Neiham 3:10 - Kriol Baibul

¹⁰ En nomeda deibin jidan strongbala pipul lagijat, bat stil ola enami blanga olabat bin deigidawei olabat. Olabat enami bin bastimap olabat biginini olabat ebriweya langa roud, en deibin taiyimap ola boswan men garram tjein, en deibin kadimat olabat en meigim olabat jidan wekinmen.

Neiham 3:10 Iomraidhean Croise

Sekan Kings 8:12

Heiseiyel bin askim im, “Bos, wotfo yu kraikrai?” En Ilaisha bin tok, “Dumaji ai sabi yu garra dumbat brabli nogudwan ting langa ola Isreil pipul. Yu garra barnimap ola strongwan wol langa detlot taun garram faiya, en yu garra kilimbat detmob brabli strongwan yangboi, en yu garra beldimbat ola biginini raidap olabat dai, en yu garra kadim opin ola wuman hu garra abum beibi.”

Job Wotfo Gudbala Pipul Abum Trabul? 6:27

Yumob wed ardimbat mi, en yumob nomo kain langa mi. Maitbi seimwei yumob garra go en ardimbat detlot biginini hu nomo garram mami o dedi, o ardimbat yumob ronwan kantrimen. Maitbi yumob garra selim olabat blanga mani.

Ola Saam 137:8

Pipul blanga Bebalon, bambai yumob garra binijap. Detlot pipul hu garra peiyimbek yumob blanga wanim yumob bin dum langa melabat, garra gudbinji.

Ola Saam 137:9

Olabat garra deigim yumob beibimob en smeshimap olabat langa bigwan ston.

Ola Saam 149:8

en blanga taiyimap ola king en detlot lidamob garram tjein.

Aisaiya 13:16

Olabat garra lukinatbat olabat bigininimob wen detlot men garra kilimbat olabat ded krulbalawei, en wen dei garra stilimbat ebrijing brom olabat haus, en wen dei garra fosimbat olabat waif du.

Aisaiya 13:6

“Yumob deya langa Bebalon, det taim im gulijap wen YAWEI garra binijimap yumob. Yumob garra kraikraibat brabliwei.

Aisaiya 19:4

Bat ai garra meigim brabli krulbala king brom najawan kantri jidan bos blanga detlot Ijip pipul. Dumaji mi na YAWEI det boswan God meigim dijan pramis.’ Lagijat na YAWEI bin tok.”

Aisaiya 20:4

Det king brom det kantri gulum Asiriya garra deigidawei ebribodi na brom det dubala kantri, en dei garra gowei nomo garram eni klos en nomo garram eni but. Im garra deigimwei ola yang pipul en ola ol pipul. Olabat garra ol gowei prisana.

Leminteishans 2:19

Olnait yumob blanga Jerusalem garra gidap oba en oba igin en jinginatbat langa YAWEI blanga album yumob. Yumob garra dalim im ebrijing en askim im blanga kain langa yumob bigininimob, dumaji detlot biginini bin buldanbuldan hanggriwan ebriweya langa ola roud.” Lagijat na det speshalwan mesinja bin tok.

Leminteishans 4:1

Wal det speshalwan mesinja im tok mowa, “Wal det gudwan gol nomo shain brabliwei na, en detlot ston blanga det Serramoni Pleis leidan ebriweya langa ola roud.

Isikiyel 29:7

Wen deibin oldei askim yumob blanga album olabat, yumob bin jidan jis laik det brabli wikwan wadi weya bin breikhaf wen olabat bin trai yusum, en deibin ardim miselp am en bin buldan.

Hoseiya 13:16

“Ol yumob Isreil pipul brom det taun Sameriya garra pei blanga det nogudbalawei blanga yumob, dumaji yumob bin gibit bekboun langa mi. Yumob garra ol dai langa det wo wen detlot ami garra kaman brom sanraiswei. Dei garra smeshimapbat ol yumob biginini langa graun, en dei garra kadimbat eni gel hu garram beibi insaid langa olabat binji.” Lagijat na YAWEI bin tok.

Jowal 3:3

En deibin gembuling blanga hu garra gajim detlot pipul main. En wen deibin wandi silipsilipbat garram enibodi, dei nomo bin oldei peiyim det gel garram mani. Deibin oldei peiyim im detlot lilboi main weya deibin deigidawei brom main kantri. En wen deibin wandim wain blanga dringgimbat, dei nomo bin oldei baiyim det wain garram mani. Deibin oldei baiyim det wain garram detlot lilgel main weya deibin deigidawei brom main kantri.

Eimos 1:13

Blanga detlot pipul langa det kantri gulum Eman YAWEI bin tok, “Detlot pipul langa det kantri gulum Eman oldei dumbat nogudbala ting en blanga tharran na ai garra panishim olabat. Wen olabat bin abum det fait blanga gajim mowa kantri olabat bin kadimbat binji nogudwei blanga detlot wuman weya bin jidan femiliwei deya langa det kantri gulum Giliyad.

Obadaiya 1:11

Det taim na wen olabat enami bin kaman langa olabat, yumob nomo bin album olabat. Detlot enami bin gowin langa det taun Jerusalem, en deibin deigidawei ola gudwan enijing brom olabat, en yumob bin joinin langa detlot enami, en yumob bin kadimat miselp ola enijing blanga yumob braja olabat jis laik detlot enami bin dum.