Rebaleishan 7:12 - Kriol Baibul

¹² “Yuwai! God im brabli haibala, en im gudbala, en im brabli sabibala, en im strongbala, en im garram pawa. Nobodi kaan bidim im. Nobodi kaan go oba langa im. Lagijat na olataim im jidan, olagijawan olagija. Yuwai! En melabat lafta gudbinji langa im, en gibit theingks langa im en oldei lukbek langa im.” Lagijat na detlot einjul bin tok.

Rebaleishan 7:12 Iomraidhean Croise

Niyamaiya 12:46

Wal wen Deibid bin jidan king det men Eisaf bin jidan bos blanga ola singamob. Deibin oldei abum boswan blanga ola singamob blanga det Serramoni Pleis, en wi lagijat tudei du.

Niyamaiya 12:8

Dislot na ola Libaimen hubin kambek, Jeshuwa, Binuwai, Kedmiyel, Sherebaiya, Juda en Metanaiya. Dislot men en olabat femilimob bin jidan lida blanga singsing detlot song blanga preisim en gibitbat theingks. Deibin jandap wansaid,

Ola Saam 100:4

Kamap thru det geit en tok theingkyu langa im. Kaman langa im haus en preisim im. Gibit im theingks en preisim im neim.

Ola Saam 106:48

Preisim YAWEI det trubala God blanga Isreil. Preisim im tudei en olagijawan! Ebribodi tok, “Yuwai! Trubala!” Preisim YAWEI det trubala God!

Ola Saam 107:22

Dei garra gibit theingks langa YAWEI garram sekrifais ofring, en garram ola hepiwan song blanga dalimbat pipul blanga ebrijing imbin dumbat.

Ola Saam 116:17

Ai garra gibit yu theingks garram sekrifais ofring, en ai garra prei langa yu.

Ola Saam 147:7

Sing preis song langa YAWEI, en plei myusik garram gita langa wi God.

Ola Saam 41:13

Preisim YAWEI, det God blanga Isreil! Preisim im tudei en olagijawan du. Yuwai! Trubala!

Ola Saam 50:14

Mi na det Boswan God, en ai wandim yumob blanga gibit mi dijan sekrifais ofring na. Ai wandim yumob blanga gibit theingks langa mi, en dum ebrijing yumob bin pramisim langa mi.

Ola Saam 72:19

Preisim im haibala neim olagijawan. Larram ola pipul ebriweya sabi det haibalawei blanga im. Yuwai! Trubala!

Ola Saam 89:52

Preisim YAWEI det trubala God olagijawan. Yuwai! Trubala!

Ola Saam 95:2

Wi garra kaman langa im en tok theingkyu, en preisim im garram ola hepiwan song.

Aisaiya 51:3

“Nomeda Jerusalem jidan rabishwan, mi na YAWEI garra meigim im jidan brabli hepiwan. Det taun garra jidan brabli purdiwan, jis laik det gadin langa Idin weya aibin meigim. En ola pipul langa Jerusalem garra abum bigwan padi, en dei garra brabli gudbinji en sing brabli gudbala song langa mi.”

Jeramaiya 33:9

Jerusalem garra meigim mi brabli gudbinji, en ai garra jidan brabli hepiwan langa olabat. Ola pipul langa ebri kantri langa dijan wel garra bradin en sheiksheikbat nomo lilbit wen olabat garra irrim hau aibin meigim detlot pipul langa Jerusalem jidan gudbalawei en hau aibin dumbat gudbala ting langa dijan taun.

Jona 2:9

Bat ai gibit theingks langa yu, en ai garra meigim det sekrifais serramoni blanga yu du. En ebrijing weya aibin dalim yu wen aibin jingat langa yu, ai garra duwit langa yu na. Wal YAWEI, yu na det trubala God, en oni yu gin seibum pipul.”

Methyu 6:13

Melabat askim yu nomo blanga larram enijing testimbat melabat brabli adbalawei, en yu nomo larram Seitin deigidawei melabat brom yu.’ “Lagijat na yu garra prei,

Romans 11:36

Nobodi bin gibit im enijing lagijat, dumaji God bin meigim ebrijing, en im na meigim ebrijing kipgon jidanbat laibala, en ebrijing jidan blanga im. Wal wi garra preisimbat God olagijawan. Trubala.

Fes Karinthiyans 14:16

Yumob sabi wotfo? If eni odinri pipul jidan deya langa det miting pleis weya yumob preisimbat God garram yumob spirit, wal dei kaan sabi wanim yumob toktok. En if dei kaan sabi, wal hau dei garra tok “Trubala” wen yumob gibit theingks langa God?

Sekan Karinthiyans 4:15

Yumob sabi na? Melabat oldei abum olkain trabul blanga album yumob, en melabat oldei abum det trabul wulijim det gudnyus garra spredat mowa en mowa, en God garra brabli kainbala langa mowa en mowa pipul, wulijim mowa en mowa pipul garra gibit theingks langa God en preisim im.

Kaloshans 2:7

en yumob garra meigim miselp strongbala langa im jis laiga strongwan tri weya det rutpat godan longwei insaid langa graun. En yumob garra meigim miselp strongbala jis laiga strongwan haus weya dei bildimap langa strongbala graun. Lagijat na yumob garra bilib strongbalawei jis laik melabat bin lenimbat yumob blanga bilib, en yumob garra oldei gibit theingks langa God.

Kaloshans 3:17

en enijing yumob tok en dum, yumob garra dum brabli trubalawei, dumaji yumob bulurrum Jisas Krais det Bos blanga wi, en thru im na yumob garra oldei gibit theingks langa God det Dedi blanga wi.

Jud Det Leda Blanga Gibit Woning Blanga Laiyawan Titja 1:25

Wal oni wanbala trubalawan God im jidan laibala, en im na bin seibum wi garram Jisas Krais det haibala Bos blanga wi. Wal God im brabli haibala, en im brabli shainiwan, en im garram detmatj pawa, en im Bos blanga ebrijing du. Bifo enijing bin jidan langa dijan kantri, God bin jidan lagijat, en tudei na im stil jidan lagijat, en im garra jidan lagijat igin olagija. Yuwai. Dijan na im trubala ai dalim yumob. Binij na.

Rebaleishan 1:18

Mi na det Laibalawan. Aibin dai basdam. Bat afta aibin gidap laibala, en mi jidan laibala olagija. Mi na det brabliwan Bos blanga ola greibyad. Nobodi nomo lau dai if mi nomo larram. Mi na Bos blanga laif.

Rebaleishan 19:4

Brom deya detlot 24 olmen en detlot 4 najakain enimul bin ol baudan en weship langa God deya langa det speshal boswan tjeya. Deibin gibit theingks langa im, en deibin tok, “Yuwai! Aleiluya!”