Thed Jon 1:9 - Kriol Baibul

⁹ Wal aibin jandim lilwan leda langa det tjetj deya weya yu jidan. Bat det men neim Diyatrafis oldei wandi meigim miselp bos langa det tjetj, en im nomo bin teiknodis langa det wed weya aibin tok langa det leda.

Thed Jon 1:9 Iomraidhean Croise

Mak Bin Dalim Ola Stori Blanga Jisas 9:34

Bat dei nomo bin dalim im, dumaji deibin agamin en askimbat miselp, “Wujan im mowa haibala langa melabat?”

Mak Bin Dalim Ola Stori Blanga Jisas 9:37

Imbin tok, “If yu album lilwan biginini dumaji yu laigim mi, wal im jis laik yu album mi. En if yu album mi, wal yu nomo oni album mi. Yu album main Dedi hubin jandim mi du.”

Luk Bin Dalim Ola Stori Blanga Jisas Langa Wan Jintail Men 9:48

en imbin tok, “If yu album lilwan biginini dumaji yu laigim mi, wal im jis laik yu album mi. En if yu album mi, wal yu album main Dedi hubin jandim mi du. If yu wandim jidan haibala, wal yu garra meigim miselp lobala.” Lagijat na Jisas bin tok.

Romans 12:10

En yumob garra laigim miselp brabliwei dumaji yumob ol baba gija na. En yumob garra shoum rispek langa yumob baba olabat du.

Kaloshans 1:18

Wal ol wi Kristjan pipul jidan jis laiga bodi, en Jisas Krais na det hedpat blanga det bodi. Im na det laif blanga wi, en wi det tjetj blanga im. En im na det feswan hubin gidap laibala olagijawan brom dedbala. Imbin gidap feswan lagijat wulijim im garra jidan haibala langa ebrijing, dumaji God bin insaid langa im, en dubala jidan wanbala, en God bin gudbinji im San jidan wulijim im.

Sekan Jon 1:9

Wal yumob irrim mi na. If enibodi edimap mowa wed langa det trubalawan wed blanga Jisas Krais, en if im nomo kipgon bulurrumbat det trubalawan wed brabliwei, wal im nomo garram God insaid langa im. Bat detlot pipul hu bulurrumbat det trubalawan wed brabliwei, olabat na garram det Dediwan en det San blanga im insaid langa olabat laif.

Thed Jon 1:8

Yu si? Ol wi Kristjan pipul garra album detlot braja blanga wi hu dumbat det wek en spredimatbat det gudnyus, dumaji wen wi album olabat lagijat, im jis laik wi joinin langa olabat en album olabat spredimatbat det trubalawan wed.