Ruth 2:12 - Kriol Baibul

¹² Yubin kaman langa YAWEI det trubala God blanga ola Isreil pipul, en im garra lukaftumbat yu. YAWEI garra jinggabat langa yu, Ruth, en im garra albumbat yu, dumaji yubin lukbek langa main kantrimen. Wal God garra jinggabat yu en album yu brabliwei.”

Ruth 2:12 Iomraidhean Croise

Ola Saam 17:8

Yu luk mi en maindim mi brabliwei, jis laik det bard wen im kipum im beibi seif andanith langa im wing.

Ola Saam 19:11

Det lowa blanga im dalim wi wanim wi garra dum. Wen wi teiknodis langa im lowa im gibit wi ola gudwan ting.

Ola Saam 36:7

God, det filing weya yu laigim pipul olataim im mowa gudwan langa ebrijing. Ebribodi gin go langa yu blanga jidan seifwan, jis laik det lilwan bard, weya jidan seifwan andanith langa im mami.

Ola Saam 57:1

Main God, jidan kain langa mi, en sori langa mi. Mi kaman langa yu blanga jidan seifwan, jis laik ola lilwan bard ran langa ola mamiwan bard blanga jidan seif wen trabul im kaman. Wal mi kaman langa yu blanga jidan seifwan wen det trabul im gulijap.

Ola Saam 58:11

Ola pipul garra tok, “Trubala orait. Gudbala ting garra kaman langa detlot pipul hu jidan trubalawei. Trubala God im jidan boswan en im gibit feyago langa ebri kantri.”

Ola Saam 61:4

Larram mi jidan langa yu seikridwan haus olagijawan. Larram mi jidan seifwan langa yu bingga wulijim beibiwan jukjuk weya im jidan seifwan andanith langa im mami wing.

Ola Saam 63:7

dumaji yu na bin oldei albumbat mi. Mi sing hepiwan song dumaji mi gudbinji. Mi jidan seifwan garram yu, jis laiga beibiwan jukjuk weya im jidan seifwan andanith langa im mami wing.

Ola Saam 91:4

God garra lukaftum yu wen detlot trabul kaman langa yu, jis laiga bard lukaftumbat ol im beibi. Wen dei bradin dei blandim miselp andanith langa im wing en dei jidan seif. Wal God oldei dum wanim im pramisim, en im garra kipum yu seif en blokim detlot trabul du.

Prabebs 11:18

Det wikitbala men kaan gedim enijing nomeda imbin trai wek brabli adbala blanga gajim im enijing, bat detlot pipul hu dumbat rait ting garra gedim gudwan ebrijing.

Prabebs 23:18

If yumob dum lagijat, wal yumob garra abum det brabli gudwan laif en jidan longtaim.

Jeramaiya 31:16

Yumob stap kraikraibat na. Ol detlot ting weya yumob bin dum blanga yumob bigininimob ai garra jinggabat en dum gudbala ting blanga yumob. Olabat garra kambek langa olabat ronwan kantri.

Methyu 23:37

Afta na Jisas bin tok, “Jerusalem! Ol yumob pipul langa Jerusalem! Yumob oldei kilimbat ola speshalwan mesinja blanga God! Yumob oldei stonimbat detlot Speshalwan Men weya God bin jandim langa yumob! Lodataim aibin wandi majurrumap ol yumob pipul langa mi jis laik det mamiwan jukjuk oldei majurrumap ola biginini blanga im. Bat yumob nomo bin larram mi majurrumap yumob!

Methyu 5:12

En wen detkain ting garra hepin langa yumob, wal yumob garra hepi en gudbinji, dumaji God garram det prais redi blanga yumob langa hebin.”

Methyu 6:1

“Wal wen yu dumbat eni gudbala ting dumaji yu bulurrum God, yu kaan dumbat opinwei blanga meigim ola pipul preisim yu. If yu dumbat gudbala ting blanga meigim olabat tok gudbalawei blanga yu, en yu laigim miselp, wal det Dedi blanga wi langa hebin kaan gibit yu prais blanga tharran.

Luk Bin Dalim Ola Stori Blanga Jisas Langa Wan Jintail Men 6:35

“Yu kaan jidan wulijim detlot nogudbala pipul. Yu garra jidan difrin brom olabat. Yu garra laigim ola bedfren blanga yu, en yu garra tridim olabat gudbalawei, en yu garra gibit enijing langa enibodi nomeda yu nomo sabi if dei garra gibitbek yu enijing. If yu jidan lagijat, wal God garra gibit yu det brabli bigwan prais, en yu garra jidan jis laiga biginini blanga det brabli haibala God. Im na gudbala langa detlot pipul hu nomo gibit theingks langa im, en im gudbala langa detlot pipul hu dumbat nogudbala ting. En yu garra jidan lagijat du seimwei laik im.

Kaloshans 2:18

Wal if enibodi dalim yumob blanga dum olkain ting langa yumob bodi blanga meigim miselp lobala, en if enibodi dalim yumob blanga weship langa ola einjul, wal yumob kaan teiknodis langa im. Nomeda im tok nogudbalawei blanga yumob, bat stil yumob kaan teiknodis langa im, dumaji detkain pipul reken God oldei gibit olabat speshalwan wed thru langa drim, en dei oldei reken miselp haibala langa ola najalot pipul. Bat olabat ronwan main oldei meigim olabat jinggabat nogudbalawei lagijat.

Sekan Timathi 4:8

en ai sabi det prais im weidabat blanga mi deya langa hebin. God garra gibit det prais langa ol detlot pipul hu jidan raitwei langa im. Im na det Bos blanga wi, en im garra jadjim ola pipul raitwei, en wen im garra jadjim ebribodi, det taim na im garra gibit mi det prais. Nomo oni langa mi, bat langa ol detlot pipul hu weidabat blanga im brabliwei blanga kambek.

Hibrus 11:26

Imbin sabi ola san blanga det king doda garra gedim olkain gudbala ting brom det kantri. Bat imbin reken im mobeda im abum trabul dumaji imbin bulurrum God, dumaji imbin oldei jinggabat wanim im garra gedim brom God bambai.

Hibrus 11:6

Wi sabi nobodi kaan meigim God gudbinji if dei nomo bilib, dumaji if enibodi wandi kaman langa God, im garra bilib God im deya, en im garra bilib God im oldei album detlot pipul hu lukabat im brabliwei.

Hibrus 6:10

En yumob kaan bradin, dumaji God im gibit feyago langa yumob. Im kaan foget weya yumob bin oldei albumbat yumob Kristjan braja en sista olabat. Yumob bin album olabat, dumaji yumob bin laigim God, en yumob bin dumbat det wek blanga im, en tudei yumob stil kipgon dumbat lagijat.

Ruth 1:16

Wal Ruth bin tok, “Yu nomo dalim mi blanga libum yu. Yu garra larram mi go garram yu. Wujei yu go, ai garra kaman garram yu, en eniweya yu garra jidan, ai garra jidan garram yu du. En blanga yu kantrimen, dei garra jidan main kantrimen du. En blanga yu God, im garra jidan main God du.

Ruth 2:11

Wal Bowes bin tok, “Aibin lisin ebrijing weya yubin dumbat blanga det olgamen Neiyomi. Yubin gud langa im wen det hasbin blanga yu bin dai, en ai sabi yubin libum yu dedi en yu mami en yu ron kantri. Ai sabi yubin kaman iya blanga jidan garram dislot streinja pipul.

Ruth 2:13

Wal Ruth bin tok langa Bowes na, “Yubin brabli gudbala langa mi, en yubin meigim mi brabli gudbinji wen yubin tok lagijat. Nomeda mi nomo lebul langa detlot wekingel blanga yu, bat stil yu nomo bin tok adbalawei langa mi.”

Ruth 4:15

En Ruth det yanggel blanga yu laigim yu brabliwei. Im na bin lukaftumbat yu mowa langa sebenbala san if yubin abum. Im na bin gibit yu grensan, en det grensan garra meigim yu rili hepiwan, en im garra maindimbat yu brabliwei wen yu olgamen brabli.” Lagijat na detlot olgamen bin jingat.

Fes Semyul 24:19

Nobodi kaan grebum det enami blanga im en larramgo im fri. Bat yubin dum lagijat langa mi. Wal YAWEI garra gudbala langa yu, dumaji yubin gudbala langa mi.

Fes Semyul 24:20

En ai sabi na trubala yu garra jidan king blanga ola Isreil pipul, en brom yu femili lain na ola king garra kamat.