Rebaleishan 13:7 - Kriol Baibul

⁷ En det enimul bin lau blanga fait langa ola Kristjan pipul du, en im garra bidim olabat. Sambodi bin gibit im pawa oba langa ebri traib en ebri pipul en ebri langgus en ebri kantri.

Rebaleishan 13:7 Iomraidhean Croise

Eksadas 9:16

Bat imbin larram yumob kipgon jidan laibala, dumaji im wandim yu garra luk det pawa blanga im, en afta wen yu luk det pawa blanga im, det stori garra spredat ebriweya, en pipul langa ebri kantri garra tokabat YAWEI det haibala God.

Aisaiya 10:15

“Yu king brom Asiriya yu lisin langa mi na. Yu reken det eks o sowa im mowa strongbala langa det men hu oldei yusumbat im? Yu reken det wadi gin lidimap det men hu holdimbat langa im?

Aisaiya 37:26

‘Wal King Senakerib, yu irrim mi na. Mi na YAWEI. Aibin meigim dijan plen blanga ol dislot ting longtaim. En yu nomo sabi mi na, det wanbala hubin meigim dijan plen wulijim yu gin dum ol dislot ting. Aibin larram yu blanga go en meigim detlot strongbala taun jidan rabishwan.

Jeramaiya 25:9

wal ai garra jandim ol detlot pipul brom nowathwei, en det wekinmen blanga main gulum King Nebakanesa brom Bebalon. Ai garra bringimap olabat blanga fait langa ola pipul langa Juda en langa ol detlot frenmob blanga Juda. Ai garra binijimap ol dislot pipul, en ai garra libum olabat rabishwan olagijawan. Im garra jidan brabli nogud.

Denyul 12:1

Wal det einjul hubin werrimon waitwan klos bin tok na, “Langa det taim blanga det brabli nogudwan trabul na, det haibala einjul neim Maikul hubin lukaftumbat blanga yu pipul olabat garra kaman. En afta na olabat garra abum det taim blanga det brabli nogudwan trabul weya ola kantri nomo bin abum bifo. Wen det taim garra kaman God garra seibum detlot pipul langa yu kantri weya sambodi bin raidimdan olabat neim langa det buk blanga God.

Denyul 7:21

Wal wen aibin stil lukinatbat, det hon bin stat faitfaitbat langa detlot pipul blanga God na, en imbin bidimbat olabat.

Denyul 7:25

Im garra tok nogudbalawei blanga det Brabli Haibala God, en im garra ardim en kilim detlot pipul blanga God. Im garra trai en tjeinjim det serramoni en lowa blanga olabat. En blanga detlot pipul blanga God dei garra jidan anda langa im pawa blanga thri en haf yiya.

Luk Bin Dalim Ola Stori Blanga Jisas Langa Wan Jintail Men 4:6

“Ol dislot kantri iya olabat blanga main. Mi na bos blanga olabat, en ai gin meigim enibodi ai wandim jidan bos langa olabat. En if yu bulurrum mi, wal ai garra gibit yu ola pawa en meigim yu bos langa ol dislot kantri.”

Jon Bin Dalim Det Gudnyus Blanga Jisas Det San Blanga God 19:11

Wal Jisas bin dalim im, “Yu garram pawa oba langa mi, dumaji God bin gibit yu det pawa. Bat det boswan haibala serramonimen hubin bringimap mi iya langa yu, im gilti brabliwei, dumaji im na wandim mi blanga dai.”

Rebaleishan 10:11

Brom deya sambodi bin dalim mi, “Wanmo yu garra dalim ola pipul wanim God bin tok blanga ebri kantri en ebri traib en ebri langgus en ebri bos.”

Rebaleishan 11:18

Detlot pipul langa ola kantri bin brabli wail langa yu. Bat yubin gitwail langa olabat du. En det taim bin kaman na. Ol detlot dedbala pipul garra kaman langa yu, en yu garra jadjim olabat. Yu garra gudbinji langa yu pipul olabat. Detlot speshalwan mesinja hubin wek blanga yu, en ol detlot pipul hubin bulurrumbat yu olawei, ol detlot Kristjan pipul hu weship langa yu, nomeda olabat bigwan o lilwan, wal langa ol detlot na yu garra gudbinji blanga olabat en gibit olabat gudwan enijing. Langa detlot najalot pipul hubin meigim dijan kantri nogud, yu garra panishim olabat. Ol detlot nogudbala pipul na yu garra binijimap olabat.” Lagijat na detlot olmen bin tok.

Rebaleishan 11:7

Wal wen det dubala witnis garra binij dalimbat det wed blanga God, wanbala najakain enimul garra kamat brom det dipwan hol blanga fait langa dubala, en im garra bidim dubala. Im garra binijimap dubala,

Rebaleishan 12:17

Wal det dregan bin brabli wail langa det wuman na, en imbin go blanga fait langa ola najalot biginini blanga det wuman. Detlot biginini olabat na ola Kristjan pipul. Olabat na ol detlot pipul hubin lisin langa God lowa en bulurrum det gudnyus blanga Jisas Krais.

Rebaleishan 17:15

En imbin kipgon tok, “Detlot riba weya yubin luk det nogudwan wuman jidan, olabat na bigmob pipul brom ola kantri en traib en langgus.

Rebaleishan 5:9

Brom deya detlot fobala najakain enimul en detlot olmen bin ol sing nyuwan song, “Yubin gajim det rolapwan peipa, en yu gin deigimat detlot sebenbala bush gam, dumaji yu brabli haibala en yubin dai blanga ola pipul. Garram yu ronwan blad yubin baiyim detlot pipul blanga God. Yubin baiyim pipul brom ebri traib en ebri klen en ebri langgus en ebri kantri.