Neiham 3:5 - Kriol Baibul

⁵ Wal YAWEI det trubala God im na det haibala bos, en im tok, “Ai garra panishim ol yumob Ninaba pipul. Ai garra deigidawei ola enijing brom yumob, en ola najalot pipul ebriweya garra luk langa yumob, en yumob garra sheim miselp brabliwei.

Neiham 3:5 Iomraidhean Croise

Jeramaiya 13:22

Maitbi yumob askim miselp, ‘Wotfo dislot ting bin hepin, en wotfo detlot enami bin breigimap melabat klos en fosim melabat blanga silip garram olabat?’ Wal, dumaji im blanga yumob ronwan nogudbalawei.

Jeramaiya 13:26

Wal YAWEI na garra deigimat yumob klos, en libum yumob, en yumob garra jidan sheim miselp na.

Jeramaiya 50:31

“Bebalon, yu brabli praudbala. Wal mi na YAWEI det brabli boswan God, en ai nomo laigim yu na. Det taim bin kaman na wen ai garra panishim yu.

Isikiyel 16:37

Dumaji yubin oldei dum ol dislot ting na, ai garra majurrumap ol yu boifren, detlot yu laigim en detlot yu nomo laigim. Ai garra meigim olabat jandap raidaran langa yu en ai garra deigimat yu klos en olabat garra luk yu garra jandap neigidbala.

Isikiyel 21:3

Mi jidan redibala na blanga binijimap panishim olabat. Ai garra deigimat main bigwan naif en ai garra kipum redibala blanga kilim enibodi nomeda olabat gudbala o nogudbala.

Isikiyel 23:25

Mi brabli wail langa yu en ai garra larram olabat panishim yu, dumaji olabat wail langa yu du. Olabat garra kadimof yu nos en yu irriwol en dei garra kilim yu bigininimob. Dei garra deigidawei ol yu san en dodamob en dei garra tjakam olabat langa det faiya wen olabat stil laibala.

Isikiyel 23:29

En dumaji dei heidimbat yu, dei garra deigidawei ola ebrijing brom yu, nomeda yubin dum adwek. Dei garra libum yu neigidwan, jis laik wen yubin silipsilipbat garram ola men. Ebribodi garra luk yu, dumaji yu brabli nogudbala.

Isikiyel 26:3

“Dumaji yumob pipul brom Taya bin singsingbat det song na, wal ai garra wonim yumob. Mi na YAWEI det boswan God, en mi na yumob enami. Ai garra jandim najalot pipul brom najalot kantri blanga fait langa yumob. Dei garra kaman jis laik detlot bigbala weib weya garra bitsimap ola taun wol blanga yumob, en ola strongwan haus weya detlot soljamob oldei jandap en wotjimbat. Ai garra tjakidawei ol detlot rabish weya im jidan olaran langa yumob. Nomo enijing garra jidan deya, oni rok.

Maika 1:11

“En ol yumob Juda pipul deya langa det taun gulum Shafiya, yumob garra sheim, dumaji dei garra deigidawei yumob brom yumob taun neigidbala. “En ol yumob Juda pipul deya langa det taun gulum Seinan, yumob kaan kamat brom det taun blanga yumob, dumaji yumob garra bradin detmatj. “En ol yumob Juda pipul deya langa det taun gulum Bethesel, yumob garra kraikrai, dumaji det taun kaan seibum yumob.

Neiham 2:13

Wal YAWEI im na det haibala bos, en im tok, “Mi na yumob enami, en ai garra barnimap ol detlot bagi blanga yumob, en ola solja blanga yumob garra ol dai langa det fait, en ai garra deigidawei ol detlot enijing weya yumob bin gajimbat brom ola najalot pipul, en nobodi kaan sabi yumob na, dumaji det pawa blanga yumob garra gowei olagijawan.” Lagijat na God bin tok langa ol detlot Ninaba pipul.

Hebakak 2:16

Wal seimwei na yumob Bebalon solja garra sheim miselp dumaji nobodi kaan laigim yumob en nobodi kaan shoum eni rispek langa yumob enimo, en ai garra meigim yu jidan drangginwan en wen najalot garra luk yu nomo garram klos wal yumob garra sheim miselp en olabat kaan rispek langa yumob enimo.