Rebaleishan 19:2 - Kriol Baibul

² Im oldei tok trubala wed, en raitwan panishmen im oldei gibit. Im na bin jadjim Bebalon, det nogudbala wuman hubin oldei silip garram enibodi. God bin jadjim Bebalon det taun hubin meigim dijan kantri nogud. Imbin panishim Bebalon, dumaji Bebalon bin kilimbat ola wekinmen blanga im.” Praise

Rebaleishan 19:2 Iomraidhean Croise

Sekan Kings 9:7

Yu garra kilim yu boswan king, det san blanga King Eiheb, wulijim lagijat na ai garra panishim Jesabel, dumaji imbin kilim ola speshalwan mesinja en ola najalot wekinmen blanga mi.

Ola Saam 19:9

Wen wi gibit rispek langa YAWEI im brabli gudwan tharran deya. Wi garra kipgon olataim gibitbat rispek langa im. Det lowa blanga YAWEI im brabli trubalawan. Im oldei gibit pipul feyago.

Aisaiya 25:1

Wal aibin sing dijan song na. “YAWEI, yu na blanga main God. Mi rispek langa yu en preisimbat yu neim. Yu oldei dumbat brabli gudbala ting. Brabli longtaim yubin meigim plen blanga olabat, en yubin dum ebrijing yubin wandim dum.

Denyul 7:26

Afta na det speshalwan kotkeis langa top garra stat en God garra deigidawei det pawa brom im en binijimap im olagija.

Dyudaranami 32:35

YAWEI garra peiyimbek en panishim olabat. Det taim garra kaman wen olabat ol garra buldan. Det taim im gulijap wen olabat garra binij.

Dyudaranami 32:4

“YAWEI im jis laiga brabli strongwan ston weya kipum yumob seifwan. Im neba dum eni rong ting. Yumob gin oldei trastimbat God. Im brabli gudbala en im oldei gibit feyago.

Dyudaranami 32:43

“En detlot najalot pipul garra lafta preisim detlot pipul blanga YAWEI, dumaji im panishim detlot najalot pipul hubin kilim ded im pipul olabat. YAWEI garra meigim detlot enami pei, en im garra meigimbat im pipul olabat fri brom olabat nogudbalawei.”

Rebaleishan 15:3

en deibin sing blanga det yangwan ship, det song weya Mosis det wekinmen blanga God bin lenim olabat blanga sing, “God, yu brabli haibala. Yu na det Brabli Bos. Ebrijing weya yu dumbat, yu dumbat brabli gudwan. Yu oldei jidan trubalawei. Yu nomo laiyawan. En yu oldei gibit feyago langa ebribodi. Yu na king blanga olkain pipul.

Rebaleishan 18:20

Wal ol detlot pipul langa hebin garra jingat brabli gudbinjiwei na. Ola Kristjan pipul, ola speshalwan mishanri en ola speshalwan mesinja blanga God, ol detlot na garra brabli gudbinji, dumaji God bin panishim det nogudbala taun Bebalon na. Imbin panishim det Bebalon hubin oldei ardimbat olabat.

Rebaleishan 18:3

Det taun im binij, dumaji ola pipul bin bulurrum det nogudbalawei. Im jis laik det taun bin gibit nogudbala wain langa ola pipul, en deibin dringgim det strongbala wain, binij. Deibin dumbat ola nogudbala ting na, dumaji det taun im jis laiga yanggel hubin trikimbat ola haibala bos en meigim olabat go rongwei. Ola shop menija brom ebri kantri bin meigim olabat selp brabli ritjwan langa det taun, dumaji ola pipul langa det pleis bin gridi blanga ebrijing.” Lagijat na det einjul bin tok.

Rebaleishan 6:10

Wal detlot pipul hubin dai blanga det gudnyus bin ol jingat adbala na, “God, yu Brabli Haibala Bos. Yu brabli gudbala, en yu trubalawan du. Longtaim melabat bin weidabat yu blanga bringimap detlot pipul brom ola kantri hubin binijimap melabat. Wal wotaim yu garra jadjim olabat en panishim olabat blanga dijan weya deibin kilim melabat ded?”