Taidas 2:5 - Kriol Baibul

⁵ En detlot yanggel garra lukaftum miselp en jinggabat streitbalawei, en dei garra jidan weya nobodi kaan faindim enijing rong langa olabat, en dei garra lukaftumbat olabat haus en femili, en dei garra lisin langa olabat hasbin. Lagijat na dei garra jidan wulijim nobodi kaan tok nogudbalawei blanga det wed blanga God.

Taidas 2:5 Iomraidhean Croise

Jenasis 18:9

Afta na detlot thribala men bin askim Eibrahem, “Wujei yu waif Sera?” En Eibrahem bin tok, “Im deya insaid langa tent.”

Jenasis 3:16

Brom deya YAWEI bin tok langa det wuman na, “Wen yu abum beibi, ai garra meigim loda trabul en pein blanga yu. Strongbala pein garra kamat langa yu wen yu garra abum beibi. Bat yu garra stil wandim yu hasbin, en im garra jidan bos blanga yu.”

Sekan Semyul 12:14

Bat im garra meigim det beibi blanga yu dai, dumaji yu nomo bin rispek langa YAWEI, en yubin meigim fan langa im.” Lagijat na Neithan bin tok, en afta imbin gobek langa im ron kemp.

Ola Saam 74:10

God, haulong dislot enami blanga melabat garra laflafbat langa yu? Maitbi olabat garra kipgon toktokbat nogudwei blanga yu neim fogud. Wotaim dei garra stap toktok nogudbalawei?

Prabebs 7:11

Det gel bin brabli nogudbala gel en im nomo bin abum eni sheim. Imbin oldei wokwokbat langa detlot roud.

Eks Hau Det Gudnyus Blanga Jisas Krais Bin Spredat Ebriweya 9:36

Wal wan wuman neim Tebatha bin jidan deya langa det najawan taun gulum Jopa. Garram det Grik langgus deibin gulum det wuman neim Dokas. Imbin bilib langa Jisas, en imbin brabli gudbala wuman, en imbin oldei albumbat ola po pipul.

Eks Hau Det Gudnyus Blanga Jisas Krais Bin Spredat Ebriweya 9:39

en Pida bin go garram dubala, en wen deibin kamat langa Jopa, deibin go streit langa det haus blanga det dedbala wuman, en deibin deigim Pida langa det ontopwan rum, en deya na imbin faindim loda widogel kraikrai, en deibin shoum im olkain klos weya det dedbala wuman bin oldei meigimbat blanga ola po pipul wen imbin jidan laibala.

Romans 14:16

Yu si? Wi kaan dum enijing weya garra meigim pipul tok nogudbalawei blanga enijing weya wi reken im rait blanga dum, dumaji det wei blanga dijan Kristjan laif im nomo blanga dagadagat en dringgimbat. Nomo. Det wei blanga dijan Kristjan laif im blanga dumbat wanim God wandim wi blanga dum en blanga jidan gudbalawei garram ebribodi en blanga jidan gudbinji garram det Holi Spirit.

Romans 2:24

Yumob sabi wanim im tok langa oltestaman blanga yumob? Im tok, “Yumob Juwish pipul meigim ola Jintail pipul toktok nogudbalawei blanga God.”

Fes Karinthiyans 11:3

Bat wanbala ting deya maitbi yumob nomo sabi. Yumob nomo sabi hau blanga shoum rispek langa sebis. Yumob irrim mi na. Jisas Krais im Bos blanga ola men, en ola hasbin olabat bos blanga olabat waif, en God im Bos blanga Jisas Krais.

Ifishans 5:33

en im tok blanga yumob du. Ebri hasbin garra laigim im waif en lukaftum im jis laik im lukaftum miselp, en ebri waif garra rispek im hasbin du.

Kaloshans 3:18

Wal ol yumob waif, yumob garra rispek yumob hasbin, dumaji yumob bilib langa Jisas Krais det Bos.

Fes Timathi 5:10

Olabat bin oldei growimap olabat biginini gudbalawei, en deibin oldei kain langa enibodi en tok langa olabat, en deibin oldei album ola Kristjan pipul en ol detlot pipul hubin abum trabul, en oni gudbala ting deibin oldei dumbat. Wal detkain widogel na yu garra pudumdan neim langa det buk.

Fes Timathi 6:1

Wal ola Kristjan wekinmen hu jidan laiga prisana garra jinggabat olabat bos gudbalawei en shoum rispek langa olabat, dumaji wi nomo wandim enibodi tok nogudbalawei blanga det neim blanga God, en wi nomo wandim enibodi blanga rabishim det trubala wed weya wi lenimbat miselp.

Taidas 2:4

Dei garra lenim ola yanggel blanga laigim olabat hasbin en biginini olabat.