1 Petero 5:2 - Waima

² Tirama ena mamoe to'una i'imakia haumiai katoao katoiha 'ini harainakia Tirama ena nuatae ihobonai. Baoao baoaoai a'i katobabaina, ia aomi mai nuatae tohanai katobabai. Moni paunai a'i katoaka ia aomi mai aonamonai katoiha 'ininakia.

1 Petero 5:2 Iomraidhean Croise

Luka 12:32

“To'u papana haumi e. A'i katota'u, pokina Hamami mai aonamona ena aiara kebenimi.

Iuhubeau Ekia Aka 20:29

A'iobina kahabonimi murinai, ba'iobi haukia bai'oikia baika waeha 'aki aiahukia 'abakia katemai baiatamiai a'ikakauma haukia weiakia mamoe 'abakia katea'i ki'anakia.

Iuhubeau Ekia Aka 21:13

Ba Paulo ai emai 'abi ebamuena etibaha, “Taba buonai tuhai ao'u tuba'abe'abena? Au hana aba aba'oru, ia Ierusalemai katebirina'u 'ao kateahu 'arina'u re'a Obiapaka Iesu atanai.”

Roma 1:15

Weiana buonai au nanuatae ki'a baha wai Roma ai ṯomiaho haumi wairamiai abomo pou namona kairoro aina.

1 Korinto 9:7

Huari hauna tabana kipona ena aka 'arana kehorena? Biraura hauna tabana kipona ena uma anianina a'i keani? Mamoe bakori hauna tabana ena mamoe 'aena a'i keinu?

1 Timoteo 3:3

a'i keinu 'ari, a'i keaiahu ia ke'aiaunu, a'i keaibara, mai moni a'i keraona'au aina.

1 Timoteo 3:8

Taeara ihobonai Tirama ena marea ena aka haukia abomo hoahoa namokia katebaiha baihai, bai'oi akakia a'i katebabai, a'i kateinuinu banaina, mai beho taearanai moni a'i katetabunakia.

Tito 1:11

Maearima weiakia kato ba'oronakia 'urukia kepua, pokina a'ikakauma haukia ekia itu haukia bo'ona aokia tibaro'arina, a'i pateba'iobiai tabakia tiba'iobiai moni iraonanai haumaea akakia weiakia tibabai.

Tito 1:7

Pokina Tirama ena aka neiha 'ininakia hauna hanona beho ai a'i tikaiahina, kipona ena nuataeai a'i keka'a, 'ao a'i keopuere noanoa, a'i keinu 'ari, a'i keripuripu, mai moni a'i kenua ki'aina.

Tito 2:14

Keriso kipona ena mauri ebaibeni aika paukai weiana 'araka ehorenakia babai ki'a ikoikiai aokiai erubunaka mai ki'a aha'i haukai ebaonaka ia kipona 'euna tohaka, maearima weiaka aoka tohakiai nahanuatae rani ikoikiai namo akakia mo kahababainakia.

Tito 3:1

A'ikakauma haukia kobaraonanakia Kabamani haukia mai poki haukia ekia hiabu ba'anai katemiaho, aiakia kateka'aina abomo kateba'oru aka namokia ibabaikiai.

Pilemona 1:14

Ia au taba ha'i kababaina keaomo oi ko'abi harai 'uai, ba oi emu namo ha au here'uai kobabaina, weiana hanona oi emu nuataeai kobabaina ia au e'u bahiahi paunai a'i kobabaina.

Heberu 12:15

Ha ha kato'ima harainimi, hau ha Tirama ena aoko'o hoanai a'i mekapu marikina, 'ao baiatamiai hau ha ramu mabina 'abana a'i me'omu 'au mako a'i mebaro'arinimi mai a'i meba'opunimi marikina.

2 Petero 2:3

Ba'iobi haukia ekia ao'aea paunai bai'oi orikiai aomi kateani, iamo ekia bakai hanona aba wa'i baha e'oru nemiaho abomo ibapururukia hauna hanona eno'a nibai'ima.