Taidas 1:5 - Kriol Baibul

⁵ Wal aibin libum yu deya langa det kantri gulum Krit blanga binijim detlot ting deya weya ai nomo bin dum, en yu garra go langa ebri taun en pikimat sambala lida blanga lukaftumbat olabat tjetj.

Taidas 1:5 Iomraidhean Croise

Fes Kranakuls 6:32

Deibin dum det wek olataim langa det Seikridwan Tent weya YAWEI oldei jidan, bifo det taim wen King Salaman bin bildimap det Serramoni Pleis.

Aklisiyestis 12:9

Orait ai wandi tok dijan na. Det titja bin jidan klebabala, en imbin kipgon dalimbat ola pipul wanim imbin sabi. En imbin jinggabat ol detlot gudwan wed brabli adbalawei, en imbin trai faindat en sabi loda ting langa dijan laif en detlot gudwan wed, en brom deya imbin raidimdan gudwei.

Aisaiya 44:7

Yumob reken enibodi gin jidan gudbalawei wulijim mi? If enibodi reken im gin dum enijing wulijim mi, wal dalim mi na. Larram im tok wanim bin hepin brom det taim wen aibin meigim main kantri longtaim, en larram im tok wanim garra hepin bambai.

Labidakas 14:42

En afta dei garra gajim najalot ston blanga yusum weya deibin deigimat detlot nogudwan ston. En nyuwan klei dei garra yusum blanga gaburrumap det wol.

Eks Hau Det Gudnyus Blanga Jisas Krais Bin Spredat Ebriweya 11:30

en wen deibin meigimap det mani, deibin gibit langa Banabas en Sol blanga deigim langa ola bos blanga det tjetj deya.

Eks Hau Det Gudnyus Blanga Jisas Krais Bin Spredat Ebriweya 14:23

En dubala bin pikimat sambala men blanga jidan lida blanga ola tjetj langa detlot thribala taun, en dubala bin abum speshalwan preya blanga detlot lida. Deibin prei brabliwei, en dei nomo bin jinggabat blanga dagadagat daga, en det dubala mishanri bin hendimoba detlot lida langa God, dumaji deibin ol trastim im en bulurrum imwei.

Eks Hau Det Gudnyus Blanga Jisas Krais Bin Spredat Ebriweya 27:12

Wal det pleis nomo bin gudwan blanga jidan deya kolwethataim, en ola boutmen bin wandi kipgon blanga kamat langa det najawan pleis gulum Finiks deya sauthsaid langa det seimwan ailin, dumaji imbin gudwan pleis blanga jidan kolwethataim.

Eks Hau Det Gudnyus Blanga Jisas Krais Bin Spredat Ebriweya 27:13

Bambai na lilwan win bin blo brom sauthwei, en detlot boutmen bin reken imbin rait taim blanga gowei brom deya, en deibin deigimat det roup en eingka, en melabat bin gowei brom deya, en melabat bin ran gulijap langa kous said.

Eks Hau Det Gudnyus Blanga Jisas Krais Bin Spredat Ebriweya 27:21

Wal ola boutmen nomo bin abum daga longtaim, wal Pol bin jandap lida langa olabat, en imbin tok, “Ol yumob men, yumob bina lisin langa mi basdam en nomo gowei brom det ailin gulum Krit. If yumob bina jidan deya, wal ebrijing bina rait.

Eks Hau Det Gudnyus Blanga Jisas Krais Bin Spredat Ebriweya 27:7

Brom deya det bout bin trebul slobala garram melabat, dumaji det win bin blo brabli strongbala, en det win nomo bin larram det bout ran gudwei. Bambai melabat bin kamat langa det taun gulum Naidas, dumaji det win bin kipgon blo brabli strongbala, en melabat bin go sauthsaid brom det ailin gulum Krit,

Fes Karinthiyans 11:34

En if enibodi jidan hanggribala, wal im garra dagat daga langa im ron kemp basdam, dumaji wen yumob majurrumap miselp blanga abum det seikridwan daga, yumob nomo wandim God garra gitwail langa yumob weya yumob dagat det daga en dringgim det wain nogudbalawei. Wal ai garra tok mowa langa yumob blanga ol dislot ting bambai wen mi kaman deya langa yumob.

Fes Karinthiyans 14:40

En ebrijing weya yumob garra dum, yumob garra dum brabli gudbalawei en nomo madulumap miselp wen yumob abum sebis.

Fes Karinthiyans 4:17

En mi jandim Timathi langa yumob blanga album yumob. Im jis laiga san blanga mi, en mi laigim im detmatj. Im trubala langa Jisas Krais det Bos blanga wi, en im garra meigim yumob jinggabat det wei blanga mi en hau mi bulurrum Jisas Krais. Im garra dalim yumob seimwei laik mi oldei titjimbat ola Kristjan pipul ebriweya.

Kaloshans 2:5

Nomeda det wed im saun gudwan, bat stil yumob kaan teiknodis langa det wed, dumaji nomeda mi nomo deya garram yumob, bat stil main filing im oldei deya garram yumob, en mi brabli gudbinji blanga yumob, dumaji ai sabi yumob bilib langa Jisas Krais brabliwei, en yumob oldei dum ebrijing gudbalawei en nomo madulumap miselp, en yumob nomo oldei larram enibodi deigidawei yumob.

Fes Timathi 1:3

Wal yu jinggabat wanim aibin dalim yu basdam. Wen aibin go langa det kantri gulum Mesadoniya, aibin dalim yu blanga kipgon jidanbat langa det taun gulum Efasas, en ai wandim yu garra kipgon jidanbat deya, dumaji sambala Kristjan pipul deya oldei lenimbat ola najalot Kristjan pipul laiyawan stori, en yu garra dalim olabat nomo blanga lenimbat olabat laiyawan stori.

Sekan Timathi 2:2

en ol detlot wed weya yubin irrim mi tok lida langa bigismob pipul, wal yu garra dalim detlot wed langa detlot men hu bilib brabliwei en hu sabi hau blanga titjimbat detlot wed langa najalot pipul.

Taidas 1:12

Wal longtaim wan titja deya langa det kantri bin tok blanga im ron kantrimen olabat. Imbin tok, “Ola pipul iya langa dijan kantri olabat laiyinbala. Dei jis laiga wail enimul. Dei nomo dumbat wek. Najing. Dei oni jinggabat blanga jidan en dagadagatbat daga oldei.”