Rebaleishan 1:12 - Kriol Baibul

¹² Brom deya aibin tenim miselp blanga luk hubin tok langa mi, en aibin luk 7 goldinwan lempsten bin jandap deya,

Rebaleishan 1:12 Iomraidhean Croise

Eksadas 25:37

en yu garra meigim sebenbala lemp blanga det pol, en yu garra meigim olabat jandap weya dei garra shain lida langa det Tent.

Eksadas 37:23

en imbin meigim sebenbala lemp blanga det pol, en garram gudwan gol imbin meigim ola ting blanga lukaftum detlot lemp.

Maika 6:9

“Wal yumob lisin na, dumaji YAWEI im jinginatbat langa ol yumob pipul. En if yumob irrim im gudwei, wal yumob brabli sabi.” Lagijat na aibin tok.

Sekaraiya 4:2

En imbin tok langa mi, “Wanim yu gin luk?” Aibin ensim im, “Ai gin luk golwan lempsten en deya ontop im garram det boul garram oil. En ontop langa det lempsten sebenbala lemp, en insaid langa ebri lemp detlot pleis blanga laidim sebenbala lait.

Rebaleishan 1:13

en rait langa midul langa detlot goldinwan lempsten wanbala men bin jandap. Det men bin werrimon brabli longwan kout. Det kout bin godan raidap langa im fut, en det men bin abum goldinwan belt raidaran langa im briskit du.

Rebaleishan 1:19

“Wal yu garra raidimdan ebrijing yu luk iya. Yu garra raidimdan detlot ting weya dei hepin tudei en detlot ting weya garra hepin bambai.

Rebaleishan 1:20

Detlot 7 sta weya yubin luk langa main raidensaid bingga, nobodi sabi detlot sta. Oni mi na ai sabi. Bat ai dalim yu. Detlot sta olabat 7 einjul blanga detlot 7 tjetj, en detlot 7 goldinwan lempsten weya yubin luk, detlot na detlot 7 tjetj.” Lagijat na Jisas bin tok langa mi langa det drim.

Rebaleishan 2:1

Brom deya det men bin dalim mi blanga raidimdan dijan wed langa det einjul blanga det tjetj langa det taun gulum Efasas. Det men bin holdim detlot 7 sta langa im raidensaid bingga, en imbin wok langa midul langa detlot 7 goldinwan lempsten. En dijan na det wed brom im.

Rebaleishan 4:1

Afta na aibin abum najawan drim, en langa det drim aibin luk wan dowa bin opin langa hebin, en aibin lisin sambodi bin tok langa mi. Imbin jis laik det bambu weya aibin irrim jingat basdam. Wal det sambodi bin dalim mi, “Yu kaman en galimap iya langa mi, dumaji ai garra shoum yu wanim garra hepin bambai.”