Rebaleishan 3:7 - Kriol Baibul

⁷ Brom deya det men bin dalim mi blanga raidimdan dijan wed langa det einjul blanga det tjetj langa det taun gulum Filadelfiya. Det men im brabli gudwan en trubalawan, en im na garram det speshalwan ki jis laik King Deibid bin abum. En wen im opinim dowa, nobodi kaan jadimap det dowa. En wen im jadimap det dowa, nobodi kaan opinim det dowa.

Rebaleishan 3:7 Iomraidhean Croise

Job Wotfo Gudbala Pipul Abum Trabul? 11:10

“If God pudum yu langa jeil o deigim yu langa kothaus wanim yu garra du? Najing!

Job Wotfo Gudbala Pipul Abum Trabul? 12:14

Nobodi kaan bildimapbat wanim imbin binijim, o larramgo fri detlot imbin meigim jidan prisana.

Ola Saam 145:17

YAWEI oldei dum ebrijing raitwei, en im dum ebrijing garram kainbalawan filing.

Ola Saam 16:10

Yu na bin pikimat mi. Yu kaan libum main bodi insaid langa greibyad. Yu kaan larram mi jidan langa det pleis blanga ola dedbala pipul.

Ola Saam 89:18

YAWEI, yu na bin pikimat det king blanga lukaftumbat melabat jis laiga shild. Yu na, det brabli Holiwan God blanga Isreil bin gibit melabat ronwan king.

Aisaiya 22:22

Ai garra gibit im det ki blanga det haus blanga Deibid, en im garra jidan haibala bos langa det speshalwan haus blanga det king. En eni dowa im garra opinimap, nobodi kaan neba jadimap im, en wen im jadimap eni dowa nobodi kaan neba opinim igin.

Aisaiya 30:11

Yumob stap dalimbat melabat wanim God oldei dalimbat yumob. Melabat nomo wandim irrim enimo blanga det holiwan God blanga ola Isreil pipul.’ Lagijat na detlot Isreil pipul bin tok.

Aisaiya 41:14

“ ‘Ol yumob Isreil pipul, yumob nomo wori nomeda najalot pipul reken yumob wikwan jis laik detlot wem. Mi na det brabli holiwan God blanga ola Isreil pipul hu seibum yumob, en hu oldei maindimbat yumob.

Aisaiya 41:16

Det brabli strongbala win garra spredimat olabat oloba langa ebri kantri. En afta na, yumob garra abum bigbala padi, en yumob garra preisimbat mi na, det brabli holiwan God blanga ola Isreil pipul.’ ”

Aisaiya 41:20

Ebribodi garra luk dijan en sabi aibin dum, dumaji mi na, YAWEI det brabli holiwan God blanga ola Isreil pipul.” Lagijat na YAWEI bin tok.

Aisaiya 47:4

“Mi na YAWEI det boswan God. Tharran na main neim. Mi na det brabli holiwan God blanga ola Isreil pipul en mi na garra seibum olabat.

Aisaiya 48:17

Imbin tok, “Ol yumob Isreil pipul, mi na YAWEI det brabli holiwan God, en oni mi na wanbala gin seibum langa yumob. Blanga yumob ronselp, aibin titjimbat yumob det gudbalawei, en aibin lidimbat yumob langa det raitwan roud blanga bulurrum mi.

Aisaiya 49:7

Wal YAWEI bin tok, “Ol yumob Isreil pipul, mi na YAWEI det brabli holiwan God, en oni mi na wanbala hu gin album yumob. Yumob jidan prisana blanga detlot boswan brom najawan kantri, en olabat oldei tridimbat yumob rafwei en dumbat nogudbala ting langa yumob. Wal dijan na main pramis. Detlot king en ola boswan garra shoum rispek langa yumob, en olabat garra nildan lida langa yumob fut. Yumob garra trastim oni langa mi, dumaji oni mi na YAWEI det brabli holiwan God hubin seibum yumob. Aibin pikimat yumob en yumob na main ronwan pipul olabat.”

Aisaiya 54:5

Mi na YAWEI det boswan God, det brabli holiwan God blanga ola Isreil pipul, en oni mi na jidan bos blanga dijan wel. Mi na bin meigim dijan wel, en mi jidan laiga hasbin blanga yu, en ai garra seibum yu.

Aisaiya 55:5

Yumob garra jingat langa detlot pipul brom najalot kantri, weya yumob nomo sabi olabat. En olabat nomo sabi yumob du, bat olabat garra ol kaman en ranranbat langa yumob, dumaji mi na YAWEI det brabli holiwan God blanga ola Isreil pipul, en mi na bin meigim olabat rispek langa yumob.” Lagijat na YAWEI bin tok.

Aisaiya 6:3

en olabat bin oldei jinginatbat gija, ‘Holi, holi, holi! YAWEI im det boswan God. Im garram mowa pawa langa enijing langa dijan wel.’

Methyu 16:19

Wal ai garra gibit yu pawa blanga larram sambala pipul go langa Godwei en sambala pipul kaan go Godwei. Ebrijing yu tok langa dijan kantri God garra bekimap yu langa hebin.” Lagijat na Jisas bin tok langa Pida.

Methyu 24:35

Trubala ai dalim yumob. Hebin en dijan graun garra tjeinj. Bat main wed kaan neba tjeinj.

Mak Bin Dalim Ola Stori Blanga Jisas 1:24

“Jisas brom Nesareth, wotfo yubin kaman iya langa melabat? Yubin kaman blanga binijimap melabat? Ai sabi hu yu. Yu na det Holiwan hubin kaman brom God.”

Luk Bin Dalim Ola Stori Blanga Jisas Langa Wan Jintail Men 1:32

Im garra jidan brabli haibala, en dei garra gulum im S an blanga det brabli haibala God, en God garra meigim im jidan brabli bigbala Bos jis laik im grengrenfatha Deibid bin jidan king,

Luk Bin Dalim Ola Stori Blanga Jisas Langa Wan Jintail Men 4:34

“Jisas brom Nesareth, wotfo yubin kaman iya langa melabat? Yubin kaman blanga binijimap melabat? Ai sabi hu yu. Yu na det Holiwan mesinja hubin kaman brom God.”

Jon Bin Dalim Det Gudnyus Blanga Jisas Det San Blanga God 14:6

Wal Jisas bin dalim im, “Mi na det wei, dumaji mi det trubalawan weya gibit laif. En nobodi kaan go langa main Dedi. Oni detlot pipul hu sabi mi gin go langa main Dedi.” Lagijat na Jisas bin tok langa Tamas.

Eks Hau Det Gudnyus Blanga Jisas Krais Bin Spredat Ebriweya 3:14

Nomeda Jisas bin kaman brom God en imbin brabli gudbala, bat stil yumob bin dalim Pailat blanga kilim im ded en blanga larramgo det medra neim Barebas.

Fes Jon 5:20

En wi sabi det San blanga God bin kaman, en imbin meigim wi sabi wulijim wi garra sabi det trubala God. En wi jidan joinap garram det trubala God. Yumob sabi na? Wi jidan joinap garram Jisas Krais det San blanga God. Im na det trubala God. En im det olagijawan laif du.

Rebaleishan 1:11

“Yu raidimdan langa rolapwan peipa ebrijing weya yu garra luk, en yu garra jandim det peipa langa detlot 7 tjetj deya langa detlot taun gulum Efasas, Semena, Pegamam, Thaiyataira, Sadis, Filadelfiya en Leiyadasiya.” Lagijat na det sambodi bin tok.

Rebaleishan 1:18

Mi na det Laibalawan. Aibin dai basdam. Bat afta aibin gidap laibala, en mi jidan laibala olagija. Mi na det brabliwan Bos blanga ola greibyad. Nobodi nomo lau dai if mi nomo larram. Mi na Bos blanga laif.

Rebaleishan 1:5

En Jisas Krais im gudbinji langa yumob du, en im garra album yumob jidan gudbalawei du. Wal Jisas Krais na bin gidap laibala brom det greibyad basdam. En im tok trubalawei blanga God, en im na det Boswan blanga ola bos langa ebri kantri. En im laigim wi, en imbin weistim im blad blanga wi blanga meigim wi fri brom ol wi nogudbalawei.

Rebaleishan 15:3

en deibin sing blanga det yangwan ship, det song weya Mosis det wekinmen blanga God bin lenim olabat blanga sing, “God, yu brabli haibala. Yu na det Brabli Bos. Ebrijing weya yu dumbat, yu dumbat brabli gudwan. Yu oldei jidan trubalawei. Yu nomo laiyawan. En yu oldei gibit feyago langa ebribodi. Yu na king blanga olkain pipul.

Rebaleishan 16:7

Brom deya aibin lisin sambodi langa det teibul blanga ofring bin tok, “Yuwai, God. Yu Brabli Haibala Bos, en yu brabli haiwan du. Enijing weya yu dumbat blanga panishim detlot nogudbala pipul, wal im rait, dumaji yubin tok basdam yu garra duwit.”

Rebaleishan 19:11

Brom deya langa main drim aibin luk hebin bin opin na, en aibin luk wanbala waitwan hos garram raida. Det raida deibin gulum im neim Trubala en Kaan Gobek. Wen im jadjim enibodi, im panishim olabat raitwei, en wen im fait, im oldei fait langa nogudbala pipul.

Rebaleishan 19:2

Im oldei tok trubala wed, en raitwan panishmen im oldei gibit. Im na bin jadjim Bebalon, det nogudbala wuman hubin oldei silip garram enibodi. God bin jadjim Bebalon det taun hubin meigim dijan kantri nogud. Imbin panishim Bebalon, dumaji Bebalon bin kilimbat ola wekinmen blanga im.” Praise

Rebaleishan 2:1

Brom deya det men bin dalim mi blanga raidimdan dijan wed langa det einjul blanga det tjetj langa det taun gulum Efasas. Det men bin holdim detlot 7 sta langa im raidensaid bingga, en imbin wok langa midul langa detlot 7 goldinwan lempsten. En dijan na det wed brom im.

Rebaleishan 21:5

Brom deya God bin tok na brom det speshalwan tjeya, “Mi na bin meigimbat ebrijing nyubala.” God bin kipgon tok langa mi, “Yu raidimdan dijan wed weya aibin tok, dumaji im brabli trubala. Im nomo laiyawan.”

Rebaleishan 3:14

Brom deya det men bin dalim mi blanga raidimdan dijan wed langa det einjul blanga det tjetj langa det taun gulum Leiyadasiya. Det men oldei tok trubalawei, en dei gulum im Trubala. Im neba gobek en im kaan libum wi, dumaji im Bos blanga ebrijing weya God bin meigim.

Rebaleishan 4:8

Detlot fobala najakain enimul bin abum loda wing jis laiga bard. Siksbala wing deibin abum, en ebriweya langa olabat bodi deibin abum ai, insaid en atsaid deibin abum. Wal detlot najakain enimul bin oldei singsing. Deitaim en naitaim dei neba stap singsing, “Holi, holi, holi, det Brabli Haibala God. Im brabli strongbala nomo lilbit. Imbin jidan Boswan lagijat basdam longtaim, en tudei im stil jidan lagijat na, en im garra kipgon jidanbat lagijat olagijawan.”

Rebaleishan 5:9

Brom deya detlot fobala najakain enimul en detlot olmen bin ol sing nyuwan song, “Yubin gajim det rolapwan peipa, en yu gin deigimat detlot sebenbala bush gam, dumaji yu brabli haibala en yubin dai blanga ola pipul. Garram yu ronwan blad yubin baiyim detlot pipul blanga God. Yubin baiyim pipul brom ebri traib en ebri klen en ebri langgus en ebri kantri.

Rebaleishan 6:10

Wal detlot pipul hubin dai blanga det gudnyus bin ol jingat adbala na, “God, yu Brabli Haibala Bos. Yu brabli gudbala, en yu trubalawan du. Longtaim melabat bin weidabat yu blanga bringimap detlot pipul brom ola kantri hubin binijimap melabat. Wal wotaim yu garra jadjim olabat en panishim olabat blanga dijan weya deibin kilim melabat ded?”