Rebaleishan 2:6 - Kriol Baibul

⁶ Bat wanbala ting deya bin meigim mi brabli gudbinji langa yu. Yu brabli nomo laigim ola nogudbala ting weya detlot pipul gulum Nikoleiyatin pipul oldei dumbat, en mi nomo laigim detlot nogudbala ting du.

Rebaleishan 2:6 Iomraidhean Croise

Sekan Kranakuls 19:2

Wal wan speshalwan mesinja neim Jehu, hubin san blanga Henanai bin go blanga midap garram det king, en imbin tok langa im, “Wotfo yubin album detlot nogudbala pipul hu nomo laigim YAWEI det trubala God? Tharran na bin meigim YAWEI brabli wail langa yu.

Ola Saam 101:3

en ai nomo wandim jinggabat eni nogudbala ting. Ai nomo laigim det wei blanga ol detlot pipul hubin tenawei brom God. Ai nomo wandim dum enijing garram olabat.

Ola Saam 26:5

Ai nomo go garram pipul hu oldei dumbat nogudwan ting. Mi jidan longwei brom olabat.

Rebaleishan 2:7

“Wal yu lisin na garram yu irriwol. Yu lisin langa det Spirit blanga God en langa det wed weya im tok langa ola tjetj, dumaji langa detlot pipul hu garra win, ai garra larram olabat dagadagat daga brom det Tri Blanga Laif deya langa det gudbala kantri blanga God, en wen enibodi dagadagat daga brom det tri, im meigim olabat jidan laibala olagija.” Lagijat na Jisas bin tok.