Ruth 2:3 - Kriol Baibul

³ Brom deya Ruth bin go langa wan fam, en imbin gajimbat detlot gras garram sid weya ola wekinmen bin oldei libumbat biyain. Det fam bin blanga Bowes. Bat Ruth nomo bin sabi det fam bin blanga im.

Ruth 2:3 Iomraidhean Croise

Sekan Semyul 1:6

Wal det men bin tok laiyawei langa Deibid, dumaji imbin wandim Deibid garra gudbinji langa im, “Wal aibin deya langa det hil gulum Gilbowa, en aibin luk King Sol bin yusum det spiya blanga im blanga lidimap miselp blanga wok gudwei, en aibin luk ola hosmen blanga detlot Filastain solja en ola bagi weya deibin yusum blanga fait kaminap langa im.

Sekan Semyul 20:1

Wal wan nogudbala men brom det Benjamin klen bin deya langa det taun gulum Gilgel. Imbin neim Shiba, en im dedi bin neim Bikri. Wal wen detlot Juda pipul en detlot Isreil pipul bin kipgon agamin gija blanga King Deibid, Shiba bin blowim det wisul, en imbin jingat langa ola Isreil pipul, “Tjakidawei King Deibid! Melabat kaan bulurrum im enimo! Ol yumob Isreil pipul, yumob kaman na, dumaji wi garra gobek langa wi ron kantri en libum detlot Juda pipul!”

Sekan Kings 8:5

En wen Gehasi bin dalimbat det king hau Ilaisha bin meigim wan boi gidap laibala brom dedbala det wuman bin kaman blanga tok langa det king. En Gehasi bin dalim det king, “Bos, dijan det wuman garram im san na, hu Ilaisha bin meigim gidap laibala brom dedbala.”

Methyu 10:29

“Yumob sabi ol detlot lilwan bard nomo diyawan dumaji yumob gin baiyim dubala blanga lilwan prais. Bat if God nomo larram olabat dai, wal olabat kaan dai.

Luk Bin Dalim Ola Stori Blanga Jisas Langa Wan Jintail Men 10:31

“Bambai na wan serramonimen bin wokwok langa det seimwan roud, en wen imbin luk det hafdedwan men, imbin gopas det said langa det roud.

Sekan Thesaloniyans 3:12

Wal Jisas Krais det Bos blanga wi bin meigim melabat bos blanga yumob, en melabat dalim detlot leisibala pipul blanga jidan gudbalawei en wek blanga gedimbat olabat daga.

Ruth 2:2

Wal wandei Ruth bin askim Neiyomi, “Yu larram mi go langa fam blanga gajimbat detlot sid daga weya detlot wekinmen oldei libum biyain. Maitbi sambodi garra larram mi wek langa im fam.” Wal Neiyomi bin tok, “Orait, main gel. Yu gin go.”

Ruth 2:4

Bambai na Bowes bin kaman brom taun blanga luk im fam, en imbin luk ola wekinmen deya, en imbin sei gudei langa olabat, “YAWEI det trubala God garra album yumob.” En olabat bin tok, “En YAWEI garra album yu du.”