Taidas 1:4 - Kriol Baibul

⁴ Wal mi raidimdan dijan leda langa yu Taidas. Yu jis laiga san blanga mi, dumaji aibin meigim yu bilib langa Jisas Krais, en yunmi bilib mijamet na. Wal ai wandim yunmi Dedi God en yunmi Seibya Jisas Krais garra kain langa yu en lukaftumbat yu en meigim yu jidan gudbalawei.

Taidas 1:4 Iomraidhean Croise

Luk Bin Dalim Ola Stori Blanga Jisas Langa Wan Jintail Men 2:11

Tudei na det beibi bin bon deya langa det pleis weya King Deibid bin bon longtaim. Det beibi na garra deigidawei ola nogudbala ting brom yumob. Im neim Jisas Krais, en im na det Bos blanga yumob.

Jon Bin Dalim Det Gudnyus Blanga Jisas Det San Blanga God 4:42

en deibin dalim det gel, “Basdam melabat bin bilib langa im, dumaji melabat bin irrim yu toktok. Bat tudei na melabat bilib langa im, dumaji melabat bin irrim im toktok, en melabat sabi im na tharran hu garra seibum ebribodi.” Lagijat na detlot Sameriya pipul bin tok.

Romans 1:12

Nomo oni mi garra meigim yumob strongbala, bat yumob garra meigim mi strongbala du, dumaji wen wi luk hau wi bilib, wi garra album gija.

Romans 1:7

En blanga tharran na mi raidimbat dijan leda langa yumob, dumaji God im brabli laigim yumob, en imbin jingat langa yumob blanga jidan im ronwan pipul olabat. Wal ai wandim God det Dedi blanga wi, en Jisas Krais det Bos blanga wi garra kain langa yumob, en meigim yumob jidan brabli gudbalawei.

Sekan Karinthiyans 12:18

Wal yumob dalim mi na. Basdam wen aibin jandim Taidas en det najawan braja blanga wi langa yumob, Taidas bin trikim yumob en gajimbat enijing brom yumob? Nomo. Im nomo bin trikim yumob en gajimbat enijing, dumaji minbala garram det seimwan filing blanga yumob, en minbala dum ebrijing seimwei du.

Sekan Karinthiyans 2:13

Bat aibin wori blanga yumob detmatj, dumaji ai nomo bin faindim Taidas deya garram nyus brom yumob. En aibin sei gudbai langa detlot pipul deya langa Trowes, en aibin go langa det kantri gulum Mesadoniya.

Sekan Karinthiyans 4:13

Yumob sabi? Langa oltestaman im tok, “Aibin dalimbat, dumaji ai bilib.” En seimwei du melabat oldei dalimbat det gudnyus langa ola pipul, dumaji melabat bilib langa det gudnyus,

Sekan Karinthiyans 7:6

Bat God oldei album detlot pipul hu wori miselp, en imbin album mi du, en wen Taidas bin kaman deya langa mi brom yumob, God bin meigim mi strongbala.

Sekan Karinthiyans 8:16

Wal ai gibit theingks langa God, dumaji imbin meigim Taidas wandi album yumob brabliwei seimwei laik mi oldei wandi album yumob.

Sekan Karinthiyans 8:23

Wal yumob sabi minbala Taidas jidan gudfren gija en minbala oldei wek mijamet blanga album yumob. Bat det dubala braja weya garra go garram im, dubala oldei wek blanga detlot najalot tjetj, en dubala oldei meigim ola pipul preisimbat Jisas Krais.

Sekan Karinthiyans 8:6

Wal wen Taidas bin kaman langa yumob deya langa Korinth, yumob bin stat gibitbat mani blanga album detlot Judiya pipul du. En aibin dalim Taidas blanga kipgon albumbat yumob boksimap detlot mani, dumaji det mani im jis laiga speshalwan ofring weya yumob garra gibit blanga album detlot Judiya pipul, en tharran na garra shoum olabat yumob laigim olabat.

Galeishans 2:3

Wal aibin abum Taidas deya garram mi. Imbin brom det Jintail traib gulum Grik, en nomeda im nomo bin sekamsais, bat stil detlot Juwish tjetj lidamob bin gudbinji langa mi, en dei nomo bin fosim im blanga sekamsais.

Galeishans 3:26

Wal yumob ola san en doda blanga God na, dumaji yumob bilib langa Jisas Krais.

Galeishans 3:28

Wal ebribodi jidan lebul na. Nomeda yumob Juwish o Jintail o wekinmen o bosmen o gel o boi, bat stil yumob ol jidan wanbala garram Jisas Krais.

Ifishans 1:2

Wal God im wi Dedi, en Jisas Krais im wi Bos, en ai wandim dubala garra brabli kainbala langa yumob en lukaftumbat yumob en meigim yumob jidan gudbalawei.

Fes Timathi 1:12

Wal mi gibit theingks langa Jisas Krais det Bos blanga wi, dumaji imbin trastim langa mi, en imbin pikimat mi blanga wek blanga im, en imbin meigim mi strongbala blanga dum det wek blanga im.

Sekan Timathi 1:1

Orait, mi na Pol, en mi speshalwan mishanri blanga Jisas Krais, dumaji God bin wandim mi blanga jidan speshalwan mishanri, en imbin jandim mi blanga dalimbat ola pipul blanga det laif weya imbin pramis blanga gibit langa detlot pipul hu joinap garram Jisas Krais.

Sekan Timathi 1:2

Wal Timathi, mi raidimbat dijan leda langa yu, dumaji yu jidan jis laik main ronwan san, en mi laigim yu brabliwei. Wal mi wandim God det Dedi blanga wi en Jisas Krais det Bos blanga wi garra kain langa yu en lukaftumbat yu en meigim yu jidan gudbalawei.

Sekan Timathi 4:10

dumaji det wekinmen main neim Dimas bin libum mi na. Imbin jinggabat dijan wel, en imbin laigim dijan wel detmatj, en imbin gowei langa det taun gulum Thesalonaika. En det men neim Kresins bin gowei langa det kantri gulum Galeisha, en det men neim Taidas bin gowei langa det kantri gulum Delmeisha,

Taidas 1:3

En oni im na gin seibum wi. En wen imbin det rait taim, imbin shoum wi det wei, en imbin gibit det gudnyus langa mi, en imbin dalim mi blanga meigim ola pipul sabi det gudnyus.

Taidas 2:13

En wi garra weidabat redibala blanga det gudbala dei wen Jisas Krais garra kambek. Dumaji im na det haibala God hubin seibum wi, en im na garra kambek, en im garra shain detmatj.

Sekan Pida 1:1

Orait, mi na Saiman Pida, en mi wekinmen blanga Jisas Krais, en mi na speshalwan mishanri blanga im. Wal mi raidimdan dijan leda langa ol yumob pipul hu bilib langa Jisas Krais. Im na det God blanga wi hu oldei dum wanim rait en hubin seibum wi, en imbin meigim yumob bilib langa imselp seimwei laik melabat bilib langa im.

Sekan Pida 1:11

en im garra welkam yumob gudbalawei langa det olagijawan pleis blanga im, en im garra gibit yumob det rait blanga jidan garram Jisas Krais det Bos blanga wi hubin seibum wi.

Sekan Pida 2:20

Wal yumob irrim mi na. If ola nogudbala ting langa dijan wel jidan bos blanga enibodi, wal im nogud blanga im. Bat if imbin gidawei brom ol detlot nogudbala ting dumaji im sabi Jisas Krais det Bos blanga wi hubin seibum wi, wal im brabli gudbala ting blanga im. Bat if imbin gidawei brom ol detlot nogudbala ting, en afta im gobek en larram detlot nogudbala ting jidan bos blanga im igin, wal im brabli nogud blanga im.

Sekan Pida 3:18

Yumob garra oldei wotjimbat miselp, en yumob garra kipgon sabi Jisas Krais mowa en mowa. Im na det Bos blanga wi hubin seibum wi, en yumob garra kipgon jidanbat wulijim im garra jidan brabli kain langa yumob mowa en mowa. Wal brom tudei na wi garra preisim Jisas Krais olagijawan, dumaji det brabli shainiwan lait nomo jidan blanga enibodi. Oni blanga im na. Trubala dijan mi dalim yumob. Binij na.

Sekan Pida 3:2

Wal ai wandi meigim yumob jinggabat ol detlot wed weya detlot speshalwan mesinja blanga God bin tok longtaim, en ai wandi meigim yumob jinggabat det wed weya Jisas Krais det Bos blanga wi bin gibit langa yumob. Im na bin seibum yumob, en imbin gibit yumob det wed thru langa detlot speshalwan mishanri hubin kaman langa yumob.

Fes Jon 5:14

En wi gin jandap strongbala lida langa God, dumaji wi sabi im oldei irrim wi wen wi askim im blanga enijing weya im wandim wi blanga abum.

Jud Det Leda Blanga Gibit Woning Blanga Laiyawan Titja 1:3

Wal main fren olabat, aibin wandim raidimbat dijan leda langa yumob blanga meigim yumob jinggabat weya God bin seibum wi. Bat aibin lafta raidimbat dijan leda blanga gibit woning langa yumob. Yumob irrim mi na. Yumob garra maindimbat yumob selp, dumaji sambala nogudbala pipul garra kaman en joinin langa yumob, en dei garra trai en tenimran det trubala wed blanga God. Det wed na God bin gibit langa wi bifo, en yumob garra kipgon bulurrumbat det wed streitbalawei jis laik weya God bin gibit langa wi.