Rebaleishan 4:1 - Kriol Baibul

¹ Afta na aibin abum najawan drim, en langa det drim aibin luk wan dowa bin opin langa hebin, en aibin lisin sambodi bin tok langa mi. Imbin jis laik det bambu weya aibin irrim jingat basdam. Wal det sambodi bin dalim mi, “Yu kaman en galimap iya langa mi, dumaji ai garra shoum yu wanim garra hepin bambai.”

Rebaleishan 4:1 Iomraidhean Croise

Eksadas 1:1

Orait, longtaim Jeikob bin go langa det kantri gulum Ijip garram ola femili blanga im.

Eksadas 19:24

Wal YAWEI bin tok, “Yu godan en kambek garram Eran. Bat detlot serramonimen en ola pipul kaan kaman disaid langa det mak blanga kaman iya langa mi. If dei kaman disaid, wal ai garra panishim olabat.”

Eksadas 24:12

Brom deya YAWEI bin tok langa Mosis, “Yu garra kaman iya langa mi ontop langa dis hil, en ai garra gibit yu dubala fletwan ston garram ola lowa weya aibin raidimdan blanga lenim detlot Isreil pipul.”

Prabebs 25:7

Im mobeda det king gibit yu speshalwan pleis, den yu sheim miselp lida langa ol im boswan.

Isikiyel 1:1

Wal mi na Isikiyel, det serramonimen, en mi na det san blanga Busi. King Nebakanesa bin gajim mi en King Jehoiyakin en ola Juwish pipul, en imbin meigim melabat jidan wansaid langa det riba gulum Keba langa im kantri gulum Bebalon. Melabat bin jidan iya blanga 5 yiya. Bambai langa det namba 30 yiya langa det namba 4 manth langa det namba 5 dei aibin abum drim. Langa det drim aibin luk det skai bin opinap en YAWEI det trubala God bin shoum imselp langa mi, en imbin tok langa mi, en deya na aibin filim det pawa blanga im.

Methyu 3:16

en imbin beptaisim im, en wen Jisas bin kamat brom det woda, det skai bin opinap, en Jisas bin luk det Holi Spirit bin kamdan langa im jis laiga dab,

Mak Bin Dalim Ola Stori Blanga Jisas 1:10

en wen Jisas bin gidap brom det woda, imbin luk det skai bin opin, en imbin luk det Holi Spirit bin kamdan langa im jis laik det bard gulum dab,

Luk Bin Dalim Ola Stori Blanga Jisas Langa Wan Jintail Men 3:21

Afta na wen Jon bin beptaisim ola pipul, imbin beptaisim Jisas, en Jisas bin prei, en det skai bin opinap,

Jon Bin Dalim Det Gudnyus Blanga Jisas Det San Blanga God 16:13

Bat wen det Holi Spirit weya oldei dalim yumob det trubala wed garra kaman, im garra meigim yumob sabi ebrijing. Bat im kaan dalim yumob im ronwan wed. Im garra dalim yumob wanim im irrimbat brom mi, en im garra dalim yumob blanga detlot ting weya garra hepin bambai,

Eks Hau Det Gudnyus Blanga Jisas Krais Bin Spredat Ebriweya 10:11

en langa det drim imbin luk hebin bin opinap, en samting jis laiga bigwan kaliko taidap langa ola kona bin kamdan,

Eks Hau Det Gudnyus Blanga Jisas Krais Bin Spredat Ebriweya 7:56

en Stibin bin tok, “Yumob luk! Ai gin luk hebin im opin, en ai gin luk det Speshalwan Men weya God bin pikimat. Im jandapbat deya raidensaid langa God.”

Rebaleishan 1:10

Wal wan Sandei det Spirit blanga God bin teikoba langa mi, en aibin lisin sambodi bin jingat adbala biyain langa main bekboun. Imbin jingat jis laiga bambu,

Rebaleishan 1:12

Brom deya aibin tenim miselp blanga luk hubin tok langa mi, en aibin luk 7 goldinwan lempsten bin jandap deya,

Rebaleishan 1:19

“Wal yu garra raidimdan ebrijing yu luk iya. Yu garra raidimdan detlot ting weya dei hepin tudei en detlot ting weya garra hepin bambai.

Rebaleishan 11:12

Afta na dubala bin lisin sambodi bin jingat adbala brom hebin langa dubala, “Yunbala kamap iya na.” En dubala bin gowap langa top garram klaud, en detlot bedfren blanga dubala bin lukinat dubala gowap.

Rebaleishan 11:19

Brom deya det brabliwan serramoni pleis blanga God langa hebin bin opinap, en rait langa midul langa det serramoni pleis melabat bin luk det Seikridwan Boks weya det lowa blanga God bin jidan. Wal wen det serramoni pleis bin opinap, laitining bin kamat na, en detmatj thanda bin meigimbat laudwan nois ebriwei, en det graun bin sheik, en brabli bigwan heilstom bin kamat du.

Rebaleishan 16:17

Brom deya det namba 7 einjul bin spilimat im dish langa skai na, en streidawei sambodi bin jingat adbala brom det speshalwan tjeya langa det serramoni pleis langa hebin, “Binij na!”

Rebaleishan 19:11

Brom deya langa main drim aibin luk hebin bin opin na, en aibin luk wanbala waitwan hos garram raida. Det raida deibin gulum im neim Trubala en Kaan Gobek. Wen im jadjim enibodi, im panishim olabat raitwei, en wen im fait, im oldei fait langa nogudbala pipul.

Rebaleishan 22:6

Brom deya det einjul bin dalim mi na, “Dislot wed olabat brabli trubala. Olabat nomo laiyawan. God det Brabliwan Bos bin gibit im spirit langa ol detlot speshalwan mesinja blanga im, en God imselp bin jandim im einjul blanga shoum ola wekinmen blanga im wanim garra hepin bambai.”