Ruth 4:11 - Kriol Baibul

¹¹ Wal wen Bowes bin tok lagijat, detlot tenbala bos en ola najalot pipul deya bin tok, “Yuwai. Melabat witnis blanga yu. En melabat askimbat YAWEI det trubala God blanga meigim det gel gibit yu bigmob biginini jis laik Reitjul en Liya, det dubala waif blanga det grengrenfatha blanga wi neim Jeikob bin gibit im. En melabat wandim yu garra go mowa ritjwan igin langa det Efrath femili. Dei garra lidimap yu neim langa dijan taun Bethlahem.

Ruth 4:11 Iomraidhean Croise

Jenasis 23:10

Wal det men neim Efran bin deya du langa det miting, en deya na lida langa ol detlot boswan imbin dalim Eibrahem,

Jenasis 24:60

Wal det femili blanga Rabeka bin brabli gudbinji blanga im, en deibin tok, “Yu garra abum loda biginini, en detlot biginini garra bidim ola enami blanga olabat.”

Jenasis 29:16

Wal Jeikob bin jinggabat na, en imbin tok miselp, “Leiban garram dubala doda. Det eldiswan Liya im purdiwan, bat det yangiswan Reitjul im brabli purdiwan.

Jenasis 29:25

en wen imbin sanrais, Jeikob bin tok, “Alo! Dijan im Liya!” Brom deya imbin agamin langa Leiban na. Imbin tok, “Aibin wek blanga yu fo 7 yiya blanga gedim Reitjul. Bat yubin trikim mi. Wotfo yubin dum lagijat langa mi?”

Jenasis 29:32

en wen dubala Jeikob bin silip, bambai na Liya bin abum lilboi blanga Jeikob. Wal Liya bin tok, “YAWEI na bin album mi, dumaji aibin abum det trabul weya Jeikob nomo bin laigim mi bifo. Bat tudei ai garram lilboi blanga im, en im garra laigim mi na.” En imbin gulum neim blanga det feswan lilboi Rubin.

Jenasis 35:23

Liya bin abum det eldiswan san blanga Jeikob neim Rubin, en afta imbin abum Simiyan, Libai, Juda, Isaka en Sebyulan.

Jenasis 35:24

Reitjul bin abum Josef en Benjamin blanga Jeikob.

Fes Kings 21:8

Brom deya Jesabel bin raidimdan sambala leda en imbin sainim blanga King Eiheb neim langa detlot leda. En Jesabel bin yusum det ronwan mak blanga King Eiheb langa detlot leda. Afta na, imbin jandim detlot leda langa ol detlot olmen lidamob en langa ola haibala bos hubin jidan deya langa det taun gulum Jesriyel.

Fes Kranakuls 2:51

Det sekanwan san blanga im bin neim Selma, en imbin stadimap det taun gulum Bethlahem, en det namba 3 san neim Heref bin stadimap det taun gulum Bethgada.

Ola Saam 132:6

Wibin irrim stori langa Bethlahem blanga det Seikridwan Boks, en wibin faindim im deya langa det pedik gulijap langa det taun gulum Jerim.

Prabebs 14:1

Det sabibala wuman meigim im femilimob jidan strongbala, bat det silibala wuman gin meigim trabul blanga im femilimob en tridim olabat nogudbalawei.

Prabebs 31:23

Ebribodi sabi en rispek im hasbin hu jidan wanbala lida langa det taun.

Jeramaiya 32:10

Aibin sainim main neim langa det dubala peipa weya shoum aibin baiyim det fam en aibin jadimap wanbala peipa garram bush gam, en aibin pudum main ronwan mak langa det gam, en aibin abum sambala witnis pudum olabat mak deya du en aibin weiyimbat det mani langa skeil blanga peiyim im det rait mani.

Maika 5:2

Wal YAWEI det trubala God bin kipgon tok na, “Bethlahem Efratha, nomeda yu det lilwan taun langa ola najalot taun deya langa Juda, bat stil brom yu na ai garra meigim kamat det boswan main jis laiga gel weya im abum beibi, en det beibi weya yu garra abum bin jidan laibala basdam bifo enijing bin jidan, en im garra jidan king blanga ola Isreil pipul.” Lagijat na YAWEI bin tok.

Methyu 2:6

Imbin tok, ‘Nomeda Bethlahem im lilwan taun, bat stil im brabli speshalwan pleis langa Judiya, dumaji brom Bethlahem na det bos garra kamat, en im garra lidimbat ola pipul blanga God.’ ” Lagijat na detlot serramonimen en lowamen bin tok langa det king.

Dyudaranami 25:7

Bat if det braja nomo wandim merrit langa im dedbala braja waif, wal det gel garra go langa detlot lidamob blanga det taun en dalim olabat, ‘Main hasbin braja nomo bin wandi duwit. Imbin jis rabishim im braja en im nomo wandi gibit im femili lain iya langa ola Isreil pipul.’

Dyudaranami 25:9

wal det gel garra go deya lida langa im garram detlot lidamob en deigimof wanbala but blanga det men. En afta det gel garra tjakam spit langa im feis en tok, ‘Diskain ting na gin hepin langa detkain men hu nomo meigim femili lain blanga im braja.’