Ruth 1:1 - Kriol Baibul

^1-2 Longtaim bifo eni king bin jidan bos langa ola Isreil pipul, deibin ol ranat blanga daga deya langa Juda. Deibin abum brabliwan draisisan, dumaji nomo eni rein bin buldan, en ola daga bin binij. Wal wan Isreil men brom det femili gulum Efrath bin jidan deya langa Bethlahem. Det men bin neim Alimalek. Bambai na Alimalek bin gowei brom det kantri garram im waif Neiyomi en im san dubala neim Malon en Kiliyan. Olabat bin go langa najawan kantri gulum Moweb, en deya na deibin jidanbat, dumaji deibin faindim daga deya langa det kantri.

Ruth 1:1 Iomraidhean Croise

Jenasis 12:10

Bambai na ola daga bin ranat langa det kantri gulum Neigib weya Eibram bin jidan, dumaji deibin abum brabli draisisan langa det kantri, en Eibram bin lafta go en lukabat blanga daga langa det najawan kantri gulum Ijip, en deya na imbin jidan lilbit longtaim.

Jenasis 26:1

Bambai na ola daga bin ranat langa det kantri gulum Gera seimwei laik bifo wen Eibrahem bin stil jidan laibala.

Jenasis 43:1

Wal det kantri weya Jeikob en im femili olabat bin jidan bin go mowa draiwan nomo garram eni daga.

Sekan Semyul 21:1

Wal bifo King Deibid bin abum det trabul brom im san Ebsalom, deibin ranat blanga daga deya langa det kantri blanga ola Isreil pipul. Deibin abum brabliwan draisisan, dumaji fo 3 yiya nomo eni rein bin buldan, en ola daga bin binij. Wal King Deibid bin askim YAWEI det trubala God wotfo dei abum det draisisan, en YAWEI bin dalim im, “Sol en im femili olabat bin meigim dis trabul, dumaji wen deibin kilimbat ded ol detlot pipul brom det taun gulum Gibiyan, dei nomo bin abum det rait blanga kilim olabat. Deibin jis medrimbat loda pipul eniwei.”

Fes Kings 18:2

Wal Ilaija bin go na. En deya langa Sameriya brabliwei dei nomo bin abum eni daga, najing.

Fes Kranakuls 2:51

Det sekanwan san blanga im bin neim Selma, en imbin stadimap det taun gulum Bethlahem, en det namba 3 san neim Heref bin stadimap det taun gulum Bethgada.

Fes Kranakuls 2:54

Wal Selma hubin stadimap Bethlahem bin grengrenfatha blanga detlot pipul brom Netofath en Ethrobethjowab, en detlot Sorait pipul hubin brom det dubala femili langa det kantri gulum Menahath.

Ola Saam 105:16

YAWEI bin meigim olabat kantri jidan nomo garram eni rein, en imbin deigidawei ola daga brom olabat.

Ola Saam 107:34

Imbin meigim ola gudwan graun jidan garram solt, dumaji ol detlot hubin jidan langa det kantri bin dumbat ola brabli nogudwan ting.

Jeramaiya 14:1

Wal wen im nomo bin rein blanga longtaim, YAWEI det trubala God bin dalim mi wotfo im nomo bin jandim eni rein. Imbin tok,

Isikiyel 14:13

“Isikiyel, if eni pipul langa eni kantri dumbat eni nogudbala ting, wal ai garra panishim olabat. Ai garra binijimap ola sid daga en meigim olabat jidan hanggribala nomo garram eni daga raidap ai garra binijimap ola pipul en enimul langa det kantri.

Isikiyel 14:21

“Mi na YAWEI det boswan God, en ai meigim dijan pramis blanga panishim detlot Jerusalem pipul brabliwei. Ai garra jandim wo, en ai garra meigim yumob jidan hanggriwan, en ai garra jandim wailwan enimul langa yumob, en ai garra jandim brabli nogudwan siknis blanga binijimap ola pipul en ola enimul.

Labidakas 26:19

Ai garra stapam detlot praudbalawei blanga yumob en nomo jandim eni rein, en det kantri blanga yumob garra jidan brabli draiwan en adwan jis laik aiyan.

Eimos 4:6

“Yumob jinggabat na. Mi na bin meigim yumob jidan hanggribala langa ol detlot bigwan taun blanga yumob, bat stil yumob nomo bin kambek langa mi.

Maika 5:2

Wal YAWEI det trubala God bin kipgon tok na, “Bethlahem Efratha, nomeda yu det lilwan taun langa ola najalot taun deya langa Juda, bat stil brom yu na ai garra meigim kamat det boswan main jis laiga gel weya im abum beibi, en det beibi weya yu garra abum bin jidan laibala basdam bifo enijing bin jidan, en im garra jidan king blanga ola Isreil pipul.” Lagijat na YAWEI bin tok.

Dyudaranami 28:38

“Wal yumob garra plentimbat loda sid, bat oni lilbit yumob garra gajim, dumaji loda grashopa garra kaman en dagadagat ola daga.

Jadjis 12:8

Afta wen Jeftha bin dai, wanbala men neim Aibsan brom Bethlahem bin jidan lida blanga ola Isreil pipul.

Jadjis 17:7

Wal wanbala men brom Libai klen bin jidanbat langa Bethlahem deya langa Juda,

Jadjis 17:8

en seimtaim wen Maika bin bildimap det serramoni pleis, det Libai men bin gowei brom det taun blanga lukabat najawan pleis blanga jidan. Bambai na det Libai men bin kaman langa det haus blanga Maika deya langa det hil kantri gulum Ifreiyim,