Rebaleishan 4:11 - Kriol Baibul

¹¹ “Yu na Bos blanga melabat en God blanga melabat. Nobodi kaan jidan brabli haibala garram pawa. Oni yu na jidan brabli haibala garram pawa. Oni yu na melabat gin rispek. Oni yu na melabat gin gulum Bos. Dumaji yu na bin meigim ebrijing. Yu na bin gibit laif langa ebrijing, dumaji yubin wandi gibit olabat laif.” Lagijat na detlot olmen bin oldei tok.

Rebaleishan 4:11 Iomraidhean Croise

Jenasis 1:1

Orait, longtaim wen God bin stat meigimbat ebrijing, nomo enijing bin jidan. Imbin jis eniwei, nomo garram enijing. Oni strongbala woda bin goran goran ebriwei, en imbin brabli dakbala, en det Spirit blanga God bin mubabat ontop langa det woda.

Sekan Semyul 22:4

Wen mi jingat langa YAWEI, im oldei seibum mi brom main enami olabat. Wal wi kaan preisimbat enibodi. Oni YAWEI.

Niyamaiya 9:5

Afta na dislot serramonimen bin tok langa ola pipul, Jeshuwa, Kedmiyel, Bani, Hashabaneiya, Sherebaiya, Hodaiya, Shebanaiya en Pethahiya. Deibin tok, “Jandap en preisim YAWEI det trubala God blanga wi. Preisim im olagijawan! Ola pipul garra preisim wi speshalwan God. Im brabli haibala. Wi kaan sabi hau blanga preisim im brabliwei.”

Job Wotfo Gudbala Pipul Abum Trabul? 36:3

Wal God im olweis rait, en dijan wed kaman streit brom im na.

Ola Saam 18:3

Wen mi jingat langa YAWEI im oldei seibum mi brom main enami olabat. Wal wi kaan preisimbat enibodi, oni YAWEI det trubala God.

Ola Saam 68:34

Ebribodi garra tok blanga det pawa blanga God. Im na jidan brabli boswan langa ola Isreil pipul, en det skai na shoum im pawa.

Eksadas 20:11

Mi na YAWEI det trubala God, en aibin meigim dis graun en skai en solwoda en ebrijing. Imbin deigim mi 6 dei blanga meigim, en langa det namba 7 dei aibin abum spel. Blanga tharran na aibin gudbinji blanga det Sebathdei, en aibin meigim im difrin brom detlot najalot dei.

Prabebs 16:4

Wal YAWEI na meigim ola ebrijing wek hau im wandim, en im na meigim detlot nogudbala pipul abum brabli adtaim.

Aisaiya 40:26

Yu luk det skai naitaim. Hubin meigim detlot sta? Hubin gibit olabat neim? Hubin lidimbat detlot sta wulijim ami? YAWEI na im brabli strongbala garram detmatj pawa. Im jingat olabat neim en olabat kamat naitaim. Nomo eni sta bin gitbush.

Aisaiya 40:28

Yumob nomo sabi? Yumob nomo bin irrim? YAWEI na det olagijawan God. Im na bin meigim dijan wel. Im nomo wikwan. Im kaan neba nokap. Nomo ebribodi sabi wanim YAWEI jinggabat.

Jeramaiya 10:11

“Wal yumob pipul garra lafta dalim olabat blanga detlot drimin. Dei nomo bin meigim dijan graun en det skai, en dei garra binijap dregli. Dei kaan jidan langa dijan wel enimo.” Lagijat na aibin tok.

Jeramaiya 32:17

“YAWEI det boswan God, yu na bin meigim dijan graun en det skai garram yu haibala pawa. Nomo enijing im adwan blanga yu.

Eks Hau Det Gudnyus Blanga Jisas Krais Bin Spredat Ebriweya 14:15

Dubala bin tok, “Wotfo yumob wandi dum det ting? Minbala nomo drimin! Minbala men seim laik yumob! Minbala bin kaman iya blanga dalimbat yumob det gudnyus en blanga meigim yumob libum diskain nogudbala ting en go langa det laibalawan God. Im na bin meigim skai en graun en solwoda en ebrijing weya jidan langa dijan wel.

Eks Hau Det Gudnyus Blanga Jisas Krais Bin Spredat Ebriweya 17:24

Det drimin weya yumob nomo sabi, im na God, en oni im na bin meigim dijan wel en ebrijing iya, en oni im na Bos blanga top en blanga dijan graun. Im nomo jidan langa haus weya men bin bildimap,

Romans 11:36

Nobodi bin gibit im enijing lagijat, dumaji God bin meigim ebrijing, en im na meigim ebrijing kipgon jidanbat laibala, en ebrijing jidan blanga im. Wal wi garra preisimbat God olagijawan. Trubala.

Ifishans 3:9

En imbin gibit mi det wek blanga shoum ola pipul hau God garra dum det plen blanga im. Wal God na bin meigim ebrijing, en imbin meigim det plen du. Bat imbin blandim det plen raidap tudei.

Dyudaranami 32:4

“YAWEI im jis laiga brabli strongwan ston weya kipum yumob seifwan. Im neba dum eni rong ting. Yumob gin oldei trastimbat God. Im brabli gudbala en im oldei gibit feyago.

Hibrus 1:10

Imbin kipgon tok, “Bos, longtaim yu na bin meigim ola graun, en garram yu ronwan bingga yubin meigim ola skai.

Hibrus 1:2

Bat tudei im tok langa wi thru det san blanga im. Garram im na God bin meigim ebrijing, en imbin pikimat im blanga jidan Bos blanga ebrijing.

Rebaleishan 1:6

En imbin meigim wi jidan jis laiga serramonimen blanga wek blanga im Dedi God. Wal wi garra gibit theingks langa Jisas Krais blanga tharran, dumaji im garram ola pawa olagijawan. Olagija im garram. Trubala dijan mi dalim yumob.

Rebaleishan 10:6

en imbin tok, “God bin meigim dijan skai langa top en ebrijing weya jidan langa top, en imbin meigim dijan graun en ebrijing weya jidan langa graun, en imbin meigim ola solwoda du en ebrijing weya jidan langa solwoda. God imselp bin jidan longtaim bifo imbin meigim ol dislot ting, en im garra kipgon jidanbat longtaim. Wal im na bin tok taim bin kaman na.

Rebaleishan 14:7

Wal det einjul bin tok adbala, “Yumob garra bradin en lukbek langa God. Yumob garra tok gudbalawei blanga im, dumaji im brabli haibala, en det taim bin kaman na blanga im blanga jadjimbat ola pipul. Yumob garra baudan langa graun lida langa im en weship langa im, dumaji im na bin meigim ebrijing. Im na bin meigim ola solwoda en springwoda en ola kantri en skai.”

Rebaleishan 19:1

Brom deya langa main drim aibin lisin bigwan nois langa hebin. Bigmob pipul deya bin jingat, “Aleiluya! Det God blanga melabat im brabliwan! Im strongbala, en im na bin seibum melabat!

Rebaleishan 5:12

Wal aibin lisin olabat sing brabli adbala na, Praise “Det Yangwan Ship hubin dai, oni im na garram pawa. En im brabli ritjwan du. Im brabli sabibala en im strongbala detmatj. Wi kaan rispek langa enibodi. Wi kaan preisim enibodi, najing. Oni im na. Im na wi garra meigim haibala.” Lagijat na detlot einjul bin sing.

Rebaleishan 5:2

Brom deya aibin luk wan strongwan einjul bin jingat brabli adbala, “Hu brabli gudwan blanga deigimat detlot bush gam en opinimap det rolapwan peipa?”

Rebaleishan 5:9

Brom deya detlot fobala najakain enimul en detlot olmen bin ol sing nyuwan song, “Yubin gajim det rolapwan peipa, en yu gin deigimat detlot sebenbala bush gam, dumaji yu brabli haibala en yubin dai blanga ola pipul. Garram yu ronwan blad yubin baiyim detlot pipul blanga God. Yubin baiyim pipul brom ebri traib en ebri klen en ebri langgus en ebri kantri.