Ruth 3:3 - Kriol Baibul

³ Wal yu go en bogi, en afta yu pudumon det gudsmelwan medisin, en yu garra dresimap miselp garram gudwan klos, dumaji yu garra go deya weya Bowes deigimatbat ola rabish brom detlot sid daga. Bat yu kaan larram im sabi yu deya raidap im binij dagadagat daga en dringgimbat.

Ruth 3:3 Iomraidhean Croise

Sekan Semyul 12:20

Wal streidawei King Deibid bin gidap brom det flo weya imbin oldei silip, en imbin go en bogi, en imbin komum im heya, en imbin werrimon klinwan klos, en afta imbin go langa det seikridwan haus blanga YAWEI, en deya na imbin weship langa God. Afta na Deibid bin gobek langa im ronwan haus, en imbin askim im wekinmen olabat blanga gibit im daga blanga dagat, en wen deibin bringimap det daga langa im, imbin dagat streidawei.

Sekan Semyul 14:2

en imbin jandim wed langa wan klebawan gel deya langa det taun gulum Tekowa, en wen det gel bin kaman langa im, Jowab bin dalim im, “Yu garra geman kraikrai, en yu garra werrimon detkain klos weya gel oldei werrimon blanga sori miselp, en yu garra meigim miselp luk jis laik yubin kraikrai longtaim,

Esta 5:1

Wal langa det namba 3 dei na Esta bin werrimon ola speshalwan klos blanga det nambawan waif blanga det king. Imbin go langa det king haus en imbin go rait insaid weya detlot pipul oldei jandapbat en weidabat blanga go en tok langa det king. Det king bin jidanbat langa det speshalwan tjeya langa im rum en imbin luk deya langa det najawan rum.

Ola Saam 104:15

en meigim wain blanga meigim melabat jidan hepiwan, en oliboil blanga meigim melabat luk gudwan, en daga blanga meigim melabat strongbala.

Aklisiyestis 9:8

Ai wandim yu blanga werrimon gudwan klos en jidan hepiwan.

Isikiyel 16:9

“Afta na aibin gajim woda blanga washimwei detlot blad brom yu bodi, en aibin rabum yu skin garram det oliboil.

Methyu 6:17

“Wen yu abum det serramoni, yu garra meigim miselp luk laibliwan en nomo larram enibodi sabi yu abum det serramoni. Oni wi Dedi langa hebin garra sabi yu abum det serramoni. Nobodi kaan luk im. Bat im luk yu, en im na garra gibit prais langa yu.

Ruth 3:2

Det men Bowes weya yubin wek garram im wekingel olabat, im ful kantrimen blanga det dedbala hasbin blanga mi, en im garra lukaftumbat yunmi. “Wal yu lisin langa mi na. Tudei naitaim im garra wek deya langa im fam, dumaji dei garra deigimatbat ola rabish brom detlot sid daga.

Ruth 3:4

Afta na yu garra luk wujei im leidan, en wen im ded silip, yu garra go en lidimap det bleingkit blanga im, en yu garra leidan langa im futwei, en wen im weikap, im garra dalim yu wanim yu garra dum.”