu'arina, haharua hanona aika 'eukai keao.’

Mataio 27:20

Aonai robe haukia apa'uakia mai Iuda ekia maearima apa'uakia mako tebahi ahinakia Baraba katenoi aina kebakarahina ia Iesu 'ariai kehorotina.

Mataio 5:39

Ia au wai nahinabenimi, maearima ena ki'a 'arana hanona a'i kobamuena. Hau ha mekemu itipana kebo'ana raninai, koke'e banai awarimu abomo kobena.

Iuhubeau Ekia Aka 22:14

Ba ia etibaha, ‘Aika 'aba'abaka ekia Tirama etina'ani'o ena nuatae ko'iobina abomo aka bero hauna Iesu koihana, ia pinanai ke'abi hanona aiana kona.

Iuhubeau Ekia Aka 7:52

Wai 'aba'abami mahabanai hauna ha a'i te'oatana, u? Aka bero hauna kemai 'abina tehinana haukia teahu 'arinakia, bariu wai tohore tohina hinaina bero hauna toahu 'arina.

Iuhubeau Ekia Aka 8:32

Puka Robena etuabina aonai 'abina hanona ṉa terere aihona. “Ia hanona matoha mamoe 'abana katebaka'ana kateaoaina kateahu 'arina pinana a'i ekaikauna, 'ao matoha mamoe nahu buirana katekabena hauna 'uru'uruna aha'i 'abana, pinana a'i ekaikauna 'abi ha a'i ehina 'apuana.

Heberu 10:38

E'u aka bero hauna hanona mai a'ikakaumana kemauri. Ia kekamuri aina'u raninai au ia a'i kaonamo aina.” Hab 2.3, 4

Iakobo 2:6

'A wai hanona uraru haukia ṯoiha haonakia. Obia haukia hanona emi mauri tipoki aina mai bakai 'ekanai tiberi totonimi.

Iakobo 4:2

Ṯonuatae taba katoa'i iamo a'i tua'inakia, ua buonai tuba'oru katoahuahu, taba ṯonua ki'ainakia iamo a'i tua'inakia, ua buonai tubaiara mai tu'au. Taba ṯonuatae ainakia haukia a'i tua'inakia pokina wai hanona Tirama a'i tunoina.

1 Petero 4:18

Puka robenai ṉa terere aihona, “Aka bero haukia bamauri ia'inai katearo'ari raninai Tirama a'i tia'i taeana haukia mai ki'a haukia aea katekori 'ini aiho?” Aot 11.31