Rebaleishan 10:2 - Kriol Baibul

² en langa im bingga imbin abum lilwan rolapwan peipa. Bat det peipa bin opinwan. Wal det einjul bin pudum im raidensaid fut ontop langa solwoda en im lefthensaid fut ontop langa graun,

Rebaleishan 10:2 Iomraidhean Croise

Ola Saam 2:8

If yu askim mi blanga enijing, wal ai garra gibit yu ola kantri ebriweya, en ola pipul garra jidan yu pipul olabat.

Ola Saam 65:5

God, wen yu irrim melabat preya yu oldei dum ola brabli gudbala ting en seibum melabat. Pipul langa ebri kantri en brom najasaid langa solwoda du trastimbat yu, God.

Aisaiya 59:19

Im garra kaman jis laik det fladwoda en det brabli strongbalawan win. En langa det taim na ola pipul brom sanraiswei en brom sangodanwei garra preisim im brabli gudbala neim en shoum rispek langa im.

Methyu 28:18

Afta na Jisas bin kaman gulijap langa olabat, en imbin tok, “Dedi God bin meigim mi Bos langa hebin, en imbin meigim mi Bos iya langa graun du,

Rebaleishan 10:5

Brom deya det einjul weya aibin luk jandap langa solwoda en langa graun bin lidimap im raidensaid bingga langa top,

Rebaleishan 6:1

Brom deya langa main drim aibin luk det yangwan ship bin deigimat det feswan bush gam brom det rolapwan peipa, en aibin lisin wanbala brom detlot fobala najakain enimul. Imbin jingat adbala jis laik thanda, “Kamat!”

Rebaleishan 6:3

Brom deya det yangwan ship bin deigimat det sekanwan bush gam brom det rolapwan peipa, en aibin lisin det sekanwan brom detlot fobala najakain enimul bin jingat adbala, “Kamat!”