Rebaleishan 2:7 - Kriol Baibul

⁷ “Wal yu lisin na garram yu irriwol. Yu lisin langa det Spirit blanga God en langa det wed weya im tok langa ola tjetj, dumaji langa detlot pipul hu garra win, ai garra larram olabat dagadagat daga brom det Tri Blanga Laif deya langa det gudbala kantri blanga God, en wen enibodi dagadagat daga brom det tri, im meigim olabat jidan laibala olagija.” Lagijat na Jisas bin tok.

Rebaleishan 2:7 Iomraidhean Croise

Jenasis 2:9

En God bin pudum olkain purdiwan tri garram loda daga deya du, en rait langa midul langa det gadin imbin pudum dubala tri gulum Tri Blanga Laif en Klebabala Tri. Wen enibodi dagat det daga brom det wanbala tri, im meigim olabat jidan laibala olagijawan. En det daga brom det najawan tri meigim olabat sabi ola gudwan ting en ola nogudwan ting du.

Prabebs 11:30

Wen pipul dumbat ola raitwan ting wal olabat garra jidan laibala, bat if pipul faitfaitbat en meigimbat trabul wal loda pipul garra binijap.

Prabebs 13:12

Yu fil brabli nogud insaid wen yu nomo garram detlot enijing weya yu wandim, bat wen yu wandim det samting en im hepin trubala, wal im meigim yu brabli gudbinji.

Prabebs 15:4

Det gudbala wed im gibit wi laif, bat det nogudwan wed im meigim wi fil nogud insaid.

Prabebs 3:18

Detlot pipul hu jidan sabibala garra jidan gudbinji. Det gudbinjiwei garra gibit olabat laif.

Isikiyel 31:8

Nomo eni sidatri langa main gadin langa Idin bin gro wulijim det tri. Dijan tri bin brabli purdiwan, en nomo eni tri langa ola najalot tri bin abum longwan wadi laik dijan.

Methyu 11:15

Wal if yumob garram irriwol, wal yumob garra jinggabat det wed.”

Methyu 13:43

en afta ol detlot pipul hu bulurrum God garra jidan langa det nyubala hebin en nyubala kantri weya olabat Dedi garra meigim, en dei garra shain brabliwei jis laik det san. “Wal yumob irrim mi na if yumob garram irriwol.

Methyu 13:9

Wal if yu garram irriwol, yu garra jinggabat det stori.” Lagijat na Jisas bin tok.

Mak Bin Dalim Ola Stori Blanga Jisas 4:9

Wal yumob irrim na. Wen yumob irrim dijan stori, yumob garra jinggabat.” Lagijat na Jisas bin tok.

Mak Bin Dalim Ola Stori Blanga Jisas 7:15

Wen yumob dagat enijing, im nomo meigim yumob nogudwan wen im gowin insaid langa yumob. Oni detlot ting weya kamat brom insaid langa yumob hat, detlot ting na meigim yumob nogudwan.”

Luk Bin Dalim Ola Stori Blanga Jisas Langa Wan Jintail Men 23:43

Wal Jisas bin dalim im, “Trubala ai dalim yu. Tudei na yu garra jidan garram mi langa det gudbala pleis.”

Luk Bin Dalim Ola Stori Blanga Jisas Langa Wan Jintail Men 8:8

En sambala sid bin buldan langa gudwan graun, en deibin gro gudwei, en deibin abum loda daga.” Lagijat na Jisas bin dalim det stori, en wen imbin binij, imbin tok, “Yumob hubin irrim dijan stori, yumob garra jinggabat na.”

Jon Bin Dalim Det Gudnyus Blanga Jisas Det San Blanga God 16:33

En aibin dalim yumob tharran wulijim wen im garra hepin, yumob garra jidan gudbinjiwei, dumaji yumob jidan wanbala garram mi. Nomeda ola pipul langa dijan wel garra gibit yumob trabul, bat stil yumob kaan bradin, dumaji aibin bidim dijan wel.” Lagijat na Jisas bin dalim im wekinmen olabat.

Fes Karinthiyans 2:10

Bat God bin shoum wi det plen blanga im garram im Holi Spirit. Wal yumob jinggabat na. Nobodi sabi wanim enibodi jinggabat langa im main. Oni det spirit blanga im sabi wanim im jinggabat. En im seimwei blanga God. Oni det Holi Spirit blanga im sabi wanim im jinggabat. Oni im na sabi det plen blanga God.

Sekan Karinthiyans 12:4

Bat ai sabi wen imbin deya, det men bin irrim loda ting. Bat im nomo bin lau dalimbat enibodi blanga detlot ting weya imbin irrim.

Fes Jon 2:13

En ol yumob pipul, mi raidimbat dijan leda langa yumob, dumaji Jisas Krais bin jidan longtaim bifo enijing bin jidan, en yumob sabi im. En ol yumob yang pipul, mi raidimbat dijan leda langa yumob, dumaji yumob bin bidim Seitin det boswan dibuldibul.

Rebaleishan 13:9

Yumob irrim mi na. If yu garram irriwol, yu lisin langa mi.

Rebaleishan 14:13

Brom deya aibin lisin sambodi bin tok langa mi brom hebin, “Yu raidimdan dijan. Brom tudei na ola Kristjan pipul hu dai, dumaji olabat wekinmen blanga Jisas Krais garra brabli gudbinji nomo lilbit.” Wal det Holi Spirit bin tok na, “Trubala dijan. Detlot pipul garra abum brabli gudwan spel, dumaji God sabi wanim olabat bin dumbat blanga im, en im garra peiyimbek olabat.”

Rebaleishan 15:2

Brom deya aibin luk samting jis laiga shainiwan woda, jis laiga bilibong garram faiya, en aibin luk deya wansaid langa det woda bigmob pipul bin jandap. Deibin detlot pipul hu nomo bin bulurrum det enimul en buldan langa det sheip blanga im. Dei nomo bin pudum det namba bren blanga im neim langa olabat forid, dumaji olabat bin win. Wal God bin gibit detkain gita gulum hap langa detlot pipul,

Rebaleishan 2:11

“Wal yu lisin na garram yu irriwol. Yu lisin langa det Spirit blanga God en langa det wed weya im tok langa ola tjetj, dumaji detlot pipul hu garra win kaan go langa det faiyapleis. Dei kaan dai sekantaim.” Lagijat na Jisas bin tok.

Rebaleishan 2:17

“Wal yu lisin na garram yu irriwol. Yu lisin langa det Spirit blanga God en langa det wed weya im tok langa ola tjetj, dumaji langa detlot pipul hu garra win, ai garra gibit olabat det speshalwan daga brom top gulum mena. En ai garra gibit olabat waitwan ston du. Aibin raidimdan nyubala neim blanga olabat langa detlot ston. Nobodi kaan sabi detlot neim langa detlot ston. Oni detlot pipul na hu gedim detlot ston gin sabi.” Lagijat na Jisas bin tok.

Rebaleishan 21:7

Detlot pipul hu nomo gobek, detlot pipul hu win, wal mi na God blanga olabat, en ai gulum olabat main pipul.

Rebaleishan 22:14

Detlot pipul hu bilib langa Jisas Krais brabliwei, im jis laik olabat washim olabat klos klinbala, en olabat garra gudbinji, dumaji olabat lau dagadagat det daga brom det tri blanga laif. Olabat lau go thru langa detlot geit en go insaid langa det taun.

Rebaleishan 22:17

Det Spirit blanga God en det pramis blanga Jisas, dubala dalim Jisas, “Yu kaman na!” En ebribodi hu lisin langa dubala tok lagijat garra tok lagijat gin, “Yu kaman na!” En if enibodi thestibala, en im wandim det woda blanga laif, wal im gin gajim, dumaji det woda im friwan.

Rebaleishan 22:2

en det riba bin go rait langa midul langa det bigbala roud deya langa det taun. Langa dubala said blanga det riba ola tri blanga laif bin jandap. Detlot tri bin oldei abum daga 12 taim ebriyiya. Ebri nyumun detlot daga bin go kukwan. En deibin yusumbat ola bushis blanga detlot tri blanga medisin blanga ola pipul langa ebri kantri.