Rebaleishan 7:10 - Kriol Baibul

¹⁰ en deibin ol jingat adbala na, “Det sambodi weya im jidan langa det speshalwan tjeya, im na det God blanga wi. En det yangwan ship, wal dubala na bin seibum wi.”

Rebaleishan 7:10 Iomraidhean Croise

Ola Saam 115:1

Oni langa yu na YAWEI, oni langa yu melabat garra preisimbat, dumaji yu kipgon laigimbat yu pipul olabat, en yu jidan brabli trubalawan langa olabat. Melabat kaan preisim miselp.

Ola Saam 3:8

YAWEI, yu na tharran hu oldei seibum melabat. Yu dumbat ola gudbala ting langa yu pipul olabat.

Ola Saam 37:39

YAWEI im seibum ola gudbala pipul, en lukaftumbat olabat wen olabat abumbat trabul.

Aisaiya 43:11

“Oni mi na YAWEI, en oni mi na gin seibum yumob.

Aisaiya 45:15

Wal mi na Aisaiya tok, “Ol yumob Isreil pipul, oni melabat God na gin seibum melabat, bat im adwan blanga melabat blanga sabi.

Aisaiya 45:21

Wotfo yumob kaan majurrumap miselp en midim mi langa kothaus? Aibin dalim yumob longtaim wanim garra hepin, indit? Oni mi na wanbala God, en nomo enibodi jidan haibala laik mi. Mi oldei gibitbat yumob feyago, en ai garram det pawa blanga seibum yumob.

Jeramaiya 3:23

Wen melabat bin weshipbat olkain drimin ontop langa detlot hil, dei nomo bin album melabat, najing. YAWEI yu na oldei album langa melabat, en yu na det God blanga melabat.

Hoseiya 13:4

Wal YAWEI bin tok, “Mi na YAWEI det trubala God blanga yumob. Nomo enibodi bin deigidawei yumob brom Ijip. Oni mi na. En yumob nomo garram enibodi blanga lukaftumbat yumob. Oni mi na. En nomo enibodi kaan seibum yumob du. Oni mi na.

Jona 2:9

Bat ai gibit theingks langa yu, en ai garra meigim det sekrifais serramoni blanga yu du. En ebrijing weya aibin dalim yu wen aibin jingat langa yu, ai garra duwit langa yu na. Wal YAWEI, yu na det trubala God, en oni yu gin seibum pipul.”

Sekaraiya 4:7

Nomeda yu garram bigwan wek, en nomeda yu garra abum loda trabul, bat detlot trabul kaan stapam yu Serababal, yu garra kipgon, nomo enijing kaan stapam yu. Yu garra pudum det laswan ston ontop langa det Serramoni Pleis, en ola pipul garra jingat, ‘God yu lukaftum dis Serramoni Pleis! God yu lukaftum dis Serramoni Pleis!’ ”

Sekaraiya 9:9

YAWEI bin kipgon tok, “Yumob pipul blanga Jerusalem! Jingat brabli gudbinjiwei yumob pipul blanga Saiyan! Luk yumob king im kaminap langa yumob. Im strongbala en imbin bidim ol im enami olabat. Im kaman langa yumob raidimbat dongki, ontop langa yangwan dongki, nomo praudbalawei.

Luk Bin Dalim Ola Stori Blanga Jisas Langa Wan Jintail Men 3:6

En ebribodi garra luk det Boswan weya God garra jandim blanga seibum olabat.” Lagijat na Aisaiya bin tok. En det wed bin tok blanga Jon Beptis weya imbin dalimbat ola pipul blanga libum olabat nogudbalawei.

Jon Bin Dalim Det Gudnyus Blanga Jisas Det San Blanga God 1:29

Wal det neksdei na Jon Beptis bin luk Jisas kaminap langa im, en wen imbin luk Jisas, Jon bin dalim detlot pipul deya, “Iya na det Yangwan Ship blanga God hu garra deigidawei ola nogudbala ting brom ebribodi.

Jon Bin Dalim Det Gudnyus Blanga Jisas Det San Blanga God 1:36

en imbin luk Jisas wokwok deya, en imbin dalim det dubala wekinmen blanga im, “Deya na det Yangwan Ship blanga God.”

Jon Bin Dalim Det Gudnyus Blanga Jisas Det San Blanga God 4:22

Ai dalim yu. Yumob Sameriya pipul nomo sabi langa hu yumob oldei weshipbat. Bat melabat Juwish pipul sabi hu melabat oldei weshipbat, dumaji God bin pramis blanga seibum pipul thru langa ola Juwish pipul.

Ifishans 2:8

Wal God bin seibum yumob wen yumob bin bilib langa Jisas Krais dumaji imbin abum det brabli kainbala filing blanga yumob. Im nomo bin seibum yumob dumaji yumob bin gudbala, en im nomo bin seibum yumob dumaji yumob bin dum gudbala ting. Imbin seibum yumob dumaji imbin wandi seibum yumob imselp, en dumaji imbin seibum yumob lagijat, wal nobodi kaan reken miselp na.

Rebaleishan 12:10

Brom deya aibin lisin sambodi bin jingat adbala langa hebin, “God im brabli nambawan Bos. Im na bin albumbat im pipul olabat brabliwei. Garram im pawa imbin bidim Seitin. En God San Jisas Krais jidan brabliwan Bos na, dumaji deibin tjakamdan Seitin. Seitin na bin oldei bringimap nogudwan yan langa God blanga ola Kristjan pipul. Deitaim en naitaim imbin oldei dalimbat laiya blanga olabat.

Rebaleishan 19:1

Brom deya langa main drim aibin lisin bigwan nois langa hebin. Bigmob pipul deya bin jingat, “Aleiluya! Det God blanga melabat im brabliwan! Im strongbala, en im na bin seibum melabat!

Rebaleishan 21:5

Brom deya God bin tok na brom det speshalwan tjeya, “Mi na bin meigimbat ebrijing nyubala.” God bin kipgon tok langa mi, “Yu raidimdan dijan wed weya aibin tok, dumaji im brabli trubala. Im nomo laiyawan.”

Rebaleishan 22:3

Wal yu kaan faindim enijing weya God nomo lau langa det taun. En det graun weya God bin meigim adwan longtaim nomo deya du, dumaji det speshal boswan tjeya blanga God en Jisas Krais im deya insaid langa det taun, en ola wekinmen blanga God garra weship im deya du.

Rebaleishan 4:6

Wal lida langa det wanbala speshalwan tjeya samting bin jidan. Imbin jis laiga shainiwan woda, jis laiga shainiwan glas. En raidaran langa det wanbala speshalwan tjeya fobala najakain enimul bin jandap. Olabat bin abum blendibala ai langa olabat frant en langa olabat bekboun du.

Rebaleishan 5:7

Wal det yangwan ship bin go langa det sambodi hubin jidan langa det speshal boswan tjeya, en imbin pulumat det rolapwan peipa brom im raidensaid bingga,