Ruth 1:6 - Kriol Baibul

⁶ Bambai na Neiyomi bin gedim gudnyus brom im ron kantri. Imbin irrim YAWEI det trubala God bin sori blanga im pipul olabat, en God bin meigim olabat gudbinji dumaji imbin jandim rein langa det kantri, en imbin gibit olabat mowa daga igin. Wal Neiyomi bin meigim miselp redi blanga gobek langa im ron kantri. Det olgamen bin go garram det dubala dedbala san waif dubala.

Ruth 1:6 Iomraidhean Croise

Jenasis 21:1

Bambai na YAWEI det trubala God bin meigim Sera brabli gudbinji, en imbin kipum det wed weya imbin meigim pramis blanga gibit Eibrahem en Sera lilboi.

Jenasis 28:20

Afta na Jeikob bin meigim pramis langa YAWEI. Imbin tok, “YAWEI, if yu jidan garram mi en lukaftumbat mi, en if yu gibit mi daga en klos blanga dijan trip en yu album mi blanga gobek langa main dedi haus bambai, wal yu garra jidan main God. Ai kaan bulurrum enibodi. Oni yu na.

Jenasis 48:15

Wal wen imbin dum lagijat, Josef bin brabli nogudbinji na, en imbin grebum im dedi bingga blanga pudum im raidensaid bingga langa det hed blanga Manesa,

Jenasis 50:25

Afta na Josef bin askim im femili olabat blanga meigim pramis langa im. Imbin tok, “Ai garra dai dregli. En bambai wen God garra deigimbek yumob langa det kantri gulum Keinan, yumob garra deigimbek ola boun blanga mi du.”

Ola Saam 102:14

Yu wekinmen olabat laigim Jerusalem brabliwei, nomeda imbin binijap. Olabat sori blanga im nomeda im ol bitsap.

Ola Saam 111:5

Im gibit daga langa ol detlot hu rispek im. Im nomo fogedabat im strongwan pramis.

Ola Saam 132:15

Ai garra gibit Saiyan ebrijing im wandim, en ai garra meigim ola powan pipul sedisfaid garram daga.

Ola Saam 145:15

Ebrijing laibala luk langa yu blanga album olabat, en rait taim yu gibit olabat daga.

Ola Saam 146:7

YAWEI oldei dum wanim rait blanga detlot pipul wen enibodi dum nogudbala ting langa olabat. Im gibit daga langa detlot pipul hu jidan hanggriwan. Im album detlot pipul hu garram enikain trabul, jis laik sambodi larramgo olabat fri brom jidanbat prisana.

Ola Saam 147:14

Im nomo larram enibodi kaman en fait langa yu, en im meigim ebribodi jidan sedisfaid garram ola brabli gudwan sid daga.

Eksadas 3:16

“Wal yu go na en majurrumap ola boswan blanga detlot Isreil pipul, en yu dalim olabat mi na YAWEI det God blanga olabat grengrenfathamob, Eibrahem en Aisik en Jeikob, en yu dalim olabat aibin shoum miselp langa yu. Yu dalim olabat aibin luk wanim detlot Ijip pipul oldei dumbat langa olabat,

Eksadas 4:31

en ol detlot pipul bin bilib langa dubala, en wen deibin irrim det gudnyus weya YAWEI bin jinggabat olabat weya deibin abum det adtaim, deibin gudbinji, en deibin ol baudan langa graun en weship langa im.

Prabebs 30:8

Yu meigim mi jidan brabli trubalawei, en yu nomo larram mi jidan brabli ritjwan o brabli powan, bat jis gibit mi naf daga ebridei.

Aisaiya 55:10

“ ‘Rein en sno oldei buldan brom skai. Dei wodarim dijan graun basdam blanga meigim ola sid gro blanga daga.

Jeramaiya 29:10

“ ‘En afta yumob bin jidan deya langa Bebalon fo 70 yiya, ai garra shoum yumob ai laigim yumob en ai garra kipum main pramis. Ai garra bringimbek yumob langa yumob ronwan kantri na.

Jowal 2:19

En imbin ensim olabat, “Ai garra gibit yumob blendibala sid daga en wain en oliboil na, en yumob garra jidan gudbinjiwei. En ol detlot najalot pipul kaan mokimbat yumob enimo.

Sefanaiya 2:7

Yumob kantri garra jidan blanga ola Juda pipul na, ol detlot hu nomo dai. Dei garra dagat deya en dei garra jidan deya gudbinjiwei laik ola ship weya garram stakmen hu oldei maindimbat olabat, en naitaim dei garra silip insaid langa yumob haus deya langa det taun gulum Eshkalan, dumaji YAWEI det God blanga olabat garra maindimbat olabat, en im garra gibitbek ola gudwan ting langa detlot Juda pipul igin.”

Methyu 6:11

Melabat askim yu blanga gibit melabat daga blanga dagat tudei.

Luk Bin Dalim Ola Stori Blanga Jisas Langa Wan Jintail Men 1:68

“Wi garra preisim God det brabliwan Bos blanga dijan kantri Isreil, dumaji imbin kaman blanga album ola pipul blanga im en meigim wi fri.

Luk Bin Dalim Ola Stori Blanga Jisas Langa Wan Jintail Men 19:44

en dei garra binijimap yumob holot langa dijan taun, en dei garra nokamdan ebri haus. Lagijat na dei garra dum, dumaji yumob nomo bin sabi tudei na God bin wandi seibum yumob!”

Fes Timathi 6:8

En tudei if wi garram daga blanga dagat en klos blanga werrimon, wal wi garra sedisfaid garram detlot enijing na.

Fes Pida 2:12

Yumob garra jidan brabli gudbalawei wulijim ola najalot pipul garra luk yumob brabli gudbala, en nomeda olabat tok laiyawei en tok yumob dumbat olkain nogudbala ting, bat stil dei garra jinggabat detlot gudbala ting weya yumob bin oldei dumbat, en blanga tharran na dei garra preisim God langa det laswan dei weya God garra kaman. Praise

Ruth 1:5

en afta det dubala san blanga det olgamen bin dai, en det olgamen bin jidanbat deya langa det kantri miselp na nomo garram hasbin en nomo garram san.

Ruth 1:7

Brom deya deibin ol gowei brom det kantri Moweb weya deibin oldei jidanbat. Det dubala gel bin wandi go garram det olgamen langa det kantri Juda. Bat hafwei langa roud det olgamen bin dalim dubala.

Fes Semyul 2:21

Wal YAWEI bin gud langa det gel, en det gel bin abum fobala san en dubala doda, en det lilboi Semyul bin growap deya langa det Serramoni Pleis weya imbin oldei wek blanga YAWEI.