Taidas 2:3 - Kriol Baibul

³ Wal lagijat gin yu garra dalim ola olgamen blanga jidan gudbalawei hau God wandim olabat blanga jidan. Dei kaan jidan drangginwan, en dei kaan tok olkain langa enibodi. Dei garra shoum ebribodi det gudbalawei blanga jidan.

Taidas 2:3 Iomraidhean Croise

Romans 1:29

en dei dumbat olkain nogudbala ting. Dei jidan gridibala, en dei wandim meigim trabul blanga enibodi, en dei jidan jelasbala, en dei wandim medrimbat, en faitfaitbat, en trikimbat pipul, en dei oldei jinggabat nogudbalawei blanga enibodi, en dei oldei tokabat pipul,

Romans 16:2

En ai wandim yumob garra welkam im garram det neim blanga Jisas Krais det Bos blanga wi jis laik Kristjan pipul ebriweya welkam gija. En ai wandim yumob garra album im en gibit im enijing im wandim, dumaji imbin oldei album loda pipul, en imbin oldei album mi du.

Ifishans 5:3

Wal God bin meigim yumob im ronwan pipul, en blanga tharran na yumob kaan jidan gridibala en yumob kaan silip garram enibodi o shoum miselp bodi langa enibodi o luk en wandim det bodi blanga enibodi o stilimbat enibodi waif o hasbin. Yumob kaan dum detkain ting, en yumob kaan jinggabat detkain ting du,

Fes Timathi 3:11

En seimwei igin ola waif blanga detlot tjetj lida garra jidan gudbalawei wulijim ola pipul garra rispek langa olabat, en dei kaan toktok nogudbalawei blanga enibodi. Dei garra jinggabat gudbalawei olataim. Dei garra jidan lagijat na wulijim ola pipul garra trastim olabat blanga enijing.

Fes Timathi 3:8

Wal ola tjetj lida garra jidan seimwei lagijat du. Dei garra jidan gudbalawei wulijim ola pipul garra rispek langa olabat, en dei garra oldei tok trubalawei, en dei kaan jidan drangginwan, en dei kaan gridi blanga mani.

Fes Timathi 5:23

Wal maitbi yu reken yu kaan jidan gudbalawei if yu dringgimbat wain. Bat ai dalim yu. Yu kaan dringgimbat woda oldei. Yu garra dringgim lilbit wain du blanga album det binji blanga yu, dumaji yu oldei sik.

Taidas 2:4

Dei garra lenim ola yanggel blanga laigim olabat hasbin en biginini olabat.

Hibrus 5:12

Brom longtaim yumob bin bilib, en yumob bina jidan titja na. Bat najing. Yumob nomo titjimbat enibodi, dumaji sambodi garra stil kaman en titjimbat yumob detlot feswan wed brom God wed. Wal yumob jidan jis laiga lilwan beibi, dumaji yumob nomo sabi wanim God wed tok. Wen enibodi oldei dringgimbat milk en nomo dagadagat strongwan daga, wal wi sabi im lilwan beibi, en im nomo sabi wanim rait en rong. En im lagijat du langa yumob. Yumob bina dagadagat strongwan daga. Bat yumob stil dringgimbat milk, en yumob jis laiga lilwan beibi, dumaji yumob nomo sabi det wed weya im dalimbat wi wanim rait en wanim rong.

Rebaleishan 2:20

“Wal samting deya im stil rong langa yu. Yubin larram det nogudbala wuman neim Jesabel jidan garram yu. Im reken miselp speshalwan wekingel blanga God. Bat im lenimbat ola wekinmen main blanga merrit langa enibodi en blanga dagadagat ola daga weya dei barnimbat langa drimin sheip.