Thed Jon 1:5 - Kriol Baibul

⁵ Wal main gudfren, ai sabi wen ola Kristjan braja en sista blanga yunmi oldei go deya langa det pleis weya yu jidan, yu oldei meiksho yu oldei lukaftumbat olabat gudwei. Nomeda yu nomo sabi olabat, bat stil yu oldei lukaftumbat olabat.

Thed Jon 1:5 Iomraidhean Croise

Methyu 24:45

“Yumob jinggabat na. Wotkain wekinmen im gudwan en klebawan? Wen det bos blanga det haus gowei, im pikimat wanbala wekinmen blanga jidan bos langa ola najalot wekinmen en blanga lukaftum olabat,

Methyu 25:16

en det dubala wekinmen bin go en yusum det mani blanga meigim mowa mani. Det wekinmen garram $5,000 bin meigim naja $5,000, en det wekinmen garram $2,000 bin meigim naja $2,000.

Luk Bin Dalim Ola Stori Blanga Jisas Langa Wan Jintail Men 12:42

Wal Jisas bin tok, “Wujan wekinmen langa dijan najawan stori im gudwan en klebabala? Yumob jinggabat na. Wen det bos blanga det haus gowei, im pikimat wanbala wekinmen blanga lukaftum ola najalot wekinmen en wekingel,

Eks Hau Det Gudnyus Blanga Jisas Krais Bin Spredat Ebriweya 1:15

Wal wandei wen deibin ol majurrumap miselp lagijat, deibin abum 120 pipul deya, en Pida bin jandap,

Romans 12:13

En wen yumob Kristjan braja en sista olabat nomo abum enijing, yumob garra oldei gibit olabat ola enijing weya dei wandim. En nomeda yumob nomo sabi sambala Kristjan pipul, bat stil yumob garra oldei welkam langa olabat langa yumob kemp.

Galeishans 6:10

Yumob sabi? Ebritaim wen im det rait taim blanga dum gudbala ting, wal wi garra dum det gudbala ting blanga album enibodi. En ol detlot pipul hu bilib, wi garra lukaftum olabat brabliwei, dumaji ol wi hu bilib jidan jis laik wanbala femili.

Kaloshans 3:17

en enijing yumob tok en dum, yumob garra dum brabli trubalawei, dumaji yumob bulurrum Jisas Krais det Bos blanga wi, en thru im na yumob garra oldei gibit theingks langa God det Dedi blanga wi.

Hibrus 13:2

en yumob garra oldei jingat langa streinja pipul en larram olabat jidan garram yumob. Wen sambala pipul bin dum lagijat, samtaim dei nomo bin sabi deibin jingat langa einjul blanga stap langa olabat kemp.

Thed Jon 1:10

Wal bambai wen ai kaman deya, ai garra dalim yu en ol detlot Kristjan pipul deya blanga ol detlot nogudbala ting weya im oldei dumbat. Im oldei dalimbat laiyawan stori blanga mi en blanga ol detlot Kristjan braja blanga wi hu oldei go en spredimatbat det gudnyus. Bat nomo oni tharran. Im nomo oldei jingat gudbinjiwei en welkam detlot Kristjan braja blanga wi wen dei oldei go deya, en im nomo larram detlot Kristjan pipul deya langa det tjetj welkam olabat du, en im oldei andimwei enibodi brom det tjetj if dei album olabat.

Thed Jon 1:3

Wal ai sabi yu oldei bulurrumbat det trubalawan wed, en wen sambala Kristjan braja en sista blanga yunmi bin kaman iya, deibin dalim mi yu stil kipgon bulurrumbat det trubalawan wed brabliwei, en det nyus bin meigim mi brabli gudbinji. En im oldei meigim mi brabli gudbinji wen mi irrim detkain nyus blanga ol detlot Kristjan pipul hu jidan jis laik main ronwan biginini olabat.