Rebaleishan 2:8 - Kriol Baibul

⁸ Brom deya det men bin dalim mi blanga raidimdan dijan wed langa det einjul blanga det tjetj langa det taun gulum Semena. Det men im det Basdamwan en det Binijimapwan, en imbin dai en imbin gidap laibala igin. En dijan na det wed brom im.

Rebaleishan 2:8 Iomraidhean Croise

Aisaiya 44:6

“Mi na, YAWEI det boswan God. Tharran na main neim. Mi na det basdamwan, en det binijimapwan, en oni mi na wanbala God. Ol yumob Isreil pipul, mi na bin seibum yumob, en mi na det king blanga yumob.

Aisaiya 48:12

“Isreil, yumob main ronwan pipul olabat. Yumob lisin langa mi na. Oni mi na YAWEI det trubala God. Mi na det basdamwan en det binijimapwan du.

Romans 14:9

En blanga tharran na Jisas Krais bin dai en imbin gidap laibala brom dedbala wulijim im garra jidan Bos blanga laibala pipul en dedbala pipul du.

Rebaleishan 1:11

“Yu raidimdan langa rolapwan peipa ebrijing weya yu garra luk, en yu garra jandim det peipa langa detlot 7 tjetj deya langa detlot taun gulum Efasas, Semena, Pegamam, Thaiyataira, Sadis, Filadelfiya en Leiyadasiya.” Lagijat na det sambodi bin tok.

Rebaleishan 1:8

Wal God im strongbala, en im brabli haibala. En im na bin tok, “Mi na dei gulum Basdamwan en Binijimapwan. Longtaim aibin jidan, en mi stil jidan tudei, en mi garra stil jidan bambai du.”

Rebaleishan 2:1

Brom deya det men bin dalim mi blanga raidimdan dijan wed langa det einjul blanga det tjetj langa det taun gulum Efasas. Det men bin holdim detlot 7 sta langa im raidensaid bingga, en imbin wok langa midul langa detlot 7 goldinwan lempsten. En dijan na det wed brom im.

Rebaleishan 22:13

Mi na det Feswan, en mi na det Laswan du. Dei gulum mi Olagijawan, dumaji mi det Basdamwan en det Binijimapwan du.” Lagijat na Jisas bin tok.