Ruth 4:2 - Kriol Baibul

² Brom deya Bowes bin gajim tenbala boswan men blanga det taun, en imbin dalim olabat, “Yumob kaman iya en jidan, dumaji yumob garra witnis weya minbala main kantrimen tok.”

Ruth 4:2 Iomraidhean Croise

Fes Kings 21:8

Brom deya Jesabel bin raidimdan sambala leda en imbin sainim blanga King Eiheb neim langa detlot leda. En Jesabel bin yusum det ronwan mak blanga King Eiheb langa detlot leda. Afta na, imbin jandim detlot leda langa ol detlot olmen lidamob en langa ola haibala bos hubin jidan deya langa det taun gulum Jesriyel.

Eksadas 21:8

If yu selim yu doda langa sambodi hu wandi merrit langa im, en im nomo meigim det men gudbinji, wal det men garra larram yu baiyimbek det gel. Det men kaan selim det gel langa streinja, dumaji im nomo bin kipum im pramis garram det gel.

Prabebs 31:23

Ebribodi sabi en rispek im hasbin hu jidan wanbala lida langa det taun.

Leminteishans 5:14

Basdam detlot olmen lidamob bin oldei sodimat eni trabul langa det taun, bat najing na. En detlot yang pipul nomo pleipleibat myusik en singsingbat song na.

Eks Hau Det Gudnyus Blanga Jisas Krais Bin Spredat Ebriweya 6:12

Wal wen detlot men bin tok lagijat, deibin meigim ola bosmen en lowamen en ola najalot pipul gitwail langa Stibin, en deibin grebum im, en deibin deigim im blanga abum det haibala kotkeis,

Dyudaranami 25:7

Bat if det braja nomo wandim merrit langa im dedbala braja waif, wal det gel garra go langa detlot lidamob blanga det taun en dalim olabat, ‘Main hasbin braja nomo bin wandi duwit. Imbin jis rabishim im braja en im nomo wandi gibit im femili lain iya langa ola Isreil pipul.’

Dyudaranami 29:10

“En tudei na ol yumob jandap iya garram YAWEI, ola lida, en wekinmen,

Dyudaranami 31:28

“Wal yumob garra majurrumap ola boswan lida brom ola klen, en ol detlot wekinmen, en ai garra dalim olabat ol dislot ting. Ai garra gulum skai langa top, en langa det graun, blanga jidan witnis blanga ebrijing aibin dalim olabat.