Neiham 3:9 - Kriol Baibul

⁹ En detlot pipul langa det taun bin jidan bos blanga ola pipul langa Ijip en langa det kantri gulum Ithiyopiya, en ola pipul langa det kantri gulum Libiya bin jidan gudfren blanga olabat.

Neiham 3:9 Iomraidhean Croise

Jenasis 10:6

Det san blanga Nowa neim Hem bin abum fobala san neim Kush, Misraim, Put en Keinan.

Fes Kranakuls 1:8

Wal detlot san blanga Hem bin neim Kush, Ijip, Libiya en Keinan, en deibin grengrenfatha blanga ol detlot pipul hu garram detlot neim.

Sekan Kranakuls 12:3

Imbin abum 1,200 bagi, 60,000 hosmen en blendibala solja weya nobodi kaan kaundimap. Imbin abum detlot ami brom Libiya, Sukait en Ithiyopiya du.

Sekan Kranakuls 16:8

Wal yu jinggabat haumatj pawa det Ithiyopiya en Libiya ami bin abum, garram detmatj hosis en bagi en soljamob. Yubin trastim YAWEI blanga album yu det taim, en yubin bidim olabat.

Aisaiya 20:5

Olabat kaan sabi wanim olabat garra dum, en nobodi kaan album detmob na, dumaji olabat bin ol joinin garram detlot Ithiyopiya pipul en olabat bin tok praudbalawei blanga Ijip.’

Jeramaiya 46:9

Yumob solja brom Ijip go blanga fait. Go kwikbala garram ola bagi en hosis. Go garram ola solja brom Ithiyopiya en Libiya garram olabat shild. En go yumob solja brom Lidiya garram yumob bo en erro.’ ” Lagijat na YAWEI bin tok.

Isikiyel 27:10

Ola breibwan solja brom Pesha, Lidiya en Libiya bin oldei wek langa yu bout, en deibin oldei maindimbat yu, en deibin meigimbat yu brabli haibala.

Isikiyel 29:7

Wen deibin oldei askim yumob blanga album olabat, yumob bin jidan jis laik det brabli wikwan wadi weya bin breikhaf wen olabat bin trai yusum, en deibin ardim miselp am en bin buldan.

Isikiyel 30:5

“ ‘Yumob Ijip pipul bin peiyimbat mani blanga detlot solja brom detlot kantri gulum Ithiyopiya, Libiya, Lidiya, Areibiya, Kub en brom Isreil blanga albumbat yumob, bat ol detlot solja garra dai langa det wo du.

Isikiyel 31:2

“Isikiyel, yu dalim det king brom Ijip en im pipul olabat wanim ai toktokbat, ‘Yu garram mowa pawa langa enibodi langa dijan wel. Wal yu irrim dijan wed na.

Isikiyel 38:5

Ola ami en soljamob blanga yu kaman brom Pesha, Ithiyopiya en brom Libiya,

Denyul 11:43

Det king garra deigimwei brom Ijip ola gol en silba en det najalot brabli gudwan ting weya olabat bin haidimbat. Im garra fait en teikoba Libiya en Ithiyopiya.