Prabebs 13:3 - Kriol Baibul

³ Yu garra jinggabat gudwei wanim blanga tok blanga lukaftum yu laif, dumaji enibodi hu tok enijing eniweya en nomo jinggabat garra oni binijimap im laif.

Prabebs 13:3 Iomraidhean Croise

Ola Saam 141:3

YAWEI, holdim main mawus, en nomo larram mi tok nogudwei.

Ola Saam 34:13

wal yumob kaan tokabat pipul nogudwei en dalimbat laiya!

Ola Saam 39:1

Aibin tok miselp, “Ai garra meiksho ai nomo dum nogudbala ting, en ai kaan larram main mawus meigim mi tok nogudbala wed. Jis laik wen yu pudum braidul bit langa hos mawus, wal lagijat du ai kaan tok eni wed wen nogudbala pipul jidan gulijap langa mi.”

Prabebs 10:14

Detlot pipul hu jidan sabibala, olabat kipgon lenlenbat mowa, bat wen detlot silibala pipul toktok trabul garra kaman.

Prabebs 10:19

If yu toktokbat oldei, wal yu garra faindim miselp dumbat nogudbala ting. If yu garram gudbala main, wal yu garra jidan kwaitbala.

Prabebs 10:8

Det sabibala men oldei duwit langa ola gudwan wed, bat detlot pipul hu toktok silibalawei garra ol binijap.

Prabebs 12:13

Detlot nogudwan pipul oldei trepam miselp garram olabat ronwan nogudbala wed, bat ola pipul hu jidan trubalawei oldei deigimat miselp brom eni trabul.

Prabebs 13:4

Detlot pipul hu jidanbat leisiwan en nomo dumbat wek kaan gajim enijing nomeda haumatj dei wandim det ting, bat detlot pipul hu oldei dumbat wek garra gajim bigismob enijing dei wandim.

Prabebs 14:3

Det praudbalawei blanga silibala pipul meigim olabat tok olkain siliwan ting en bambai dei garra abum trabul, bat det wed blanga sabibala pipul meigim olabat jidan seifwan.

Prabebs 18:21

Wanim yu tok gin meigim pipul jidan laibala o dedbala. Wal blanga tharran na yu garra wotjim wanim wed yu tok.

Prabebs 18:7

Wen det sambodi hu nomo sabi tok, wal im ronwan wed trepam im en gibit im trabul.

Prabebs 20:19

Yu nomo go langa detlot pipul hu deigimbat yan dumaji olabat nomo kipum sigrid.

Prabebs 21:23

If yu oldei wotjim wanim yu tok, wal yu garra kipawei brom loda trabul.

Jeims 1:26

Wal if yumob tok yumob oldei bulurrumbat God, bat seimtaim yumob nomo hendulum yumob tang, wal najing. Yumob nomo bulurrum God. En if yumob tok enikain nogudbala ting, wal yumob oni dalimbat laiya.

Jadjis 16:11

Wal Semsan bin tok, “If dei taiyimap mi garram nyuwan roup weya nobodi bin yusum bifo, wal ai garra jidan jis laik enibodi.”

Jadjis 16:17

en afta imbin dalim im trubala, “Nobodi neba kadim main heya bifo, dumaji brom beibitaim aibin jidan jis laik det speshalwan men blanga God gulum Nesarait. En if enibodi kadim main heya, wal det pawa garra libum mi, en afta ai garra jidan jis laik enibodi.”