Ruth 1:9 - Kriol Baibul

⁹ en im garra gibit yunbala hasbin igin en meigim yunbala jidan femiliwei.” Lagijat na det olgamen bin tok. Brom deya det olgamen bin holdim dubala, en imbin kis langa dubala blanga sei gudbai langa dubala. Wal dubala bin stat kraikrai na,

Ruth 1:9 Iomraidhean Croise

Jenasis 27:27

en wen Jeikob bin go blanga kis langa im dedi, det olmen bin smelim det klos bin blanga Isau orait. Wal Aisik bin sedisfaid na, en imbin gibit det laswan wed blanga im langa Jeikob, en imbin hendimoba ola enijing blanga im langa Jeikob. Det olmen Aisik bin tok, “Main boi, det smel blanga yu im jis laik ebrijing weya YAWEI meigim gro langa pedik.

Jenasis 29:11

Afta na Jeikob bin kis langa Reitjul, en imbin krai detmatj, dumaji imbin brabli gudbinji,

Jenasis 31:28

“Bat yu nomo bin larram mi tok gudbai langa main doda dubala en langa ola biginini blanga dubala. Ai nomo bin kis langa olabat. Yu granggibala. Wotfo yubin dum lagijat?

Jenasis 45:15

Afta wen imbin stil kraikrai, Josef bin pudumran im dubala am langa ola najawan braja blanga im, en imbin kis langa olabat, en wen imbin binij dumbat lagijat, olabat bin stat tok langa im na.

Eks Hau Det Gudnyus Blanga Jisas Krais Bin Spredat Ebriweya 20:37

en afta deibin ol kraikrai blanga im, dumaji imbin meigim olabat nogudbinji wen imbin dalim olabat im garra gowei olagija, en deibin holdim im, en deibin gudbai langa im, en afta deibin deigim im langa det bout.

Ruth 1:10

en dubala bin tok, “Nomo! Minbala wandi kaman garram yu langa yu kantrimen olabat.”

Ruth 1:8

“Yunbala gobek langa yunbala ron kantri na. Yunbala garra jidan deya langa yunbala mami. Yunbala kaan kaman langa mi. “Wal yunbala bin brabli gud langa mi en langa main hasbin en san dubala wen deibin laibala. En seimwei lagijat gin YAWEI garra lukaftumbat yunbala,

Ruth 3:1

Wal Ruth bin kipgon jidanbat deya garram det olgamen Neiyomi. Bambai na det olgamen bin dalim Ruth, “Main gel, ai garra faindim hasbin blanga yu na, en yu gin jidan brabli gudbinji langa yu ron kemp.