Rebaleishan 4:9 - Kriol Baibul

⁹ Wal detlot fobala najakain enimul bin oldei singsing lagijat na. En deibin rispek langa God brabli, en deibin oldei gibit theingks garram song langa det sambodi hubin oldei jidan langa det speshalwan boswan tjeya langa midul. Im na jidan laibala olagija.

Rebaleishan 4:9 Iomraidhean Croise

Ola Saam 47:8

God jidan langa im seikridwan tjeya. Im jidan bos blanga ola pipul langa ebri kantri.

Ola Saam 48:14

Dijan God im jidan wi God olagijawan. Im garra lidimbat wi raidap dis wel binij.

Eksadas 15:18

YAWEI, yu na det wanbala trubala God, en yu garra jidan haibala king olagijawan.” Lagijat na ola pipul bin sing,

Aisaiya 6:1

Wal aibin kipgon tok, “Langa det yiya na wen Yusaiya bin dai, aibin abum drim en langa main drim aibin luk YAWEI det trubala God bin jidanbat langa im speshalwan tjeya, en imbin jidan mowa haibala langa ola ebrijing, en blanga im klos bin spredat oloba langa det Serramoni Pleis.

Denyul 12:7

Wal det einjul bin lidimap im dubala bingga langa skai en imbin meigim strongwan pramis langa det neim blanga det olagijawan God, en aibin irrim im tok, “Im garra jidan thri en haf yiya. Basdam bigiswan trabul garra kaman langa detlot pipul blanga God en wen im binij wal ol dislot ting garra binij du.”

Denyul 4:34

Wal King Nebakanesa bin tok langa olabat, “Wen det 7 yiya bin binij, aibin lukap langa top, en aibin jinggabat gudwei igin. Aibin preisim det Brabli Haibala God. Aibin weship im en lidimap im neim en meigim im mowa haibala, det wanbala God hu jidan olagijawan. Aibin tok, “God na jidan bos olataim. Im na jidan king olagijawan.

Dyudaranami 32:40

Mi na det laibalawan God en trubala ai dalim yumob. Ai lidimap main bingga blanga meigim dijan strongwan pramis langa yumob.

Hibrus 7:25

Yu si? Jisas gin oldei seibum enibodi hu wandim kaman langa God thru im, dumaji im jidan laibala olagijawan, en im gin oldei askimbat God blanga olabat.

Hibrus 7:8

Yu si? Melkisadek bin mowa haibala langa Eibrahem, en imbin haibala langa ol detlot serramonimen hubin kamat brom Eibrahem du. Ol detlot serramonimen bin oldei gajim wanbala ting blanga ebri tenbala enijing brom ola pipul, en bambai deibin ol dai. Bat Melkisadek bin gajim wanbala ting blanga ebri tenbala enijing brom Eibrahem wantaim, en bambai wanim bin hepin langa im? Det oltestaman nomo dalim wi imbin dai. Im jidan laibala.

Rebaleishan 1:18

Mi na det Laibalawan. Aibin dai basdam. Bat afta aibin gidap laibala, en mi jidan laibala olagija. Mi na det brabliwan Bos blanga ola greibyad. Nobodi nomo lau dai if mi nomo larram. Mi na Bos blanga laif.

Rebaleishan 10:6

en imbin tok, “God bin meigim dijan skai langa top en ebrijing weya jidan langa top, en imbin meigim dijan graun en ebrijing weya jidan langa graun, en imbin meigim ola solwoda du en ebrijing weya jidan langa solwoda. God imselp bin jidan longtaim bifo imbin meigim ol dislot ting, en im garra kipgon jidanbat longtaim. Wal im na bin tok taim bin kaman na.

Rebaleishan 15:7

Brom deya wan enimul brom det fobala najakain enimulmob bin gibit detlot 7 einjul 7 goldinwan dish. God bin wail brabli langa ola nogudbala pipul, en imbin bilimap detlot dish garram olkain trabul. Wal God im jidan olagijawan brabli. Im kaan neba dai.

Rebaleishan 21:5

Brom deya God bin tok na brom det speshalwan tjeya, “Mi na bin meigimbat ebrijing nyubala.” God bin kipgon tok langa mi, “Yu raidimdan dijan wed weya aibin tok, dumaji im brabli trubala. Im nomo laiyawan.”

Rebaleishan 4:2

Wal streidawei det Spirit bin teikoba langa mi, en deya langa hebin aibin luk wan speshal boswan tjeya, en sambodi bin jidan ontop langa det speshalwan tjeya.

Rebaleishan 4:8

Detlot fobala najakain enimul bin abum loda wing jis laiga bard. Siksbala wing deibin abum, en ebriweya langa olabat bodi deibin abum ai, insaid en atsaid deibin abum. Wal detlot najakain enimul bin oldei singsing. Deitaim en naitaim dei neba stap singsing, “Holi, holi, holi, det Brabli Haibala God. Im brabli strongbala nomo lilbit. Imbin jidan Boswan lagijat basdam longtaim, en tudei im stil jidan lagijat na, en im garra kipgon jidanbat lagijat olagijawan.”

Rebaleishan 5:1

Brom deya langa main drim aibin luk langa det sambodi hubin jidan langa det speshal boswan tjeya langa midul, en aibin luk rolapwan peipa langa im raidensaid bingga. Det peipa bin abum neim ebriweya langa im, insaid en atsaid, en imbin stak brabliwei garram sebenbala bush gam.

Rebaleishan 6:16

Deibin jingat langa ola hil en langa ola bigwan ston, “Buldan langa melabat! Gaburrumap melabat! Blandim melabat brom det sambodi hu jidan langa det speshal boswan tjeya! Blandim melabat brom det yangwan ship, dumaji im wail langa melabat!

Rebaleishan 7:15

En blanga tharran na olabat jandap deya lida langa det speshalwan tjeya blanga God, en dei oldei wek blanga God langa im serramoni pleis. Deitaim en naitaim dei oldei wek blanga im. En det sambodi weya im jidan langa det speshalwan tjeya garra maindimbat olabat brabliwei, dumaji olabat jidan langa im haus na.