Rebaleishan 5:9 - Kriol Baibul

⁹ Brom deya detlot fobala najakain enimul en detlot olmen bin ol sing nyuwan song, “Yubin gajim det rolapwan peipa, en yu gin deigimat detlot sebenbala bush gam, dumaji yu brabli haibala en yubin dai blanga ola pipul. Garram yu ronwan blad yubin baiyim detlot pipul blanga God. Yubin baiyim pipul brom ebri traib en ebri klen en ebri langgus en ebri kantri.

Rebaleishan 5:9 Iomraidhean Croise

Ola Saam 144:9

YAWEI ai garra sing nyuwan song langa yu. Ai garra plei gita en sing song langa yu.

Ola Saam 149:1

Preisim YAWEI det trubala God! Sing nyuwan song langa YAWEI garram ol im pipul hu jidan trubalawei.

Ola Saam 33:3

Sing nyuwan song langa im. Plei det gita gudbalawei en jingat adbala gudbinjiwei.

Ola Saam 40:3

Imbin gibit mi nyubala song blanga sing. Ai preisim im garram det song dumaji imbin seibum mi lagijat. Loda pipul garra irrim hau imbin seibum mi garram pawa. Dei garra hatjamp en bradin langa im, en dei garra trastim YAWEI.

Ola Saam 96:1

Sing nyuwan song langa YAWEI det trubala God. Ola pipul langa dijan wel sing song langa YAWEI.

Ola Saam 98:1

Sing nyuwan song langa YAWEI det trubala God. Imbin dum ola brabli gudwan ting. Garram im ron haibala pawa en strongwan bingga imbin win.

Aisaiya 42:10

Ebribodi langa dijan wel sing nyubala song langa YAWEI. Preisim YAWEI yumob hu go garram bout langa solwoda. Preisim YAWEI yumob hu jidan longwei langa najalot kantri.

Denyul 3:4

wanbala men bin jingat brabli adbala na, “Yumob pipul brom ebriweya, yumob tok olkainbala langgus.

Denyul 4:1

Afta na King Nebakanesa bin jandim dijan wed langa ola pipul langa ebri traib en ebri langgus langa ebri kantri. Imbin tok langa olabat, “Gudei! Wal yumob jidan gudbinji.

Denyul 5:19

Imbin brabli haibala, en ola pipul langa ola kantri en langgus bin bradin langa im en olabat bin sheiksheik nomo lilbit. If imbin wandim kilim sambodi wal imbin dum. If imbin wandim sambodi blanga jidan laibala wal imbin larram im jidan laibala. Imbin meigim pipul haibala en im meigim pipul jidan lobala.

Denyul 6:25

Afta na King Daraiyas bin raidimdan leda langa ola pipul brom ebri kantri, traib en langgus. Imbin tok, “Gudei yumob. Ai wandim yumob blanga jidan gudbinji.

Methyu 20:28

Mi na det Speshalwan Men weya God bin jandim, en ai nomo bin kaman blanga meigim enibodi album mi. Aibin kaman blanga album ola pipul. En yumob garra bulurrum mi. Yumob sabi? Aibin kaman blanga dai blanga ola pipul en blanga baiyimbek olabat garram main laif brom det nogudbalawei weya olabat oldei dumbat.” Lagijat na Jisas bin tok.

Methyu 26:28

en imbin tok, “Dijan wain yumob dringgim im main blad. Ai garra spilim main blad blanga ebribodi blanga opinimap det nyubalawei blanga God. Ai garra spilim main blad blanga deigidawei ola nogudbala ting brom loda pipul.

Eks Hau Det Gudnyus Blanga Jisas Krais Bin Spredat Ebriweya 20:28

“Wal ol yumob tjetj lidamob garra wotjim miselp, en yumob garra wotjim ol detlot bilibamob du, dumaji det Holi Spirit bin meigim yumob jidan bos blanga olabat. Yumob garra lukaftumbat olabat brabliwei, dumaji God san bin weistim im blad blanga meigim olabat jidan blanga im,

Fes Karinthiyans 6:20

Yumob blanga God, dumaji imbin baiyim yumob. Imbin pei garram det blad blanga Jisas Krais blanga meigim yumob jidan blanga im. En blanga tharran na yumob garra yusum yumob bodi raitwei blanga preisimbat God.

Fes Karinthiyans 7:23

Yumob sabi wotfo yumob jidan lagijat? Dumaji God bin baiyim yumob. God bin pei blanga yumob garram det blad blanga Jisas Krais. En blanga tharran na yumob kaan larram enibodi iya langa dijan kantri jidan brabliwan bos blanga yumob.

Ifishans 5:19

en yumob garra oldei tok en dalimbat miselp garram ola gudbala wed brom ola song, en yumob garra oldei sing en preisim det Bos blanga wi brom insaid langa yumob hat,

Kaloshans 1:14

en im san na bin pei blanga larramgo wi fri brom ol detlot nogudbala ting weya wibin oldei dumbat.

Kaloshans 1:23

Wal yumob garra kipgon bilib en jandap brabli strongbalawei, en yumob kaan larram enikain ting deigidawei yumob brom det pramis weya God bin gibit langa yumob wen yumob bin irrim det gudnyus. Wal det gudnyus weya yumob bin irrim bin spredatbat ebriweya langa ebribodi langa ebri kantri, en blanga det gudnyus na God bin meigim mi jidan wekinmen blanga im.

Taidas 2:14

Wal im na bin gibit miselp blanga wi blanga meigim wi fri brom ola nogudbalawei, en imbin gibit miselp blanga klinim wi en meigim wi holot blanga im. En imbin dum lagijat langa wi blanga meigim wi wandi dumbat ola gudbala ting brabliwei.

Hibrus 11:14

en wen deibin tok lagijat, deibin shoum detlot najalot pipul deibin lukabat olabat ronwan kantri.

Sekan Pida 2:1

Wal ai dalim yumob. Longtaim wen detlot speshalwan mesinja blanga God bin gibit ola Juwish pipul detlot trubalawan wed, sambala laiyawan mesinja hubin reken deibin kaman brom God bin kamat langa detlot Juwish pipul. En seimwei lagijat du sambala laiyawan titja garra kamat langa yumob Kristjan pipul, en snikinbalawei dei garra dalimbat yumob olkain laiyawan stori, dumaji dei wandi trai en deigidawei yumob brom det trubalawei en meigim trabul kaman langa yumob. Wal detlot laiyawan titja garra meigim trabul kamat langa olabat ronselp, dumaji deibin tenawei brom Jisas Krais det Brabliwan Bos, en deibin gibit im bekboun. Nomeda imbin baiyimbek olabat brom det olbala laif garram det blad blanga im, bat stil deibin tenaweibat brom im. En blanga tharran na det trabul garra kamat en binijimap olabat.

Fes Jon 1:7

Bat if wi bulurrum det trubalawei, en if wi jidan langa det lait seimwei laik God jidan, wal wi jidan mijamet wulijim wan femili, en det blad blanga im San Jisas Krais klinim wi brom ol detlot nogudbala ting weya wibin dumbat.

Fes Jon 2:2

Im na bin dai blanga meigim det wei blanga wi wulijim God garra larramgo wi fri brom ol detlot nogudbala ting weya wibin dumbat. Im nomo bin meigim det wei oni blanga wi. Imbin meigim det wei blanga ebribodi.

Rebaleishan 10:11

Brom deya sambodi bin dalim mi, “Wanmo yu garra dalim ola pipul wanim God bin tok blanga ebri kantri en ebri traib en ebri langgus en ebri bos.”

Rebaleishan 11:9

Wal det bodi blanga det dubala witnis garra leidan langa det roud blanga 4 dei, en ola pipul garra kaman en lukinatbat dubala bodi. Pipul brom ebri kantri en ebri traib en ebri langgus garra kaman en lukinat dubala bodi. Nobodi bin lau blanga berrim dubala,

Rebaleishan 13:7

En det enimul bin lau blanga fait langa ola Kristjan pipul du, en im garra bidim olabat. Sambodi bin gibit im pawa oba langa ebri traib en ebri pipul en ebri langgus en ebri kantri.

Rebaleishan 13:8

Ebribodi langa ola kantri garra bulurrum det enimul. Oni detlot pipul weya God bin raidimdan olabat neim langa det buk blanga det yangwan ship, olabat na kaan bulurrum det enimul. Det buk dei gulum Buk Blanga Laif, en detlot pipul weya God nomo bin raidimdan olabat neim langa det buk bifo imbin meigim dijan kantri, wal olabat na garra brabli gudbinji en tok gudwei blanga det enimul.

Rebaleishan 14:6

Brom deya aibin luk wanbala einjul bin flaiflai langa top. Imbin abum det gudnyus blanga dalimbat ola pipul langa dijan kantri. Det gudnyus kaan neba binij, najing. En det einjul garra dalimbat ola pipul langa ebri kantri en ebri traib en ebri langgus olabat.

Rebaleishan 15:3

en deibin sing blanga det yangwan ship, det song weya Mosis det wekinmen blanga God bin lenim olabat blanga sing, “God, yu brabli haibala. Yu na det Brabli Bos. Ebrijing weya yu dumbat, yu dumbat brabli gudwan. Yu oldei jidan trubalawei. Yu nomo laiyawan. En yu oldei gibit feyago langa ebribodi. Yu na king blanga olkain pipul.

Rebaleishan 17:15

En imbin kipgon tok, “Detlot riba weya yubin luk det nogudwan wuman jidan, olabat na bigmob pipul brom ola kantri en traib en langgus.

Rebaleishan 4:11

“Yu na Bos blanga melabat en God blanga melabat. Nobodi kaan jidan brabli haibala garram pawa. Oni yu na jidan brabli haibala garram pawa. Oni yu na melabat gin rispek. Oni yu na melabat gin gulum Bos. Dumaji yu na bin meigim ebrijing. Yu na bin gibit laif langa ebrijing, dumaji yubin wandi gibit olabat laif.” Lagijat na detlot olmen bin oldei tok.

Rebaleishan 5:12

Wal aibin lisin olabat sing brabli adbala na, Praise “Det Yangwan Ship hubin dai, oni im na garram pawa. En im brabli ritjwan du. Im brabli sabibala en im strongbala detmatj. Wi kaan rispek langa enibodi. Wi kaan preisim enibodi, najing. Oni im na. Im na wi garra meigim haibala.” Lagijat na detlot einjul bin sing.

Rebaleishan 5:6

Brom deya aibin luk det yangwan ship jandap deya lida langa det speshal boswan tjeya rait langa midul langa detlot fobala najakain enimul, en langa detlot olmen. Imbin luk jis laik sambodi bin kilim im ded. En imbin abum sebenbala hon en sebenbala ai. Detlot sebenbala hon en ai, olabat na detlot sebenbala spirit weya God bin jandim langa dijan kantri.