Rebaleishan 8:1 - Kriol Baibul

¹ Brom deya langa main drim det yangwan ship bin deigimat det namba 7 bush gam brom det rolapwan peipa, en streidawei ebribodi langa hebin bin jidan kwaitbala nomo tok maitbi fo wanbala awa.

Rebaleishan 8:1 Iomraidhean Croise

Job Wotfo Gudbala Pipul Abum Trabul? 4:16

Imbin stap, en imbin jandap kwaitbala na, en aibin luk samting jis laik sambodi bin kaminap. En wen imbin jidan kwaitwan, aibin irrim det sambodi tok,

Ola Saam 37:7

Nomo hatjamp. Yumob garra weit en wotjim wanim YAWEI garra dum. Nomo wori blanga detlot pipul hu tokabat en dumbat nogudbala ting en meigim miselp ritjwan lagijat na.

Ola Saam 62:1

Mi weitabat kwaitbalawei blanga God blanga seibum mi, dumaji oni im na wanbala mi trastim.

Hebakak 2:20

“Mi na YAWEI det trubala God. Yumob jidan kwaitbala na, ebribodi langa ebri kantri, dumaji mi jidan langa main Serramoni Pleis deya langa hebin.” Lagijat na YAWEI bin tok.

Sekaraiya 2:13

“Jidan kwaitbala na ebribodi dumaji YAWEI im kaman iya brom det brabli seikridwan pleis blanga im gulum hebin.” Wal lagijat na Sekaraiya bin tok.

Methyu 27:66

Wal deibin go langa det greibyad en deibin jadimap det keib brabliwei. Deibin pudum mad raidaran langa det ston dowa langa det keib, en deibin libum detlot solja deya blanga maindimbat det keib.

Rebaleishan 5:1

Brom deya langa main drim aibin luk langa det sambodi hubin jidan langa det speshal boswan tjeya langa midul, en aibin luk rolapwan peipa langa im raidensaid bingga. Det peipa bin abum neim ebriweya langa im, insaid en atsaid, en imbin stak brabliwei garram sebenbala bush gam.

Rebaleishan 5:9

Brom deya detlot fobala najakain enimul en detlot olmen bin ol sing nyuwan song, “Yubin gajim det rolapwan peipa, en yu gin deigimat detlot sebenbala bush gam, dumaji yu brabli haibala en yubin dai blanga ola pipul. Garram yu ronwan blad yubin baiyim detlot pipul blanga God. Yubin baiyim pipul brom ebri traib en ebri klen en ebri langgus en ebri kantri.

Rebaleishan 6:1

Brom deya langa main drim aibin luk det yangwan ship bin deigimat det feswan bush gam brom det rolapwan peipa, en aibin lisin wanbala brom detlot fobala najakain enimul. Imbin jingat adbala jis laik thanda, “Kamat!”

Rebaleishan 6:12

Brom deya aibin luk det yangwan ship bin deigimat det namba 6 bush gam brom det rolapwan peipa. Wen imbin deigimat, det graun bin sheik detmatj na, en det san bin go dakbala jis laik blekwan klos, en det mun bin go brabli redwan jis laik blad.

Rebaleishan 6:3

Brom deya det yangwan ship bin deigimat det sekanwan bush gam brom det rolapwan peipa, en aibin lisin det sekanwan brom detlot fobala najakain enimul bin jingat adbala, “Kamat!”

Rebaleishan 6:5

Brom deya det yangwan ship bin deigimat det namba 3 bush gam brom det rolapwan peipa, en aibin lisin det namba thriwan brom detlot fobala najakain enimul bin jingat adbala, “Kamat!” Wal aibin luk wanbala blekwan hos bin kamat na. Det raida langa im bin abum skeil langa im bingga blanga weiyimbat enijing,

Rebaleishan 6:7

Brom deya det yangwan ship bin deigimat det namba 4 bush gam brom det rolapwan peipa, en aibin lisin det namba fowan brom detlot fobala najakain enimul bin jingat adbala, “Kamat!”

Rebaleishan 6:9

Brom deya det yangwan ship bin deigimat det namba 5 bush gam brom det rolapwan peipa, en aibin luk wan teibul blanga ofring. Andanith langa det teibul aibin luk ola spirit blanga detlot pipul hubin gitkil, dumaji deibin spredimat det gudnyus blanga God. Deibin sabi dei garra gitkil. Bat dei nomo bin slekap. Deibin kipgon dalimbat ebribodi det gudnyus blanga God, en blanga tharran na detlot pipul bin binijimap olabat.